السلام عليكم جميعا ..
كيف حالكم ..!؟

ي شباب انا الحين ماشي موتري 800 كيلو ماشاء الله فقط
ولكن مرت علي مشاكل كثيرة ودونتها عندي مدري اذا فيه احد صارت له نفس مشاكلي ووش سوا معها ووش سوو له الوكاله
لكن انا ب صراحة انصدمت ب السيارة ماتوقعت انها لهذه الدرجة تتفكك من 800 كيلو ..!!!
المشاكل كـ التالي :
1)الانوار الامامية الكشافات العاديه فيها تفاوت عجيب يعني اللي يسار راجع مره بعكس اللي يمين .
2)اذا كنت واقف او حتى ماشي وشغلت لمبة وحدة من اللي جوا السيارة (الصغيرة) كل شوي تضعف وترجع تقوا يعني فيه مشكلة في توزيع الكهرب.
3)الفرامل يطلع معه صوت عجيب .
4)اكثر مشكلة شيبت راسي فيه صوت يطلع من جهه اليمين مادري من دديكور الباب او من الشباك صوت حكحكه كانه صوت القزاز اذا كان مرتخي ويتحرك .
5)اليوم طلع لي صوت ب الديكور تحت الدركسون بشكل عام من المنطقة اللي امام السواق تقريبا تحت الدركسون صوت صرصرة وحكحكه غريبة وقوية واضحه مع الشوارع اللي مو ذاك الزفلت الكويس
6)اول ماتشغل السيارة وتخليها عشان تحتمي عداد الضغط مو ثابت يروح ويجي تشوف الامبير مو ثابت متردد
7)مشكلة ب نظام الشاشة يعني وانا مشغل سي دي ام بي ثري وانت تغير التراكات فجاه ماتقدر تغير لا من الشاشة ولا من الدركسون وجربت اكثر من سي دي نفس المشكلة لازم اطفي المسجل وارجع اشغله عشان يزبط

اللي واجهته احد المشاكل او كلها يفيدني وش سوا معها لان ب صراحة جاني تكاك من ذا المشاكل
يعطيكم العافية مقدما ...