السلام عليكم ورحمة الله .
وعليكم السلام ورحمة الله وبركاته
اخوتي الكرام ,
انقل لكم بعض ما وجدته من عيوب في الاكورد 2013 .
يمكن عيب مصنعي بسيارتك فقط وليس جميع الأكوردات 2013 < أتوقع
والدفعات الجايه راح يحلون مشاكلها ان شاء الله
وقد تختلف من شخص لاخر , ولا اعلم هل هي بسيارتي فقط ام جميع السيارات
بسم الله نبدا ( مطولين )
1/ العزل , والكثير تكلم عن هذا الموضوع لذلك لن اطيل , من صفر الى 100 صوت الاسفلت واضح
وكأنك تمشي بسيكل ,,
نوع الكفرات لها دور كبير ( فيه كفرات مزعجه وفيه كفرات هادئه ؛ وفيه كفرات قاسيه وفيه كفرات لينه ... يعني المسأله حسب تصميم الكفر ونقشته ) + تقدر تركب عازل إضافي
شف الموضوع هذا حــل مشــكلـة عـزل الارضــي اكــورد ...
2/ التنسيم , وهذا الي كرهني بالسياره ,بعد 120 صوت الهوا الخارجي واضح جدا
وكل من ركب معاي يقول وش دا الصوت , كأني فاتح الدريشه , ولما تمر جنب تريله او اكسنت
تسمع صوتها , بعكس الاكوردات الي جربت اول , وايضا لما تمر جنبك شاحنه تدخل عليك
ريحة الديزل , وانت مقفل القزاز ومشغل المكيف , حتى ان واحد من الشباب معه كرلا 2006
استغرب وقال الهدوؤ بالكرلا افضل ؟؟
..
رحت الوكاله وخربو لي الباب وزاد الصوت صار الباب ما يتسكر الا بقوووووه .
بالنسبه للتنسيم شيّك على ربلات البيبان والقزاز و تأكد أن كل قزاز السياره ( مغلق بإحكام )
لأن ناس كثير ينسمون قزاز السياره عشان حرارة الجو ؛ يعني لو أنت أخذها من أحد عشان تجربها يمكن راعيها ناسي القزاز منسم .. أو اذا أحد من أخوانك ياخذ سيارتك يمكن يكون منسم لقزاز سيارتك
و أنت جرب اكثر من سياره بنفسك .. ولا تصدق كل من هب و دب
يعني يمكن راعي الكورلا ما يحب الهوندا و الأكورد أو متعصب للتويوتا أو الخ... بيقولك عزل الكورلا أفضل
وفيه ناس حسّاد .. يشوف معك سياره جديده يقعد يوسوس فيك ويحط فيها الف عيب عشان ما يخليك تفرح وتنبسط الله يهديهم
واذا سيارتك فيها عيب مصنعي ؛ أنشب للوكاله و ورّهم العين الحمراء والمسأله بسيطه يا أخي لا تكبرها وهي صغيره .. ربل وأشياء بسيطه
أي وكالة سيارات اذا شافوك طيب وعلى نياتك ؛ بيصرفونك وبيقولون طبيعي
شف واحد مشتري سوناتا 2012 وخبطت مكينة سيارته وهي ماشيه فقط 26 ألف كيلو - عيب مصنعي
http://www.koreanbeast.com/koreanbeast54369
بالنسبة لريحة الديزل اذا تمر من عند التريلات ؛ طبيعي بكل السيارات اذا انت فاتح الهوايه .. سكر هواية المكيف وما راح تدخل الروائح وراح يكون هواء المكيف أقوى وأبرد
ونظّف فلتر المكيف .. تنظيفه سهل فقط تفكه وتنفخه بالهواء المضغوط
3/ المسجل يعلق , لما تبدل من اغنيه الى اخرى , لازم تطفيه وتشغله
وما يشيل الا سي دي واحد وهي فل اوبشن ؟
وبالنسبه للمسجل .. يمكن السي دي متمخش وخربان ؛ جرّب سي دي ثاني ولو يكون أصلي أفضل
