وعليكم السلام
اول شي الله يبارك لك فيها ويعطيك خيرها ويكفيك شرها
الرساوة معروفة بهوندا من عام 97 خصوصاَ لو قارنتها بفئتها وحتى بعض الفئات الي اعلى منها وانا من الناس الي جربت 2000 و 2003 وكنت مخدوع بجودة بعض السيارات يعني ماكل مقلب قوي جداَ :d
نجي للموضوع الاهم عيب التنسيم وبكتب عنه بتفصيل والي هو العيب الاكبر والوحيد
يا طويل العمر التنسيم بجميع السيارات لكن تنسيم عن تنسيم يفرق وتنسيم على سرعة عن سرعة يفرق ! وش اقصد ؟
الي اقصده ان السيارات بهذي الفئة يبدأ التنسيم فيها على سرعات معينه ولكن بالاكورد 2013 التسيم يبدأ من سرعة 100 هنا العيب الاكبر
ايضاَ صوت التنسيم قوي يعني ما تسمع مثل هذا التنسيم بباقي السيارات ومنها الاكورد الموديل السابق
والعيب هذا موجود بالخليج وحتى بأمريكا ولكن عندهم نزل حل للمشكلة بتغيير الجلده للباب على الضمان في اقل من شهر ؟
عندنا
احيكلك وش صار معاي
رحت على صيانة 1000 الي بفرع الجوهرة على طريق مكة جدة السريع كلمتهم على كم شغله بسيطة وضبطوها < لا تفوتكم صالة الزوار وناسه بلياردو وكوفي وشاشة 60 وعلى قناة غنوة ههههه ناقصهم Wifi مره الفرع راقي بس الي يشتغلون فيه اخلاقهم ابو كلب :d
المهم كلمت المسؤول عن الصيانة قالي هذا مو عيب الصوت طبيعي
قلت له مو طبيعي انا ابغاكم تكشفون عليها قالي ما يحتاج و جلس يلف ويدور وما كان معطيني اي اهمية !!!
تركته ودخلت على مدير الصيانة اسمه عبدالرحمن اعتقد انه سوداني وهنا بدء العبط
كلمته عن المشكلة قالي انت تسمع صوت الهواء من الابواب
قلت ايه اسمع صوت الهواء
قالي طيب انت اذا حطيت يدك تحس بالهواء !
قلت طبعاَ لا!!!!!!!!!
قالي خلاص هذي مو مشكلة هذا الصوت طبيعي
قلتله انتم حافظين نفس الكلام وترجعون ترددونه ؟ نفس كلام موظف الصيانة الي برا قلت انا ركبت سيارات كثيرة يعني هذي مو اول سيارة اسوقها ولكن التنسيم هنا اكبر وعلى سرعة 100 والمشكلة هذي نزلت بامريكا وتغيرت الجلده بدون اي نقاش
قال هذا المشكلة نزلت فقط بامريكا وانا شفت الملف الخاص بحل المشكلة (<قبل فترة الشباب نزلوا نفس الملف هنا بالمنتدى بابحث عنه وانزله )
ولكن ما وصلنا اي شي من دبي وهم يجربون السيارات بدبي واذا فيها عيوب يعممون على باقي وكلاء الخليج بحل المشكلة وطريقة الحل بعد التواصل مع هوندا الام باليابان واذا احتاجت تغيير للقطعة تتغير على الضمان
قلتله يا استاذي انا ابغاك تغير لي الجلده مع وزن للابواب قال الجلدة الي موجوده عندنا هي نفسها راكبه عندك بنفس رقم القطعة يعني مارح تستفيد شي غير تاخير
هنا طلبت منه يطلع معاي ويجرب السيارة قالي بارسل معاك فني من الصيانة و طلع معاي فني الصيانة وبعد محاولات وشد وجذب طلعت الكلام منه
قالي بالحرف الواحد احنا راسلنا الشركة باليابان بخصوص هذي العيب ووننتظر الرد
قلتله وش دخل اليابان السيارة صناعة امريكية قالي امريكا مهمتها تجميع ولكن هذا العيوب حلها من اليابان واحنا ننتظر الحل
وراح نبلغ العملاء اذا استجد شيئ
انتهاء
------
انا املك السيارة ولا يوجد غير هذا العيب
اما العزل الارضي بهذي الفئة من السيارات عزلها الارضي سيئ ولكن الاكورد عزلها الاسوء بفئتها وقبل ما اشتري السيارة وانا عراف هذا السلبية في هوندا من زمان وفي حلول بتغيير الكفرات لانها مسببه زيادة بالصوت ايضاَ تركيب عازل ارضي من جيوشيلد وراح يتحسن الوضع كثير ومو هذا السبب الي يخليني ابعد عن الاكورد
ولكن التنسيم يسبب لك احراج لو ركب معاك واحد من الكناغر الاسترالية او الضفادع الكورية لوول وبدء يعيب بالسيارة وبهوندا بالهمز واللمز هههههه :d والمشكلة سياراتهم فيها عيوب الارض كلها !
ونصيحتي لك يا تاخذ سبيشل او فل مخمل اما الفل جلد سعرها شاطح على وشهو نافيقيشن وكاميرا وجلد ؟
اذا بتاخذ فل جلد انصحك تزيدها وتاخذ السته سلندر عاد هذيك تستاهل لكن فل جلد 4سلندر والله مبالغ فيها
والسيارة الي بتاكل الجو هي مازدا 6 فل ب98 وفيها رادار وسماعات بووز وشغلات تستاهل اكثر من هذا السعر ولكن الى الان ما نعرف وش بتنزل من عيوب واكبر عيوبها هو وكيلها
اسف على الاطالة < ههههههههههههه احس اني كتبت دستور المملكة :d
مواقع النشر (المفضلة)