المشاركة الأصلية كتبت بواسطة سلطان2020
صحيح وانا انصحك اذا وصلت سيارتك بين 50 - 60 الف تغيير زيت القير بالصيانة 200 وشوي وبعدها تغيير زيت القير كل 40 الف كيلو
فلتر الهواء يفضل كل 30 الف كيلو تغيره سعره 92 ريال بعد الخصم بقطع غيار هوندا وفكه وتركيبه سهل فك كلبسات وركب الجديد وركب الكلبسات ودخل حافة الفلتر في الغطاء عشان يدخل 100%
نصيحه لا تسوي صيانه 30 الف ووفر فلوسك الا اذا موترك فيه مشكله ولا تدخله خساير فلوس على الفاضي ...
اشتر فلتر زيت ( سيفون ) بـ 19.20 ريال عند قطع غيار هوندا وتوجه واشتر لك زيت كويس اذا ودك تغيير كل 10 الاف اشتر زيت كويس واذا ودك بزيت عادي تغييره كل 5 الاف كيلو
وغير الزيت عند محل تتغير زيوت وعب 4.2 لتر وركب فلتر الزيت الاصلي شف لك نوعية 10w30 اذا تبي ابو 5 الاف و 5w30 اذا تبي كل 10 الاف
طريقتي / اشتر فلتر الزيت من قطع غيار هوندا اصلي عدد 2 واحط واحد احتياط في الشنطة عند الاستبنه واحفظه بأكياس عشان ما يتأثر بالحرارة ..
واشتر نوعية الزيت الي ابيها من محل زيوت مره اشتري كاسترول 10w30 بـ 14 ريال للعلبة ومرات اشتري زيت هوندا 5w30 بـ 29 ريال من المحلات ذي ( عند قطع غيار هوندا بـ 40 ريال للعلبة )
مدري سمعت عندهم حركة يعطونك 5 علب + سيفون بـ 200 ريال يعني الحبة تطلع عليك بـ 36 ريال والسيفون بـ 20 ريال )
تغيير لـكل 5000 الاف كيلو حسبته كالتالي /
1/ فلتر زيت ( سيفون اصلي من قطع غيار هوندا ) بـ 19 ريال وتحصله برا بالمحلات في العروبة وام الحمام في الرياض بـ 16 ريال أصلي نفس حق الوكالة ... لكن اضمن اخذ من الوكالة ومافي فرق اساسا لأن حسب كلام صاحب محل ان الوكالة تبيع لهم .. سيفون زيت اصلي بـ ( 19 ريال )
2/ عدد 4 علب زيت كاسترول 10w30 نقول بـ 14 ريال ضرب 4 = 56 ريال طبعا بتقول وين العلبة الخامسة انا عندي علبة فيها 800 مل من التغييرة السابقة ومحتفظ فيها .. ( 56 ريال لـ 4 اعلب )
3 / شغل يد غيار زيت وسيفون بـ 20 ريال
المجموع : 19 + 56 + 20 = 95 ريال وإذا بنزيد علبة زيت نقول 95 + 14 ريال = 109 ريال
وإذا بشتري السيفون بـ 16 ريال من محلات قطع هوندا المعتمدة ( موزع ) وبشتري كرتون زيت من محلات الغرابي بتطلع العلبة بـ 10 - 12 ريال بقدر اوفر اكثر ...
مثلا /
إذا شريت زيت بالكرتون الحسبة راح تقل عليك
12 ريال قيمة العلبة ضرب 4 = 48 ريال + 16 ريال للسيفون من محلات هوندا ( موزع ) + 20 ريال شغل يد = 84 ريال وفك لك علبة زيت من الكرتون وصب 200 مل ورجعه للكرتون .:d
يعني هذي اقل تكلفة ممكن يكلفك تغيير الزيت وانت مطمئن ...
__________________________________________________ __________
تغيير زيت لكل 10 الاف كيلو حسبته كالتالي /
1/ سيفون اصلي بـ 19 ريال
2/ عدد 4 علب زيت بـ 29 ضرب 4 = 116 ريال
3/ شغل يد تغيير زيت وسيفون = 20 ريال
المجموع : 19 ريال + 116 ريال + 20 ريال = 155 ريال
واذا كنت اول مره تشتري الزيت ولا عندك علبة احتياطية نزيد 29 ريال نقول 155 ريال + 29 ريال = 184 ريال
وإذا كنت تبي تطمئن وتتأكد ان الزيت من الوكالة عندهم عرض 5 علب زيت + سيفون بـ 200 ريال .
المجموع : 200 ريال للزيت 5 علب والسيفون + 20 ريال شغل يد = 220 ريال
طبعا انا اكد الي يغير زيت واخلية ينظف لي فلتر الهواء والمكيف وينفخ لي المكينة والفحمات بالهواء
انت بالخيار زيت لـ 5000 الاف يكلف 109 ريال ...أو 84 ريال اذا تبي توفر مررره
أو
اذا تبي تغيير زيت لـ 10 الاف يكلفك 184 ريال بأقل التكاليف أو 220 ريال ( الزيت بيكون من قطع هوندا )
إذا زيت هوندا يباع جملة بيكون رخيص جدا
للعلم فيه زيوت مثل زيت هوندا واجود لكل 10 الاف تباع بالجملة وتطلع عليك الحبة بـ 21 - 24 ريال للعلبة وكذا بتوفر اكثر واكثر
:d
اتمنى تكون وصلت الفكرة ...
سعر تغيير زيت عند الوكالة بـ 175 ريال طيب نقول بنغير زيت مرتين = 175 + 175 ريال = 350 ريال
لو ابي اغير زيت برا الوكالة راح يكلف 109 ريال او 84 ريال اذا بشتري كرتون زيوت جملة :d
طيب نقول بغير زيت بأرخص تكلفة بـ 84 ريال مرتين راح تكلف 84 + 84 ريال = 168 طيب نقول 4 مرات 84 ضرب 4 = 336 ريال :d حتى اقل من الوكالة و 4 مرات تتغير
طيب نقول 108 ضرب 3 = 324 ريال 3 مرات اقل من الوكالة الي هي 2
+
زيت الوكالة فاشل بصراحه ياخي ريحته مثل الدبابات
الخلاصة سوا الي أقول لك وانت الربحان ... على الاقل الفلوس الي بتوفرها من قيمة الزيوت حطها بفلتر مكيف ولا فحمات
قيمة 10 مرات تغيير زيت في الوكالة تكلفك 1750 ريال
قيمة تغيير 10 مرات زيت برا الوكالة بالوضع الاقتصادي بتكلفك 840 ريال اطرح الناتج من بعض
1750 - 840 ريال = 910 ريال يا حبيبي هذي تغيير لك زيت قير وتجيب فلتر مكيف وتجيب فحمات امامي وخلفي تقريبا
هذي بس مقارنة في تغيير الزيت بدون الصيانات الدورية الي مالها لزمه والي راح تكلف مبالغ طائلة جدا
زيت الوكالة vs زيت برا
احسبها صح وأنت الكسبان
هوندانا
رد مع اقتباس
مواقع النشر (المفضلة)