وما أدري عن عدد سيديات مسجل الأكورد 2013
لكن الأكوردات القديمه من 2003 وفوق .. الفل كامل 6 سيديات والستاندر السياحي سيدي واحد
4/ النور الواطي ضعيف جدا والشمعه اليمين اعلى من اليسار وكم مره بغيت اجيب العيد لانو بس 10 متر قدام
فيه زر لوزن النور جنب زر الـ VSA + تقدر تخلي الوكاله يوزنون النور
وياليت تحط صوره للتوضيح
5/ صوت الديكور عند الستاره الخلفيه وباب الراكب , مزعج يطلع ويختفي
الوكاله يقدرون يحلون مشكلتك على الضمان
6/ صوت تصفير بالفرامل , من اول ما طلعتها , رحت الوكاله ومادري ايش سووو المهم الصوت
الى الحين موجود واحرجني كثير مع العالم ,
مبدئيا اغسل جنوط سيارتك والفرامل ؛ واذا ما نفع خل الوكاله يصلحونها لك على الضمان
تدري أن الفحمات الجديده لها تمرين ؟ أول 300 كيلو تجنب الفرامل العنيف والقوي
7/ دفع المكيف يقوا ويضعف من حاله , مع ان التبريد ممتاز , لكن ريحه غريبه او ما تشغله
نظف فلتر المكيف بالهواء المضغوط
و إذا فيه رائحة سيئه بالجو خارج السياره .. سكر هواية المكيف
8/ الرساوه , امشي 160 والهوا يلعب بالسياره , الله يرحم ايام الاكورد القديمه , كنت امشي
بنفس الطريق 220 , وثابته مايحركها شي ,وكاني واقف ,
...
هذا ما لاحضته ولا ادري هو انا بس ولا الجميع ,
وشكرا لكم ,
بالنسبة لرساوة الأكورد 2013 تغير نظام تعليقها وصار يختلف عن الموديلات السابقه
الأكورد 2008-2012 و2007-2006 ونازل
نظام تعليقها في الأمام :
independent double wishbone with coil spring and stabilizer
نظام تعليقها في الخلف :
independent 5-link double wishbone with coil spring and stabilizer
أما الأكورد 2013 تغير نظام تعليقها وصار :
في الأمام
MacPherson Strut
وفي الخلف
Independent multi-link
عشان كذا الأكوردات 2012-2008 و 2007-2006 ونازل .. (ممكن) تكون رساوتها أفضل من الأكورد 2013
ولكن تضل الأكورد فيها نظام تحسين الثبات VSA و ABS والخ... كما في الموديلات السابقه
وتظل رساوتها أفضل من باقي السيارات .. لكن الأكورد 2012-2008 و 2007-2006 ونازل ( ممكن ) تكون رساوتها أفضل بكثير من الـ 2013 .. والله أعلم
أنا ما جربت الـ 2013 عشان احكم على رساوتها
على العموم جرّب خل ضغط هواء كفرات سيارتك على 30
ردي باللون الأحمر ؛ أتمنى أني أفدتك
واللي عنده أكورد 2012-2008 أو 2007-2006 ونازل .. أنصحه يجرب الـ 2013 قبل يبيع سيارته ويشتري 2013
2013 فخامتها ومواصفاتها والخ... تنسيك عيوبها البسيطه
إذا تبي تحل مشاكل سيارتك
انشب للوكاله و ورّهم العين الحمراء + ترسل إيميل لهوندا
موظفين الوكاله بيقولون لأنفسهم هذا طيب وعلى نياته ومخفه ؛ نقوله كل شيء طبيعي ويروح إلى أن ينتهي الضمان وأنت ما أستفدت منه
مواقع النشر (المفضلة)