أكورد 99 عزمها سيء جداً جداً

[Mohd91]

السلام عليكم ورحمة الله وبركاته

عندي أكورد موديل 99 كانت تمام ومن أحلى ما يكون

فجأة عزم مافيها واضغط على دعسة البنزين للأخير يا دوب السيارة تمشي ولمن ادبل دعسة
تبدأ السيارة شوية شوية تسرع

غيرت بواجي وسويت تنظيف بخاخات وسويت كمان قلب لطرمبة البنزين

ومع كل هذا السيارة عزمها سيء مرة ما ادري ايش يبغالها كمان

يا ريت أي احد عنده معلومة يقدر يفيدني لا يبخل رجاءً

كرهت السيارة والسواقة بسبب هالمشكلة

:(

[أكــــــــــورد11]

وعليكم السلام ورحمة الله وبركاته

سيارتك كم ماشيه ؟

عندك اشياء لازم تستبدلها :
1-فلتر بنزين اوصفاية البنزين
انا ماعرف نظام السياره ممكن يكون فيها فلتر بنزين موجود بالطرمبه البنزين
اوصفايه بنزين بالماكينه
2- الماكينه شنابرها ضعيفه الزيت بيوصل للبواجي وبالتالي مايكون فيه احتراق كامل ويقلل من عزم السياره
كيف تعرف ان الشنابر ضعيفه
تروح للميكانيكي يفك البواجي ويتاكد اذا عليها زيت او تكون سليمه

3- فلتر الكنداسه اذا فيه كربون ومتسدد مايعطي عزم للسياره وتصير السياره مكتومه..

اتمنى افدتك

[THE SILVER ACCORD]

وعليكم السلام ورحمة الله وبركاته

نظّف أو غيّر فلتر الهواء ( لأنه خشم السياره :d اذا كان مليان غبار ومتسدد راح يقل عزم السياره لأن كمية الهواء تقل وسرعة دخول الهواء تكون أبطئ )

شيّك على زيت المكينه لا يكون ناقص أو زائد .. عن الحد المناسب

شيّك على ضغط هواء الكفرات وخله على 30 أو 28 .. لأنه اذا كان عندك تنسيم وضغط الهواء منخفض جدا راح يقلل عزم السياره لأنه يزيد مقاومة السياره للحركه


هل غيرت البنزين من 95 إلى 91 .. أو العكس ؟؟

هل غيرت زيت المكينه من زيت خفيف 10W30 أو 15W40 إلى زيت ثقيل 20W50 ؟؟

لأن بنزين 91 يمكن يقلل عزم السياره شوي ويمكن لا
والزيت الثقيل 20W50 يقلل عزم السياره شوي


اذا شيكت على الأشياء هذي حاول تمسك بها خط وتنظفها من الكربون ... يمكن دبة البيئه ( التلوث ) عندك متسدده شوي وتعيق خروج الهواء من الشكمان بشكل ممتاز

أمسك خط عشان تنظفها أو فك دبة البيئه ونظفها ثم ركبها مره ثانيه


يمكن الثروتل بودي متوسخ ويحتاج تنظيف


و أن شاء الله المكينه سليمه ولا فيها شيء


أبدأ من الأسهل والأرخص إلى الأصعب والأغلى ؛ عشان ما تتخسر على الفاضي

لأن بصراحه ما ندري وش مشكلة سيارتك بالضبط لأن لها أسباب كثيره .. ولا ودنا نخسرك بتغيير أو تصليح أشياء يمكن ما تحتاج تصليح أو تغيير

[THE SILVER ACCORD]

المحول الحفاز - دبة البيئه - دبة التلوث - دبة الرصاص - catalytic converter

كلها أسامي مختلفه لدبه واحده وهي مهمة جدا جدا لتقليل تلوث السياره وتحتوي على مواد ثمينه داخلها

تحول الغازات السامه والخطيره > إلى غازات أقل خطوره بشكل كبير


لكن اذا تسددت الدبة من الداخل .. ممكن تكتم المكينه أو تؤثر على سرعة خروج الغازات من الشكمان

ولمعرفة المزيد
http://www.mekshat.com/vb/showthread.php?t=158333

صور مختلفه للتوضيح
https://www.google.com.sa/search?cli...DNCQ4gSl4IC4Dg


اذا فكيتها وفرغتها ؛ أو اذا فكيتها وركبت ماصوره بدالها عند محلات الشكمانات :

1) يزيد التلوث بشكل كبير جدا جدا ( غازات سامه )
2) تولع لمبة المكينه
3) ممكن تزيد صرفية البنزين
4) ممكن يلخبط حساس الشكمان

قبل الواحد يغير دبة التلوث .. لازم يفكها وينظفها بصابون أو بخاخ أسي ديلكو لأن يمكن تضبط وتصير ما تحتاج تغيير
أو
يدور بالتشليح عن دبة نظيفه وبسعر معقول .. لأن سعر دبة التلوث غاليه بكل وكالات السيارات لأن الدبه هذي فيها مواد ثمينه داخلها .. تقلل التلوث سعرها يمكن يوصل فوق 2000 ريال

وطبعا إذا فكيت القديمه خذها معك لا تخليها عند محلات الشكمانات ؛ عشان اذا احتجتها تركبها