وعليكم السلام
غير زيت وسيفون فقط ثم اذا جيت سوي صيانة 10 الاف عادي حتى لو طوفت عليها
الزيت المعدني أو النصف التخليقي اللي يغيرونه في الوكالة يمشيك خمسة الاف على الأقل حسب المتداول
لكن يمشيك أكثر عادي حسب كتلوج السيارة الزيت العادي يتم تغييره عند 10 الاف عند القيادة العادية وخمسة الاف عند القيادة الشاقة
نصيحتي أخي الكريم اترك صيانة الوكالة لإنه شفط فلوس على الفاضي الفلوس أنت أولى بها
صيانة 10 الف تكلفك تقريبا 560 ريال ماراح يسوون لك شيء غير تغيير زيت وسيفون راح يقولون لك شيكنا وسوينا تربيط ... يعني بالعقل سيارة ماشيء 10 الف وش بيصير فيها يعني !!!
وتقدر تسوي جدول صيانة لنفسك عند أي محل معروف وتاخذ الفواتير ولو حصل شيء للسيارة غصبا عن الوكالة تدخلك في الضمان
يعني عند 30 الف تغير فلتر الهواء
وعند 60 الف تغير فلتر الهواء وزيت القير
وعند 80 الف تغير فلتر البنزين
وعند 90 الف تغير فلتر الهواء
وعند 100 الف تغير زيت القير والبواجي وهكذا
وبالنسبة لزيت المكينة تغيره كل 5 الف أو 10 الف حسب الزيت هل هو تخليقي بالكامل أم نصف تخليقي
وإذا مصر تستمر في صيانة الوكالة فاحرص على معايرة زيت المكينة عند استلام السيارة لأنه اربع مرات غيروا لي الزيت زائد
مواقع النشر (المفضلة)