يارجال صيانة هوندا سيئة جدا من ناحية قلة فروعها في الرياض بالذات فرعين وكل واحد اصغر من الثاني ،، والتأخير في صيانة السيارات وكذالك صيانة الحوداث ، بخلاف اسعارهم شغل يد تغيير زيت 70 ريال :p وهو كله صاموله وكب زيت واربط الصامولة ويعبون موية المساحات والراديتر الاحتياطي بموية حنفية شوف عيني بكل بجاحة

الرياض محتاج فرعين مثل فرع خريص تكون واحد بشمال الرياض وواحد بغرب الرياض

الحين الوكالة مو معترفين بمشكلة طرمبة وعلبة الدركسون ومشاكلها الي اغلب سائقين هوندا موجودة لديهم تبيهم يعترفون بالتنسيم والعزل !! بس احييك على مجهودك ( العزل والتنسيم له حلول لكن الوكالة ما تبي تصلح وتتخسر ) وحتى وكالة هوندا باليابان وامريكا عارفين بالمشكلة لكن ماني عارف ليه ما يهتمون فيها (( لا احد يجي ويقارن الاكورد بالكامري والسوناتا والطقة ذي ياخي فرق في السعر لازم يكون فيه فرق بالعزل سعر سياحي الاكورد قريب من فل الكامري :( الكامري استرالية مشيناها السوناتا كوري مشيناها لكن الاكورد يابانية وامريكية يعني حرام فيها هالعزل والتنسيم

وعيب قير الاكورد في التبديلات لازم تحس فيه وينتع بالسيارة وهو بنظر الوكالة طبيعي ،، طبيعي طيب سنين طويلة ما حاولتوا تعدلون هالمشكلة !!


وبعدين كلامك ان مدير الصيانة متفهم ومؤدب جدا :

1/ هو غصب عليه يصير مؤدب لانه لو ما كان مؤدب دعسته برجلي جاي بفلوسي ولا يتأدب معي ويصير محترم دعسته دعس

2/ مديرهم عطاك مخرج وقال بسجل اسمك وما راح تشوف شي لا عزل ولا تنسيم والايام بيننا



اتمنى منك تتصل على مديرهم وتقول له الموية المستخدمة في تعبئة موية المساحات وماء الردايتر الاحتياطي ان كذا عميل شافهم يعبون من ماء الصنبور الي في الحمامات الموجودة في داخل الصيانة وتضايق جدا جدا من ها الحركة منهم وليه ما يستخدمون ماء مقطر اصلي زي وكالات السيارات المحترمة ( الماء العادي يسبب تراكم املاح داخل القربة والراديتر ويسدده )

وغسيل السيارات ليه بعضها تتغسل وبعضها ما تتغسل ؟؟

بعدين وين العروض على قطع الغيار لهم سنين ما سوو عروض على قطع الغيار كل عروضهم على جناح ولا جنط سيفك

واتمنى يشددون على الفنيين في الاخلاص في العمل والدقة في مواعييد التسليم بعد الصيانة

وقل له يتابع منتدانا بشكل يومي عشان يعرف المشاكل في السيارة وشكوى العملاء وعيوب الاكورد لكي ينقل وجهة نظرنا للشركة الام وعشان يحسنون من شغلهم واتمنى يحطون ايميل للشكاوي متصل مباشرة بالمدير الرئيسي لفرع الصيانة