اي قياس اركب ؟

**The Godfather** · 10-11-2007, 03:21 PM

السلام عليكم
يا شباب انا بركب جنوط مقاس 17 و عرض 215
تنصحوني اركب كفر اي ارتفاع ... 55 ؟
انا قريت مره عن معادلة تحسب فيها العرض و الحجم و الارتفاع المناسبين للسياره

و هل قياس 215 راح يسبب مشاكل ...... يحك بالسياره ؟؟؟

و هل صحيح اللي سمعته ان قياس 17 يمنعك من انك تلف السكان كامل على الاخر .....؟
ارجو افادتي ..
و ياريت تكون الاجابه وافيه ....
و شكرا

**ACCORD 764** · 10-11-2007, 06:25 PM

أهلا حبيبي
أنا كنت مركب جنوط مقاس 17 وعرض الكفر 215 وارتفاعه 45 وعرض الجنط كان 7.5 إنش
و ما كان يحك بالرفرف و يمديني ألف السكان ( الطارة أو الدريكسون ) كامل بدون أي مشاكل والسيارة صار باين إنها نازلة شوي .
بس بالنسبة للمعادلة ما أدري كيف تنحسب .

**ل م س 3 3 4** · 10-11-2007, 06:57 PM

اشوف انك كل ماتقلل من الارتفاع افضل ،،انا مركب مقاس 215 على جنط 16 زي الحلاوة اما على جنط 17 ماادري والله

**الهادف** · 10-11-2007, 07:11 PM

بالنسبة لأستعمالها فما اقدر افيدك فيه لأني ما جربتها ..

اقدر افيدك في المعادلة ..

هذا الرقم السحري حق كفرات الوكالة : 25.84
عرض الكفر 205 (ضرب) 0.60 (تقسيم) 25(وهو رقم ثابت) (ضرب) 2(رقم ثابت) (+) 16مقاس الجنط = 25.84

نشوف انت وش تبغى تسوي .. ولنفرض انك بتركب كفرات مقاس 215\45\17
عرض الكفر 215 (ضرب) 0.45 (تقسيم) 25(وهو رقم ثابت) (ضرب) 2(رقم ثابت) (+) 17مقاس الجنط = 24.74

شفت الرقم الي فوق .. طلع اقل من الرقم السحري لكفرات الوكالة بـ 1.09

يعني عندك مجال اما تزيد في عرض الكفر او انك تنزل الكفرات .. مممم انا اشوف العرض كويس .. خلنا نزيد الأرتفاع شوي حق تصير تنزيلة سيارتك حلوة وغير مضرة ..

نشوف هذا المقاس: 215\55\17
عرض الكفر 215 (ضرب) 0.55 (تقسيم) 25(وهو رقم ثابت) (ضرب) 2(رقم ثابت) (+) 17مقاس الجنط =26.46

مممم .. اشوف هذا الرقم بعيد شوية عن الرقم السحري لكفرات الوكالة ..
نشوف مقاس آخر وهو 215\50\17
عرض الكفر 215 (ضرب) 0.50 (تقسيم) 25(وهو رقم ثابت) (ضرب) 2(رقم ثابت) (+) 17مقاس الجنط =25.6

هذا المقاس ممتاز .. والفرق بينه وبين الرقم السحري لكقرات الوكالة = 0.24 فقط ..

((تعبتني بالحساب ))