بسم الله الرحمن الرحيم

بتكلم عن تجربتي إلى حد الأن للاكورد 2013 ( وعلى فكرة سواقتي متهوره نوعاً ماء )

بشكل عام ( سيارة ما ندمت فيها ابد , بالعكس بندم لو اني ما شريتها ) , مشكلتها الوحيده سعرها غالي


ببداء في عيوبها

1- تنسيم الهواء ( موجود ف 90 بالميه من السيارات , لكن ب اختلاف السرعات , اللي بنفس فئتها ) .. مثال بعض السيارات يبداء معك التنسيم من بعد 120 وغيرها اقل .. لكن التنسيم بسيط انا اشوفه , بغض النظر عن مبالغات البعض الزائده ..
2- العزل الارضي : افضل وبمراحل عن الجيل اللي قبلها , لكن لازال موجود ( والكفر له دور تقريبا 65 ب الميه ) يعني لو تمشي ف طريق الملك عبدالله , ماتحس ب الارض ابد .. - وماحد بيعرف هالكلام الا اللي مجربين 2013 , بمعنى الكفر له دور كبير
3- صوت المكينه مع الدعسه الجامده , صوته عالي , هذا مع الدعس يعني بغير كذا الصوت عادي جداً
4- يمكن المواصفات قليله بحكم السيارات المقاربه من سعرها من مميزات ( مثل الازيرى + الماليبو+ الالتيما + المازدا ) ..
لكن الجوده والسعر مع احترامي للمازدا ما تقارن بما ان بعض الاعضاء يمدحون فيها , عشأن استاذ حسن , مع كامل احترامي لحسن اللي مدح المازدا ومجد للمازدا ( بحكم طلب من الوكالةةةة عند تجربة سيارتهم ) ك دعايه ,ولا احط بذمتي لكن بحكم أنه ((عميل قديم عندهم )) , من باب كسب الود وعمل مقارنه بينها وبين الالتيما والاكورد والكامري والسوناتا .. لأثبات الحقائق
وليس اعيب ف المازدا لكن ما تقارن ف الاكورد لا ف المبيعات ولا ف غيره ( وامريكا خير برهان ع كلامي )
هي افضل مواصفات ( نعم ) ولا انكر

تقريباً هذا العيوب اللي الاغلب متفقين عليها والكل مرت عليه


اما المميزات : اول شيء ببداء فيه هو
1- الرساوه + الرساوه + الرساوه , لان الكثير علق وقال رساوتها اختلفت بالعكس السياره ممتازه جداً برساوتها - وبحكم تهوري وخفتاتي للشرقيه وتقريباً
اتهور ف المشي الى الفصله .. حلوه ( وانسايبه اكثر من اللي قبل )
2- نظام االامان فيها , افضل من اللي قبل
3- نظام الدركسون الكهرب جدا جدا جدا بطل , خفيف ولزيز ورايق .. مع الخط يبداء يثقل معك ( وهذا اهم المميزات ف 2013 عن اللي قبلها )
4- ديكورتها تحسها قويه اللي ع البيبان , يعني شغل الطقطقه تقريباً بتنساها لمدة زمنيه طويله - مع الركاده طبعاً
5-عزمها افضل من اللي قبلها بفرق , كبير سواء ف القومه الاولى من ( الصفر ) او ( عشرين ) او ( من الاربعين ) وليس مع اكورد وحدهه
جربت مع اكثر من اكورد < بيجيني هجوم شرس انا داري , لحقين 2012 وانت نازل , لكن هذا اللي صاير
6- الفرامل افضل من شكل اللي قبل

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~

طبعاً هذي تجربتي ( والمقارنه كانت بين 2013 - 2012 وانت نازل , الى 2008 )

وكلها مجربها الثنتين

خلاصة كلامي : اذا أنت تفكر في الأكورد خذها ولا تحتار بصراحه فخامه داخليه جداً رايقه , لكن ينقصها المواصفات اللي موجوده ب سيارات بنفس سعرها او ارخص مثل المازدا مثلن والالتيما والازيرى والماليبو
طبعاً جوده + رغبة عند البيع , تتفوق الاكورد


واكبر دليل أن السياره مرغوبه , رح اطلب اكورد من الوكالةة ( بيقول لك خلك ع قائمه الانتظار )

لكن الاكورد بشكل عام ممتازه جدا ( مع تميز 2006 + 2007 ) :d تحيه لهم