وعليكم السلام ورحمة الله وبركاته
مساء النور
حسب كلامك ؛ انت سويت تنظيف بخاخات و غيرت البواجي وفلتر البنزين وغيرت نوع البنزين إلى 95
باقي :
1) تغيّر فلتر الهواء .. مهم جدا وهو خشم السياره المكينه تتنفس وتسحب هواء مع فلتر الهواء .
2) تغير الزيت مع السيفون ( + إستخدم زيت أفضل ) .. وترى زيت 20W50 يقلل عزم أي سياره .. ولا تزيد الزيت عن الـ MAX
جرب زيت بترومين 10W30
أو
الزيوت التخليقيه Synthetic
3) أمسك بها خط عشان تنظفها من الكربون .
4) مرّن سيارتك شوي بالسرعه .
5) شيّك على ضغط هواء الكفرات لا يكون ناقص ؛ خله على 30
مكينة السته سلندر V6 من 2008 وفوق .. مكينتها صار فيها تقنية VCM
Variable Cylinder Management = VCM
فائدة التقنيه هذي تقليل إستهلاك البنزين لأقصى حد ممكن ( الدول الأجنبيه البنزين عندهم غالي جدا جدا ؛ عكس أسعار البنزين في السعوديه رخيصه جدا )
يعني مكينة سيارتك ما تشتغل كل السلندرات السته V6 طول الوقت
عند تشغيل السياره - التسارع - صعود الطلعات ( الأماكن المرتفعه ) - عند الحاجه لأقصى قوة وعزم = تشتغل كل السلندرات V6
اذا كنت تتمشى بسرعه متوسطه أو خفيفه = تشتغل 3 سلندرات من أصل 6 سلندرات
الأحمال الخفيفه أو تتمشى بالخطوط السريعه = تشتغل 4 سلندرات من أصل 6 سلندرات
بعض الناس تعجبهم تقنية VCM و قلة إستهلاك البنزين
بعض الناس ما تعجبهم تقنية VCM ؛ و يفضلون ان مكينة سياراتهم تكون 6 سلندرات شغاله كلها طول الوقت
تقنية الـ VCM فقط في موديلات 2008 وفوق .. في السته سلندر فقط V6
مواقع النشر (المفضلة)