جرب نظف الثروتل بالوكاله
عندي نفس الحاله نظفتها والحمد لله احسن صارت السيارة
السلام عليكم
كيف حال محبي هوندا
أشكوى هذه الأيام من ضيقه بسبب اللي صاير بسيارتي الحبيبه هوندا أكورد 2007 أربعه سلندر ، ومختصر اللي صاير :
- عندما أوقف عند إشارة مثلا.
- ومشغل المكيف
- وأكون حاط القير على d
- وضاغط الفرامل
أسمع وأحس صوت قرقرة ورجه كلما أشتغل كامبرسر المكيف، مع العلم أني غيرت كراسي المكينة والقير وجلد المقصات الامامية.
فما الحل ؟ يا جماعه .
جرب نظف الثروتل بالوكاله
عندي نفس الحاله نظفتها والحمد لله احسن صارت السيارة
متى آخر مره غيرت :
1) فلتر الهواء .. سعره بالوكاله بعد الخصم 110 ريال
2) فلتر البنزين .. سعره بالوكاله بعد الخصم 170 ريال
3) البواجي .. سعرها بالوكاله بعد الخصم تقريبا 65 ريال .. وبمحلات قطع الغيار بـ 60 ريال أو أقل
إذا ما غيرتها أصبر لا تغير ( فلتر البنزين + البواجي ) .. أشتر محلول تنظيف البخاخات من ساكو أمريكي أصلي .. أو من وكالة ميتسوبيشي ياباني أصلي
وأصبر ألين يكون البنزين على الربع أو أقل
ثم :
1) رح لمحطة بنزين .
2) طف السياره .
3) نظف اللي حول غطاء البنزين من الغبار والخ...
4) افتح الغطاء
5) صب علبه كامله من محلول تنظيف البخاخات .. ثم .. عب فل بنزين 95
6) شغل السياره وامش :d
7) حاول تمسك بها خط حتى لو قصير < بس انتبه من ساهر
واذا ولعت لمبة البنزين رح لمحطة البنزين ؛ و طف السياره وعب بنزين نص التانكي .. ما يحتاج فل اذا كنت بتغير فلتر البنزين
ثم غيّر البواجي وفلتر البنزين ( راح تحتاج تفك غطاء التانكي مكانه بالشنطه .. لأن فلتر البنزين داخل التانكي مع طرمبة البنزين ) وشغل يد تغيير فلتر البنزين بالورشه تقريبا 100 ريال إلى 130 ريال
( لكن خلك عندهم وأنتبه لهم .. يعني لا تجدع سيارتك بالورشه وتروح وتخليهم .. وش يضمن أنهم غيرو فلتر البنزين + لو يكسرون شيء بالسياره أثناء تغيير فلتر البنزين يمكن ما راح يعلمونك + ممكن يلعبون بسيارتك ... المال السائب يعلم السرقه + تشوفهم وتتعلم وتكسب خبره )
تغيير ( فلتر الهواء - فلتر البنزين - البواجي - تنظيف البخاخات ) راح يحسن عزم وأداء سيارتك .. وتكون صافيه
و البرمجه راح تحل أو على الأقل تخفف بشكل كبير الرجه
لا هو يقصد الثروتل بودي Throttle body
بس ترا اذا نظفته بطريقه خاطئه ممكن يخرب أو تتأثر حساسات الثروتل بودي
وترى injector cleaning معناها تنظيف البخاخات .. يعني مالها علاقة بالثروتل بودي
---------------------------------------------------------------------------------------------------------------------
اذا أنت طفران ولا يهمك أنك تزيد وتحسن العزم والخ... ولا ودك تتخسر
أنا برأيي :
1- نظف فلتر الهواء
2- غير البواجي
3- سو برمجه للسياره
توديها للوكاله يبرمجونها لك ؛ أو تجرب تسوي البرمجه بنفسك
معلومات عن تنظيف الثروتل بدي للاكورد + تعليمات شركة هوندا
هاام بخصوص الرجه للأكورد 2003-2007
4- شيّك على مسامير وربلات .. رديتر المكيف و راديتر السياره ؛ شيّك على ربلة عصا الكبوت لأنها تثبت العصا وتخليه ما يلعب ويتحرك
5- تأكد أن مافيه صوت صرصره من شداد السير
التعديل الأخير تم بواسطة THE SILVER ACCORD ; 27-05-2013 الساعة 03:42 PM
شكرا لك ، وماقصرت
بشيك على اللي قلت كله ، وزود
وخاصة جلد اللديتور لأنه مصلب عندي أثر دقه رصيف
مواقع النشر (المفضلة)