الموضوع: هل تصدق أن كرتون الماء المقطر ( 12 علبه ) بـ 9 ريال من محلات الجمله !

السلام عليكم ورحمة الله وبركاته

كيف حالكم إن شاء الله بخير ؟

اليوم حبيت أكتب الموضوع هذا عشان أفيد الناس اللي يستهلكون الماء المقطر بكثره .. يعني مثلا يبي يغير ماء الراديتر .. أو عنده سيارات كثيره .. أو يحب يعبي ماء مقطر في المساحات .. أو الخ...

قبل فتره رحت بشتري كرتون ماء مقطر من محلات الجمله وتفاجأت بسعره 9 ريال :d

قلت لنفسي دام سعره 9 ريال أجل بأخذ 3 كراتين :d = 27 ريال

لسيارتي ولسيارات أخواني ولي وللزمن :d


البنشر يبيع العلبه بـ 2 ريال × 36 علبه ( 3 كراتين ) = 72 ريال .. وبعضهم العلبه بـ 3 ريال


وفيه محل يبيع زيت وماء مقطر والخ... مفرق ( بجنب محل الجمله )
يبيع بأسعار معقوله وممتازه جدا

علبة الماء المقطر بـ 1 ريال .. يعني يربح فقط ربع ريال بكل علبه
وبرأيي أن سعره معقول جدا جدا ورخيص

1 ريال × 12 علبه = 12 ريال
واذا بتاخذ 36 علبه ( 3 كراتين ) = 36 ريال

علبة زيت كاسترول ماجناتيك تخليقي بالكامل 5W30 بـ 25 ريال ( مفرق ؛ الجمله بيكون أرخص شوي ) .. أرخص بكثير من زيت وكالة هوندا ( المصنوع في السعوديه ) 5W30 العلبه بـ 40 ريال


ومكانه قريب جدا من وكالة هوندا بالقصيم
وأنت ماشي بنفس شارع الوكاله بتلقى لوحة موبيل Mobil كبيره ومكتوب القفاري

تحت اللوحه على طول بتلقى محل الجمله والمفرق ؛ العامل الأجنبي اللي بالمفرق مطوع وحبيب وأمين جدا وأسعاره رخيصه و معقولة جدا

أما اذا كنت بتشتري كرتون من الجمله تدخل على مكتبهم وتحاسبهم ويعطونك الفاتوره ثم تروح للعمال وتوريهم الفاتوره .. ويحطون الكراتين بعربيه يدفونها ويحملون الكراتين بسيارتك

مؤسسة صالح العلي القفاري للزيوت البتروليه
القصيم - بريده - طريق الملك عبدالعزيز

لكن أنتبه من الشارع هذا وإشاراته .. وكل الشوارع والإشارات اللي قبله وبعده وحواليه ( ملغمه كلها بـ ساهر ) وأنتبه لا تتعدى خط سير المشاة عند الإشاره .. ولا تسرع


أقسم بالله العظيم مالي أي مصلحة أو علاقه بهذا المحل
لكن أعجبتني أسعارهم وتعاملهم ودائم أشتري منهم
وحبيت أدعمهم + أفيد الأعضاء والمشرفين والزوار بالمنتدى

وإن شاء الله يستمرون على أسعارهم الرائعه