الله يعطيك خيرها ويكفيك شرها
للأسف راعي السياره اللي قبلك .. مهمل ولا يغير زيت القير والفلتر والسياره ماشيه 140 ألف على الزيت .. فـ ممكن اذا غيرت الزيت يصير عندك حنه أو ونه بالقير .. وممكن يخبط لا سمح الله .. وممكن ما تحصل مشاكل وتحس بتحسن وأداء أفضل وتعشيقات أنعم
بكتالوج السياره مكتوب يغير زيت القير كل 60 ألف أو 40 ألف كيلو ( في الظروف الشاقه ) .. وكل 120 ألف كيلو ( في الظروف العاديه )
وحنا بالسعوديه ظروف واجواء القياده تعتبر شاقه
على العموم غيّر زيت القير والفلتر الخارجي حق زيت القير < الأشياء هذي يفضل تغيرها بالوكاله
اذا أنت طفران غيّر الأشياء المهمه ( زيت القير - زيت المكينه وفلتر زيت المكينه " السيفون " - فلتر هواء ) ونظّف فلتر هواء المكينه + فلتر المكيف .. بالهواء المضغوط اللي عند البناشر .. وباقي الأشياء غيرها الشهر الجاي واللي بعده
أما إذا كنت كاش ؛ غيّر ( زيت المكينه والسيفون + زيت القير والفلتر الخارجي + البواجي + فلتر الهواء + فلتر البنزين + اذا فلتر المكيف قديم غيّره + شيّك على الفحمات )
وخل ضغط هواء الكفرات على 30 مع ترصيص لاصق
واذا فيه رجة قويه أثناء الضغط على الفرامل .. أخرط الهوبات
وجرب تعبي بنزين 95
ليش تغير حساس الفرامل والقير ؟
فلتر زيت المكينه ( السيفون ) بعد الخصم بـ 19.20 ريال
بواجي الأكورد 2008 وفوق .. نوعها أريديوم وغاليه وتدوم لمدة اطول تقريبا 80 أو 100 ألف كيلو ويمكن أكثر ! مقارنة بالبواجي العاديه الرخيصه
بواجي الأكورد 2007 ونازل .. رخيصه ولكن تحتاج تغيير كل 40 ألف كيلو تقريبا
مواقع النشر (المفضلة)