الموضوع: البنزين المناسب للاكورد

أنا عن نفسي كنت أعبي 91 من فتره طويله شوي
ثم صرت أعبي 95

+ صوت المكينه أهدئ .. يمكن يتهيأ لي
+ أريح راسي من التفكير و أعبي أفضل شيء يعني راحة بال
+ ما يفرق معي فرق السعر بين بنزين 95 و 91 خصوصا ان صرفية السياره قليله .. و الفرق تقريبا 9 أو 10 ريال

بكتالوج سيارتي مكتوب نوع البنزين الموصى به ( حد أدنى ) :
91

بنزين 91 ما راح يسبب مشاكل للأكورد
لكن السؤال هل راح تستفيد من بنزين 95 أو لا ؟ و ماهي الفوائد ؟


رقم الأوكتان يتم إختياره حسب رقم نسبة الإنضغاط أو الضغط Compression ratio

كل ما زاد الضغط تحتاج بنزين بأوكتان أعلى ؛ عشان تعطي أداء ممتاز و بنفس الوقت تحمي المكينه من أنه يحصل إشتعال أو إنفجار مبكر ( داخل السلندرات ) وسببه نقص الأوكتان في البنزين وهذا مع الوقت راح يؤثر على المكينه والبساتم

الأكورد من 2003 إلى 2007
Compression ratio : 9.7:1

الأكورد السعوديه 2013 من موقع عبدالله هاشم وكيل هوندا في السعوديه اضغط هنا

الأربعه سلندر مع قير أوتوماتيك 5 سرعات
Compression ratio : 10.0:1

السته سلندر مع قير أوتوماتيك 6 سرعات
Compression ratio : 10.5:1

الأكورد الأمريكيه 2013 من موقع هوندا الرسمي
http://automobiles.honda.com/accord-sedan/specifications.aspx

الأربعه سلندر مع قير CVT
Compression ratio : 11.1:1

السته سلندر مع قير أوتوماتيك 6 سرعات
Compression ratio : 10.5:1


مكينة الأكورد السعوديه الأربعه سلندر 2013 .. تختلف عن الأكورد الأمريكيه الأربعه سلندر 2013

هوندا غيّرت قيور الأكورد في الموديل الجديد 2013

وصارت الأربعه سلندر الأمريكيه قيرها CVT .. بدل القير الأوتوماتيك أبو 5 سرعات ؛ و صارت الأربعه سلندر قير أوتوماتيك 6 سرعات .. بدل القير الأوتوماتيك السابق 5 سرعات على ما أظن


لكن عبدالله هاشم ما جاب الأكورد بقير CVT ويمكن هوندا نفسها قررت الشيء هذا

لأن الشعب السعودي ما يبون القير هذا و يتخوفون منه لأنه قير جديد ؛ و زي ما أنتم عارفين أن فيه ناس يشتكون من قير الألتيما CVT .. أنه يحتمي عند القياده بسرعات عاليه لساعات طويله .. اذا احتمى ما يخليك تتعدى 120 أو ما أدري كم نسيت بالضبط لكن .. على العموم اتوقع قير الهوندا CVT أفضل من قير الألتيما CVT

+ يمكن الوكالة وصيانة الوكاله غير مستعده وغير مدربه على التعامل مع قيور CVT .. و يمكن ياخذون دورات تدريبيه وتعليميه والخ...
+ يمكن ما يتحمل الكرف والسرعه والحرارة العاليه و الخ... في السعوديه
+ يمكن يبون يتأكدون من جودته وتحمله وخلوه من العيوب المصنعيه و الخ...


المكينه الجديده حقت الأربعه سلندر 2013 الأمريكيه مصممه على أنها تعمل مع قير CVT و قوتها وعزمها أفضل من الأكورد الأربعه سلندر السعوديه 2013
و نسبة إنضغاطها أعلى من مكينة الأكورد السعوديه

لكن الأكورد السته سلندر 2013 عندنا مكينتها وقيرها 6 سرعات .. نفس اللي بأمريكا بالضبط .. لأن السته سلندر ما تجي بقير CVT سواءا بأمريكا أو السعوديه


مكينة الأكورد الأربعه سلندر موديل 2013 المستخدمه في السعوديه وبعض دول الشرق الأوسط ؛ وتايلند
أسمها
K24W4 - Earth Dreams PGM-FI

مكينة الأكورد الأمريكيه الأربعه سلندر
K24W1 و K24W2 و K24W3 .. كلها Earth Dreams ولكن Direct Injection وليست PGM-FI


لمزيد من المعلومات عن مكائن الهوندا
http://en.wikipedia.org/wiki/Honda_K_engine#K24Z1


-----------------------------------------------------------

بعد تعديل الرد :

لمعرفة المزيد عن مكائن الأكورد 2013 .. شوفو موضوعي هذا
معلومه مهمه عن إختلاف مكينة الأكورد السعوديه 2013 " الأربعه" سلندر .. عن الأمريكيه