مرة ثانية أعود لكم
..


بعد تحديد موعد يوم الخميس لـ إعادة تقدير الحادث

وحضوري مع الطرف الثاني ( لازم أدق عليه أطلبه يحضر )

قالوا لنا بما إن الحادث صار في
الدائري الجنوبي
فـ لجنة إعادة التقدير موقعها في ضاحية لبن
...

توجهنا لمرور ضاحية لبن
>> مقر حجز السيارات

أول ماوصلنا قالنا العسكري الله يهديه بعد
إسبوعين ( كان مقهور من الضابط)
دخلت على الضابط وقلت له الموضوع

وطلب المسؤول عن لجنة التقدير >> الضابط شخصيته
قوية

لما جيت بمشي وعلى
ماركبت السياره طلبني العسكري

وصار النقاش على كروكي الحادث مع عسكري رئيس
رقباء

وكان وقتها
معصب وإحترمته لكبر سنه

أول مابدا النقاش قال
أنتم يالسعوديين سواقتهم متهورة وانتم ماتستاهلون سيارات

وانتم ...
وتشوفون الاجنبي حشره ....... الخ

تخيل الشخص اللي بيدهـ إعادة التقدير يبدأ كلامه كذا

وامام الخصم إيش تتوقع تقديرهـ
...؟

( إستغربت بإعادة
التقدير كلام عسكري يقول انت طامع بالتامين
رد خويه قال ماعرف يلعبها صح )

المهم
ناقشته بالموضوع ومعي صور من السياره ومكان الصدمه
ومن كل الجهات
ورفض يقتنع
، طلب من الخصم صورة السياره وبالفيديو

وتم الاتفاق على يوم الاحد ، حضرت لهم يوم الاحد قالوا يوم
الاثنين
الفيديو ماينفع لازم نشوف
سياره الطرف الثاني وإنتظر إتصالنا
..

اليوم حضرت لهم
قالوا رفعوا الاوراق وتم تقدير الحادث بنسبة
100%

بعد هذا كله
وبصراحه شكيت بنفسي يالربع قلت يمكن انا غلطان
لكن لما أتذكر الحادث أغير رأيي
..


خلاصة الموضوع


1- التامين نعمه يفكك من
هالموال كله .. أمن السياره تأمين شامل
وحتى لو الخطأ عليك ماراح تدخل هالموال

2- اللي يقدر الحادث بالغالبية أشخاص ماعنده كفاية من
العلم ( بالرياضيات )
فلا تستغرب
التقدير الخطأ

3- بعض
الموظفين في المرور ماعنده دراية كاملة للنظام ، إذا ماعرف
بتدخل بدوامه طويله عريضه




*