الموضوع: ظلم تقدير الحوادث المرورية + _ كروركي للحادث

الله يسلمكم من كل شرهـ لكل من سأل ورد ..

اليوم راجعت المرور .. وبعد السؤال إتضح ان العسكري .." حسبي الله ونعم الوكيل عليه "

حاط الخطأ 100 % .. علي انا السياره رقم ( 1 ) ..

ولكم التعليق ..

ماقول الا حسبي الله عليه وحقك م يروح عند ربي العالمين

باك


اليوم جاء إتصال على الشخص اللي كفلني في المرور
13 إتصال لم يرد عليه ، وهو الطرف الثاني في الحادث
يطلب مبلغ تصليح سيارته .. ( 1700 ريال )
وماشاء الله عليه حاسبه مع قيمة السطحه رايح جاي ..

.


سالته عن طريقة الحادث أنكر كل اللي فات ، والطريقة اللي شرحها
لكروكي الحادث ماتنطبق على اللي صار كلمته وكلام كثير ..
حلفته بالله عن طريقة الحادث وقلت له هذا شخصي بيني وبينك
ورفض يحلف

.

قلت نتقابل في المرور .. وبنفس الوقت قلت له انا
سيارتي تقريبا تكلف 26 الف ريال إذا ماهو أكثر

.

" اللي أنا مستغرب منه "

هو أخذ رقم الجوال من نفس المكتب اللي انا مقدم فيه الاعتراض على الحادث
وبنفس الوقت لما قدمت الاعتراض شفت نموذج الحادث

1. النموذج مافيه كروكي للحادث
   
2. الشخص اللي باشر الحادث ماهو نفس الشخص اللي إسمه موجود في النموذج

>>> إنلحس مخي


*

أقلك
راجع المرور وتفاهم معاهم

لايكون لافين الهرجة عليك
سلامات من 50% ل 100 % !!

ترى حقون المرور أسهل شي يسوونه يلفون الهرجة

إلا من رحم الله منهم

قدم أعتراض , ثمن رح للتظلمات وارفع تظلم على العسكري
وقدم شكوى على تغير أسم العسكري اللي كان على موقع الحادث

تبي تأخذ حقك لازم تبلشهم قروشهم .. كثر شكاويك

وانشب لمدير المرور ف الناصريه .. واذا صرفوك قول بيني وبينكم المظالم ولا الاماره ، هايط بس بهدوء عشأن ما تأكلها وحقك راح تأخذه أن شاء الله:(

مرة ثانية أعود لكم
..


بعد تحديد موعد يوم الخميس لـ إعادة تقدير الحادث

وحضوري مع الطرف الثاني ( لازم أدق عليه أطلبه يحضر )

قالوا لنا بما إن الحادث صار في
الدائري الجنوبي
فـ لجنة إعادة التقدير موقعها في ضاحية لبن
...

توجهنا لمرور ضاحية لبن
>> مقر حجز السيارات

أول ماوصلنا قالنا العسكري الله يهديه بعد
إسبوعين ( كان مقهور من الضابط)
دخلت على الضابط وقلت له الموضوع

وطلب المسؤول عن لجنة التقدير >> الضابط شخصيته
قوية

لما جيت بمشي وعلى
ماركبت السياره طلبني العسكري

وصار النقاش على كروكي الحادث مع عسكري رئيس
رقباء

وكان وقتها
معصب وإحترمته لكبر سنه

أول مابدا النقاش قال
أنتم يالسعوديين سواقتهم متهورة وانتم ماتستاهلون سيارات

وانتم ...
وتشوفون الاجنبي حشره ....... الخ

تخيل الشخص اللي بيدهـ إعادة التقدير يبدأ كلامه كذا

وامام الخصم إيش تتوقع تقديرهـ
...؟

( إستغربت بإعادة
التقدير كلام عسكري يقول انت طامع بالتامين
رد خويه قال ماعرف يلعبها صح )

المهم
ناقشته بالموضوع ومعي صور من السياره ومكان الصدمه
ومن كل الجهات
ورفض يقتنع
، طلب من الخصم صورة السياره وبالفيديو

وتم الاتفاق على يوم الاحد ، حضرت لهم يوم الاحد قالوا يوم
الاثنين
الفيديو ماينفع لازم نشوف
سياره الطرف الثاني وإنتظر إتصالنا
..

اليوم حضرت لهم
قالوا رفعوا الاوراق وتم تقدير الحادث بنسبة
100%

بعد هذا كله
وبصراحه شكيت بنفسي يالربع قلت يمكن انا غلطان
لكن لما أتذكر الحادث أغير رأيي
..


خلاصة الموضوع


1- التامين نعمه يفكك من
هالموال كله .. أمن السياره تأمين شامل
وحتى لو الخطأ عليك ماراح تدخل هالموال

2- اللي يقدر الحادث بالغالبية أشخاص ماعنده كفاية من
العلم ( بالرياضيات )
فلا تستغرب
التقدير الخطأ

3- بعض
الموظفين في المرور ماعنده دراية كاملة للنظام ، إذا ماعرف
بتدخل بدوامه طويله عريضه




*

المشاركة الأصلية كتبت بواسطة 2013

قدم أعتراض , ثمن رح للتظلمات وارفع تظلم على العسكري
وقدم شكوى على تغير أسم العسكري اللي كان على موقع الحادث

تبي تأخذ حقك لازم تبلشهم قروشهم .. كثر شكاويك

وانشب لمدير المرور ف الناصريه .. واذا صرفوك قول بيني وبينكم المظالم ولا الاماره ، هايط بس بهدوء عشأن ما تأكلها وحقك راح تأخذه أن شاء الله:(

وين انت عايش في امريكا !! .
الحقوق هنا تنتزع لا تطلب .. :d

الله يكون في عونك ي صاحب السياره والحمد لله على سلامتك ..