هل التأمين شامل عندك ؟؟؟؟؟؟؟
او ضد الغير
هل التأمين شامل عندك ؟؟؟؟؟؟؟
او ضد الغير
^
شامل السياره ايجار منتهي بالتمليك
الله يكون في عونك عين ماصلت على النبي
بنسبة للذي صدمك وهرب ورقم لوحة سيارته موجوده
راح يتم التعميم على السيارة وتكون معلقه على الجهاز مطلوبه للحوادث واذا
تم القبض عليه راح يسجن على هروبه ويدفع الى التأمين فلوسهم لانهم صلحوا سيارتك
وتصليح سيارتك وكالة اذا كان تأمين شامل لان نظام المرور اخر مودلين من
السنة تصليح في الوكالة خلاف ذالك يعطونك ورقة تقديرات من الورش ثلاثة
وكل ورشة يحط سعره مع قطع الغيار طبعآ المرور يأخذ تقدير الورشة الوسط
لا هي الغالية ولا هي الرخيصه والحمد الله على سلامتك يا الغالي
ما تشوف شر ان شاء الله
^
اخوي سيارتي 2013 وتأميني شامل الحادث صار يوم الخميس رحت المرور اعطاني ورقة لتقدير الورش
ارجعلهم اقولهم سيارتي موديل السنة او اروح شيخ الورش ولا الوكالة
معليش اخوكم مو فاهم الطريقه ممكن احد يفهمني وربي ياشباب لي يومين مانمت من القهر
وربي لايوريكم مكروه لا في اموالكم ولاارواحكم ولااهلكم
ماتشوف شر وألف حمدالله على السلامة
شوف ياخوي
أنا سيارتي 2012 وتأميني شامل
صدمني واحد والغلط عليه
عطوني ورقة تقدير للحادث عند مكاتب تقدير الورش التابعة للمرور في الصناعية حسبولي القطع وكالة لكن الشغل شغل ورش
لما تكلمت معهم كيف موديل 2012 والشغل ورش
قال عندنا بس تقدير ورش
لذلك مادام عندك تأمين شامل الأفظل تروح للتأمين تبعك من شان يصلحوا السيارة في الوكالة وممكن وغير أكيد يطلبوا منك تدفع نسبة تحمل لأن الغريم غير موجود لحتى يطالبوه بدفع المبلغ
وإذا مسكوه وقتها راح يدفع كل شيء
^
اللي فهمته يعني ارجع للمرور مره ثانيه واقولهم مابي ورقه التقدير واخليهم يعطوني ورقة للشركه اللي انا مأمن عندها شامل؟
او اروح لشركة التامين على طول بدون ماارجع للمرور
صححولي اذا انا فهمت غلط
ويعطيكم ربي الف عافيه وجعل كل من رد علي او دعى لي دعوة في ظهر الغيب بميزان حسناته.
آخوي أول شي بالحديد ولا بالعبيد والحمدالله على سلامتك
اذا تأمينك تعاونية روح قدر وكل شي وبعدها روح للتعاونية وهم يكملو كامل الاجراءت انت ماعليك في شي وحتى التصليح يكون وكالة اذا كان تامينك تصليح وكالة وبالغالب يكون كذا اذا ايجار منتهي بالتمليك مع التعاوينة ...
انا اخوي صار له حادث وسوا نفس الطريقة وبعدها ودها للتامين وانتظر ثلاث ايام لين جات الموافقه من التامين ودخلناها الوكالة ولا دفع اي ريال غير قيمه التقدير ومع انه التامين يعوضه بالمبلغ حق التقدير لكن مايستاهل 35 ريال تقريبا
فاتصل بالتامين واستفسر منهم او زورهم واذا هم التعاونية فاقولك من الحين انت بترتاح ولا فيه مماطله ولا اي شي
واذا تبي ترفع عليه قضيه تقدر اكيد واسئل فيها محامي .. ونصيحه اذا كان الموضوع بسيط ومايستاهل لا ترفع لان الموضوع بيطوووووووول وحتغغني ياللليل مطولك لين تطفش بس اذا بتوكل محامي او وكيل .. بيكون الطرف الثاني تمرمط بالمحاككم اقل شي
أول شيء سلامات وما تشوف شر إن شاء الله
وثانيا : ما ودي أحبطك لكن لاتحط آمال كثيره ع المرور لأن ماعندهم ما عند جدتي للأسف
ولد خالي صار له حادث قبل 4 سنين تقريبا واحد صدمه وشرد واخذوا رقم اللوحة ومواصفات السيارة وبلغوا المرور والى يومك هذا ما شفنا شيء من المرور
لكن وين يروح من رب العباد !
وطالما إن السيارة إيجار تمليك روح للوكاله لأن السيارة عليها تأمين شامل وهم يصلحونها لك ..!
مواقع النشر (المفضلة)