بالذات الزياده الاخيره هذه مالها داعي تدل انه تاجر نصاب وجشع وشايف شعب ساكت ياليت والله يكون فيه تعاون واتمني تعطينا الطريقه والخطوات بالضبط ونص مترجم اذا فيها انجليزي وموفقين
السلام عليكم ورحمة الله وبركاته ,,
طبعا الموضوع واضح من العنوان ,, نبغى نقدم شكوى جماعيه على صيانة عبدالله هاشم , وانا و واحد من اخوياي كلمنا الشركه الام ولكن نبغى عدد عشان يكون التأثير أكبر .
الشكوى كانت بسبب ان عبدالله هاشم ياخذ مبلغ على كل صيانه مع ان السياره تحت الضمان ,, يعني مثلا صيانة 40 الف ياخذ 735 ريال = 196 دولار . وصيانة ال 50 الف ياخذ 1200 ريال تقريبا ً .
مع العلم ان شركات السيارات المحترمه تسوي لك الصيانه مجانا واذا سيارتك تحت الضمان يغيرون لك الزيوت ويصلحون الاعطال على الضمان بدون ما تدفع ولا شي , ويعطونك سياره بديله في حال احتجت انك تترك سيارتك عندهم .
وبعدين عندنا في الوكاله اسعار قطع الغيار لا تقارن ابداً بنفس القطع الموجوده لهوندا البحرين ,, فرق كبير يا جماعه ,
عموماً الموضوع يهمنا كلنا , وبما انهم يرفعون في اسعار السيارات ( على الاقل ) يرفعون من مستوى الخدمه المقدمه لعملائهم . كل اللي نحتاجه منكم تخشون على حساب هوندا في تويتر وتشتكون من سوء الخدمه + اللي عنده فواتير لقطع غيار من البحرين او من اي دوله ياليت يرسلها عشان نرفقها مع الشكوى للشركه الام . وان شاء الله نستفيد من الشي ذا
وهذا حساب خدمة العملاء هوندا في تويتر @HondaCustSvc
وشكراً لكم
بالذات الزياده الاخيره هذه مالها داعي تدل انه تاجر نصاب وجشع وشايف شعب ساكت ياليت والله يكون فيه تعاون واتمني تعطينا الطريقه والخطوات بالضبط ونص مترجم اذا فيها انجليزي وموفقين
عبدالله هشام حرامي من يومة يعني بالله قطع الغيار يجيبها من امريكا وخاصة للموديلات الجديدة 2012 و 2013 ويدبل اسعارها 100% وبعضها 200% لييييش . بس الافضل انه الواحد يشتري قطع الغيار مباشرة من امريكا كلها حساب في aramex تشترك وتدفع 170 ريال مرة وحدة ويعطيك عنوان في امريكا وكذلك عدة دول واطلب اللي تبغاه بنفسك يجيك للبيت وشوف فرق السعر وخل ابو هاشم يرفع اسعاره على كيفه الحرامي....
شباب لاحــد يتعب نفســــــه ويرسل للـ شركة هوندا الام بقول لكم الحقيقه علشان ماتقدرون وتتعبون نفسكم ترا وكالة هوندا بالسعـوديه مو حق عبدالله هاااشم << مجرد اســــــــم هذي الحقيقه الوكاله للصاحب سمو يعني ماحد يقدر يفتح فمه ههههههههههههههههههههههههه كل وكلات للـ الاماراء حتى المجدوعي بالشرقيه حقت محمد بن فهد ووكالة تويوتا يقولون حق عبدالعزيز بن فهد يعني انسى احد يتكلم او أي شي لاحد يتعب نفسسسسسسسسسسسسه ههههههههههههه هذي الحقيقه اصلا عبدالله هاشم وعبداللطيف جميل وغير الوكالات مجرد اسسم فقطط بس الى ورا وكاله حقت امير يعني لاتتعب نفسسك < شكلي بروح ورا الشمس ههههههههههههههههه:o
اخوي محامي تويوتا لا تجيب كلام من راسك الله يهديك ...
انا سيارتي محد صلحها الا الشركة الام من العيوب الا فيها ..
خليت اخوي الكبير يراسلهم << لاني ما اعرف انقلش :d وبالفعل جاني رد من مدير فرع هوندا بجدة ..
وطلب اني اسحب الشكوة وانو سيارتي تتصلح على الضمان الزبدة ركعو تحت رجولي :d
وابشرك سيارتي الحين العيوب الا فيها اغلبها راحت ..
والمراسة لشركة الام مفييدة جداا وانصح أي واحد من الاخوان عندو عيب او مشكلة يراسلهم ..
السلام عليكم ،، المعذره على التأخير ،،
اخوي محامي تويوتا ، معليش بس ليش ما نحاول ، ما بيضيع حقنا الا تفكيرك ذا خخخخخخ
لا تزعل بس
بخصوص الحساب في تويتر. هذا الحساب حق خدمة عملاء هوندا. وهو موجود بالولايات المتحده
نحاول. وش يمنع !
مواقع النشر (المفضلة)