السلام عليكم...... اخواني الله لايهينكم انا ناوي اغير كفرااااات
بس محتاااار اي نوع افضل ف ياليت الي عنده خبره. يقولي وشكراااا
السلام عليكم...... اخواني الله لايهينكم انا ناوي اغير كفرااااات
بس محتاااار اي نوع افضل ف ياليت الي عنده خبره. يقولي وشكراااا
المشاركة الأصلية كتبت بواسطة S3ood5688
شف كل الشركات الكويسة في السوق عندهم كفرات ممتازة وكفرات ماشي حالها يعني حسب الاستخدام رياضي - عادي - هدوء وطبعا انت لازم تفكر في عدة اشياء قبل ما تشتري الكفرات :
1/ الميزانية الي معاك لطقم الكفرات 4 كفرات على الاقل
2/ الاستخدام كيف راح يكون ( داخل المدينة وسفرات قليلة ) أو ( داخل المدينة وسفرات دائمه كل اسبوع - اسبوعين )
3/ نوعية قيادتك تحب تكون الكفرات رياضية ( ثبات وفرامل قوية وما يهمك صوت الشارع وكفر يعيش 2- 3 سنوات بدون مشاكل ) او كفرات ناعمة وهادية وما تطلع اصوات وتغيرها كل 1.5- 2 سنة وقيادتك هادية وماتسرع
عموما انت قل لي من الـ 3 نقاط عشان تعرف تختار صح
نقطة : انا سمعت ان الكفرات الان انخفضت اسعارها في وكالات الكفرات الاصلية وليس الموزعين ( مثل الطلائع وكيل برجستون وبن شيهون وكيل هانكوك ....الخ ) لا تركب الا في وكالة الكفر الاصلية وخلهم يرصصون ارضي لك وخذ ضمان منهم وتأكد من تاريخ الكفرات ومواصفات الكفر ( التراكشن a حد ادنى ) والحرارة a
لكن لا تركب كفرات الوكالة حقت جنط 17 ميشلان التايلندي energy تفرح فيه شوي ثم يقسى ويطلع الصوت ويعل قلبك والمشكلة غالي على انه تايلدني تقريبا حول 500 ريال في الكفر الواحد !!
طبعا ياليت تقول لنا مواصفات سيارتك من ناحية الجنط كم حجمه وهل تسافر عليها كثير وتسرع او لا ؟
هذا ما لدى واتمنى ان اعطيتك فكرة مفيدة
+
انتظر اخوان الاعضاء لكي يدلون بدلوهم في الموضوع ...
ياطويل العمر الجنط 17.
وانا راعي سفريات وذبحنتي كفرااااات ميشلااان ذبحتني مع الخط
قاااسيه وابغى كفرااات هادئه مع الخط ومريحهه
طيب اذا عندكم في نفس المدينة وكيل هانكوك بن شيهون ( اعرف فرع لهم غي شارع الضباب في الرياض ) وقل لهم ابي كفر هادئ ومريح في الخط ولا يطلع اصوات وفيه نوعية اسمها ventus as او Optimo ( نفس التي تركب على سيارات هيونداي ) هذولا كلهم مريحات وخصوصا ventus وسعره طيبوتاكد من تواريخ الكفرات ومقاس الكفر( 225-50-17 )
الله يعطيك العافية هوندانا
كفر التايلندي مقاس 17 energy مقطووع من السوق له أكثر من 6 أشهر
والمشكلة ما عندي كفراحتياطي لأن فيه كفر انفجر في تمرين السيارة عند 400 كيلو
الكفر التايلندي بجميع فروع ميشلان بالمملكة مقطوع الكفر لأن الشركة وقفت تصنيعه
وغيرت النقشة وصارت الصناعة الجديدة ألماني
المشكلة سعره التايلدني بدون تركيب وبدون ترصيص 594 ريال سعر الوكيل نفسه
وبالمحلات 520 مع التركيب
الآن أبغى أغير كفر واحد لأن عندي كفر فيه رقعه وأبغى أخليه احتياطي
وأشتري الكفر الجديد وأركبه مكان الكفر اللي كان فيه رقعه
المشكلة ما فيه نفس الدعسه
ويقولون يمكن يمسح الكفر بسرعة لأن النقشة تختلف ، والكفر ليس على نفس المحور
ويمكن يطلع صوت بالكفر الجديد
وش الحل
مع العلم الكفرات الثلاثة الباقية جديدة ماشية 7450 كيلو فقط
صعبة أغيرها وهي جديدة
اهلا ترا عادي اذا فيه رقعة انا عندي كل الكفرات مرقعة وعندي كفر فيه رقعة داخلية وخارجية وعادي ما يضره ان شاء الله
دامك تبي احتياطي دور لك كفر يمشي الحال مثل سوموتومو يمشي الحال بدل ما تدفع 500 في احتياطي
كل 5-6 شهور افحص الكفر الاحتياطي شيك على ضغطه
اهم شي اذا الكفر مرقع لا تخلية قدام
الكفر الاحتياطي سو له ترصيص ارضي
ضوابط المشاركة
رد مع اقتباس
مواقع النشر (المفضلة)