اخواني حابب انبهكم لشغله وهي انه لا جيت تعمل اصلاح لطرمبه الدركسون تراعي عدة امور وهي

اولا : ادا جيت بتشتري اصلاح اشتريه من الوكاله مباشره ولا تشتريه من اي محل قطع غيار مهما كان سعره
لانه اكتشفت خلال الايام الماضيه انه فيه فرق رهيب بالاسعار بالمحلات يبيعونه من 150 الى 130 الى 120 الى 80 والطامه الكبرى انه ليست متوافقه مع قطع الاصلاح تبع الوكاله واتضح لي انه الوكاله تبيعه بسعر اقل بكثير مما تبيعه المحلات وحصلته عندهم بسعر 74 ريال

ثانيا : تحرى الميكانيكي الشاطر صاحب السمعه الطيبه يعني يمدحوه لك ناس وسوو عنده ومشت امورهم زين وانا بدوري بحثت عن واحد شاطر وبعد التحري دلني واحد جزاه الله كل خير لواحد في جده اسم المهندس عبدالله موقعه في شارع الملك خالد امام البنك الاسلامي بالضبط اسم الورشه ورشه ايمن اقرب لطريق مكة القديم الرجل عرفت انه فاهم لمن شريت له قطع اصلاح من محل قطع غيار ب 100 ريال شافها وقال لي اغلبها غلط وماراح تنفعك شغل يده غالي ب 250 ريال لكن ان شالله انه يزبطه ولو تشوفو الورشه ماتحصل عنده الا هوندا وبس حتى المعيار يزبطه لك ومايركب الا زيت هوندا وبس

ثالثا : عشان تحافظ على الطرمبه بدون تهريب حاول لاتكسر الدركسون للاخيرر لمن يطق وان شالله تجمل معك باذن الله