المشاركة الأصلية كتبت بواسطة كاريزما
20 الف ب 605 ريال على ايش ياخي ،، الفحمات حسب بالك اذا فيها شيء بيغيرونها ببلاش دافع دافع بعدين وش هالسيارة الخايسة الي فحماتها تحتاج تغيير على 20 الف ياخي ولا السيارات الصينية كذا ...
اساسا الهوندا متماسكة في التركيب قطعة وحدة ما جبت جديد يالغالي ...
وتربيط على ممشى 20 الف !!!!!!!!!!!!! يارجال لا تصدق شيء بنفسي شفت لا تربيط ولا يحزنون كلام فاضي تربيط اذا انت قلت له عندي هرقله في الابواب يسويها
وفر فلوسك ورح غير زيت وسيفون بـرا بـ سيفون اصلي بـ 19 ريال من قطع غيار هوندا ... 4.2 لتر من محلات الزيوت كاسترول 10/30 تحصله على 13 ريال ( 13* 5 = 65 ريال ) + 20 ريال شغل يد
19+65+20 = 104 ريال + خذ علبة الزيت الباقية تكفيك لـ 4 تغييرات للـ 200 مل لكل تغييره .. ووفر فلوسك سيارة جديدة اروح ادفع 605 ريال عليها ليش ياخي حنا كذا سذج وينضحك علينا بقوة
(( واعرف محل يبيع نفس فلاتر الزيت حقت الوكالة بـ 16 ريال ومحلات تبيع الزيت بالكرتون تصفى لك الحبة بـ 11 ريال ))
لا تصدق بس تشييك وتشييك محسسني انه جايب اجهزة فحص والله ما درى عنك لا تشييك ولا غيره الفحمات ما تحتاج صنفرة الا اذا طلعت اصوات ولا غيره كلام فاضي ...كثرة فك الفحمات تخرب وزنيتها
انا ماشي عليها 60 الف بدون خرابيط وتكمل إلى 70 -80 الف للأمامية بدون مشاكل ابدا ... وانا كارفها
ادفع 605 ريال واقعد تبكبك الراتب مافيه بركة الاسعار ارتفعت ... الوكالة بإختصار لا تجيهم الا بشي ضروري ضروي او حادث قوي ... بعيد الشر
خل نقول زيت بـ 175 ريال يعني 430 ريال على صنفرة فحمات وتربيط هذا اذا فيه تربيط اصلا لاني سويت صيانة 10 وقالوا لي تربيط ...الخ ولا شفت شيء وقدامي مسوي الصيانة الفني ولا يغسل لك المكينة بالماء وتبقع اكثر وتمسك تراب وانا لمعلمك وصخوا على بطانة الكبوت بالزيت ... ولا اكتشفتها الا بعدين ..
حتى تغيير الزيت زارفينك زيت ابو كلب اسميه زيت الدبابات ... بـ 175 ريال ... ياخي انا اغير انا اوفر 71 ريال في تغيير الزيت للمرة الواحدة 71 ضرب 20 مرة ( كل 5000 كيلو إلى 100 الف كيلو عدد 20 تغييرة زيت ) 1420 ريال هذا بس في تغيير الزيت فما بالك بالاشياء الثانية... ولا تصدق ضمان وخرابيطهم اذا شافوا الخراب يكلفهم قالوا لك سوء استخدام :p
كل 15-20 الف كيلو رح لمحلات الكفرات يقلب لك اماكن الكفرات + ينفخ لك بالهواء على الهوبات عشان يطلع الاتربة والاوساخ العالقة والفحمات المستهلكة .. بـ 20 ريال + انت وشطارتك اذا يعرفك يسويها لك بـ 10 ريال او 15 ريال بعد
605 ريال في صيانة الـ 20 معصي ادفع لهم
رد مع اقتباس
مواقع النشر (المفضلة)