السلام عليكم
سيارتي أكورد 2012
المكيف في النهار هذي الايام مرة سيء وفي الليل تمام
هل هناك طريقة او توليفة تحسن من أداء المكيف في النهار ؟
السلام عليكم
سيارتي أكورد 2012
المكيف في النهار هذي الايام مرة سيء وفي الليل تمام
هل هناك طريقة او توليفة تحسن من أداء المكيف في النهار ؟
وعليكم السلام
سيارتك جديده ولاتشيل هم
1-نظف فلتر المكيف
2-افحص الفريون عند كهربائي
اذاكان ناقص عبي فريون اصلي نوع امريكي مكتوب عليه (honeywell)
3-المكيف يكون على 20درجه
وانتا على حسب استخدامك للمكيف انا عبيت فريون بعد سنه وخمس شهورمن موديلها (سيارتي اكورد2011)..
المشكله موفي المكيف وسيارتك جديده ماتحتاج تعبي فريون الاكورد مافيها عزل يعني يوم تطلع الظهر الشمس تمسك الحراره في البدي ولاتوجد عوازل تمنع دخول الحراره لداخل المقصوره فتشوف المكيف موملحق
فيه لها حل تركب ستاير او تضليل اصلي راح تشوف التكيف يتحسن بدرجه كبيره حتى لوالسياره واقفه في عز الحر وعندك القزاز الخلفي الكبير اكثر مكان تدخل منه الحراره
انا عندي كرايسلر فيها عوازل من كل الجهات مثل اسفنج محشو في بدي السياره ولوفيه واحد فنان يقدر يسويها
شوف يالغالي اذا سيارتك لونها غامق الله يعينك لان الألوان الغامقة تمسك الحرارة وكذالك الجلد .. فالي عليك تسوية كالتالي /
1/ تظلل سيارتك تظليل ممتاز من 3M او اي من المحلات الكويسة 01 او 02 ( 01 انصح فيه عشان المرور ما يسوي لك قروشة )
2/ تعود دائما الا توقف سيارتك الا تحت الظلال واذا ما قدرت اشتر لك شماسة بـ 10 ريال الي تجي لونها فضي مدري اذا عطوك الي باعك السيارة شماسة ولا لا ؟
طبعا راح تقلل من حرارة الديكورات الداخلية اذا كانت السيارة تحت الشمس وأعرف واحد اذا نزل للدوام وسياراته تحت الشمس يحط سجادة صلاة على طارة السيارة وكذالك يحط الشماسة ..
3/ أول ما تشغل السيارة اضغط زر AUTO وخل الحرارة على 17 يمين ويسار واذا كانت سيارتك سبيشل او سياحي خل درجة الحرارة على ابرد شي
طبعا AUTO نظامه يعلي الهواء بشكل عالي نزولا الى ان تبرد السيارة يبدأ يقلل الهواء بشكل تدريجي وهذا افضل للسيارة من انها تكون على ابرد شي واقوى شي على طول ...
طبعا انا افضل انك قبل لا تحرك تخلي الشبابيك مفتوحة كلها لمدة دقيقه دقيقتين إلى ان يخرج الهواء وانت ماشي بالسيارة والمكيف شغال قفل الشبابيك وراح تشوف السيارة باردة جدا ( عن تجربة )
التظليل وظيفته الاساسية يحمي من الاشعة الضارة الناتجة من اشعة الشمس ويسرع من برودة تكييف السيارة ( اتكلم عن 01 )
الله الله بالتظليل الكويس وبعض شركات التظليل تسوي خصومات للي عنده تأمين التعاونية او موظف حكومي
إذا ما تحسنت الحرارة معاك 40% وانت سويت كل الـ3 خطوات انا ما عندي سالفة
^
^
ماشاء الله ماقصر الاخ هوندانا
والله في طرق واجد تحصل الدول الغربيه ماتهتم كثير في هذا المجال لأنه اغلب هذي الدول درجه الحراره عندهم معتدله
بس حنا لونحرك شوي عقولنا راح نلقى حلول كثيره
شكرا لكم أحبتي على الإضافات
السيارة شبه جديدة لها الآن معي 11 شهر يعني ماكملت سنة وماشية 52 الف وماضنيت الفريون أو المكيف فيه شيء بس مكيفات اليوم الله المستعان
الله يرحم أيام الكرسيدا والكامري لين 2002 كان مكيفها شيء خيال
السيارة لونها أبيض لؤلؤي ومضللها تضليل أصلي عند كاركير وماركة التضليل ميدكس
فكرة الشماسة والسجادة حلوة ماخطرت على بالي بجربها إن شاء الله
المكيف دفعه حلو بس هواء بارد خفيف تقول هواء مروحة
وفي الليل يعطيك هواء بارد
السلام عليكم
انا أنصحك انك تتوجه لأقرب فرع الوكاله عندها فحص مجاني لتكييف وخصومات على الإصلاح لاتخلي احد يتعبث
فيه سيارتك ماشاء الله جديده
عندي لك حل يخلي قوة دفع الهوا تزيد ومنها تتركز البروده عليك
سكر فتحة المكيف للراكب والمكيف الخلفي وتزيد قوة دفع الهوا في جهتك وبالنص
طبعا تعرف شلون تسكر الفتحات عن طريق الفرار الي تحتها
وجرب ان شالله تنفع
مواقع النشر (المفضلة)