رد مع اقتباس
وعليكم السلام
الحمد لله بخير وأنت كيف حالك إن شاء الله بخير ؟
السياره على يدك من الوكاله ؛ يعني أنت أول مستخدم للسياره ؟ وتعرف كل الأشياء اللي سبق تغييرها والأشياء اللي ما تغيرت ؛ أو مشتريها مستعمله ؟
على العموم بكتالوج سيارتك راح تلقى جدول الصيانه
1) غيّر زيت المكينه كل 5 آلاف كيلو و فلتر زيت المكينه ( لازم كل 10 آلاف كيلو تغير فلتر الزيت .. وبإمكانك تغييره مع كل تغييرة زيت )
2) غيّر زيت القير والفلتر الخارجي حق زيت القير .. كل 60 أو 40 ألف كيلو ( الفلتر الداخلي ما يتغير إلا مع التوظيب )
مكان الفلتر الخارجي ( الفلتر رقمه 2 ؛ والربله حقت الفلتر رقمها 22 )
http://www.hondapartsnow.com/Page_Pr...=true#partlist
3) غيّر فلتر الهواء + فلتر البنزين
4) البواجي اذا ما عمرك غيرتها ولا أحد غيرّها قبلك .. غيرّها الحين
ملاحظه :
( بواجي الأكورد من 2008 وفوق .. غاليه لكن عمرها طويل تقريبا 100 ألف كيلو أو يمكن أكثر ؛؛؛ أما بواجي الأكورد 2007 ونازل رخيصه وتتغير كل 40 ألف كيلو تقريبا )
5) تغيير فلتر المكيف ( راح يخلي هواء المكيف اقوى وأنظف وبدون روائح )
6) ماء الراديتر ( اذا سيارتك ماء راديترها لونه أزرق حق هوندا Type 2 ) فهو يتغير كل 200 ألف أو كل 10 سنوات ؛ ثم يتغير كل 100 ألف أو كل 5 سنوات
7) إذا فيه صوت صرير أثناء فتح باب السياره وإغلاقه .. تحتاج تشحيم ( شحم أصلي )
8) شيك على فحمات الفرامل ( تقدر تعرف كم باقي فيها عمر من خلال النظر إلى سماكة الفحمات ) و اذا فيه رجه أثناء مسك الفرامل ( تحتاج خرط للهوبات )
واذا (ما فيه ) رجه أثناء مسك الفرامل ( لا تخرط الهوبات )
صور من الإنترنت للتوضيح :
9) خل ضغط هواء الكفرات على 30 + سو ترصيص للكفرات
10) شيّك على أنوار السياره ( اذا فيه لمبه ما تشتغل غيرّها ) + عب المساحات ماء
11) سير المكينه الداخلي يحتاج تغيير كل 100 ألف في سيارات الـ V6 لأنه ربل < ضروري ومهم جدا
الأكورد الأربعه سلندر جنزير وليس ربل
عاد السير الخارجي ما أدري متى يغير .. لكن شيّك عليه اذا يحتاج تغيير غيّره
و بالنسبه لربل الزجاج ؛ غيّر فقط القطعه المتضرره
مواقع النشر (المفضلة)