اقتباس المشاركة الأصلية كتبت بواسطة THE SILVER ACCORD مشاهدة المشاركة
العفو يا اخي الكريم

أجل إن شاء الله ما تحتاج إلا فقط .. تغيير ماء الراديتر وتغسله من الداخل بالماء المقطر

لأن الوصخ اللي داخل الراديتر اللي مثل الطحين :

1) ممكن يعيق تشتيت الحراره بشكل ممتاز ويعيق التبريد بشكل ممتاز .. لأنه مثل الطبقه العازله .

2) ممكن يسبب بطئ بحركة ماء الراديتر


المتطلبات :

+ تشتري كرتون ماء مقطر من محلات الجمله .. الكرتون بـ 9 ريال
لو تشتري كرتونين أفضل .. لك وللزمن بـ 18 ريال

+ تشتري جالون ماء راديتر تويوتا .. الجالون بـ 40 ريال بعد الخصم من موزع معتمد لقطع غيار تويوتا

+ محقان مناسب

+ طاسه تفرغ فيها الماء القديم ( اختياري )

+ خبره

+ تقرأ الكتالوج ( دليل المالك )



افتح السويتش و لف زر حرارة المكيف لأقصى حراره ( حار ) بدون ما تشغل السياره أو المكيف

و بعد ما تفرغ ماء الراديتر والقربه بالكامل والسياره بارده تماما .. تعبي القربه والراديتر ماء مقطر فقط بدون ماء راديتر .. وبعد ما تنتهي من التعبئه وكل شيء

أضغط على ليّات الراديتر أضغط أكثر مره من الوسط ومره من الطرف والخ... وطبعا المحقان يكون موجود بالرديتر .. بتلاحظ يطلع شوي من الماء للمحقان مع فقاعات هواء

كرر الطريقه هذي الين تحس ان مافيه فقاعات أو على الأقل خفت الفقاعات

شغل السياره و زد ماء الراديتر كل ما نقص ( يفضل انه يكون شخص يشوف حرارة السياره لو ارتفعت الحراره يعلمك .. أو انت كل شوي شيك على الحراره ثم ارجع عب ماء )

اذا وصلت السياره حرارتها الطبيعيه يفتح البلف .. يمكن ما يفتح على طول لا تستعجل اذا نقص زده

اذا حسيت انها خلاص فل .. سكر الغطاء
وشيك على القربه اذا يحتاج تزيدها أو لا

و خذ معك كم علبة ماء مقطر و خذلك مشوار بسيارتك وخل عينك على الحراره .. لا ترتفع بشكل غير طبيعي


ثم وقفها عند البيت وخلها تبرد

ثم فرّغ الراديتر والقربه من الماء المقطر

وعب ماء راديتر تويوتا أصلي جالون بـ 40 ريال .. وطبق نفس الخطوات السابقه


واذا أنتهيت وتأكدت أن كل شيء تمام .. رجع المكيف على البارد


تكون كذا أنت نظفت الراديتر ؛ مسارات الماء بالمكينه ؛ المكيف الحار

وإن شاء الله تضبط سيارتك


وأنصحك تقرأ كتالوج سيارتك عشان تعرف طريقة تغيير ماء الراديتر بالتفصيل الممل


أما بالنسبه للتسييخ فيه محلات تخصصها تسييخ .. لكن المشكله يفكون الراديتر والخ...

أقرأ الموضوع هذي

http://www.ford4arab.com/vb/t63096.html

http://www.ford4arab.com/vb/t79595.html

http://www.ford4arab.com/vb/t55415.html

خل التسييخ آخر شيء يمكن ما تحتاجه

أنت أول غير ماء الراديتر بماء مقطر ثم غيره مره ثانيه بماء راديتر مع ماء مقطر ... وإن شاء الله بتظبط الحراره وبتكون من أحلى مايكون ولا تحتاج تسييخ إن شاء الله





طلعت المشكله الرديتر متسكر من فوق من الاملاح
تم تسييخه وعبيت مويا سي ديلكو اخضر وضبطت ولله الحمد
وش رايكم بمويا خضرا سي ديلكو ؟!
اشكرك اخي العزيز وان شاء الله استفيد او احد يستفيد من كلامك بدون مايفك الرديتر مع ان رديتري اتوقع ماينفع لان الاملاح مثل الحجر الصغير فوق الفتحات وبعد الفتحات مسكره
بس عندي بعد كم سوال ياليت تفيدني بحكم خبرتك او اي احد يفيدني
بعد التسييخ طبعا زيت القير اللي كان داخل الرديتر طلع ونقص شوي هل فيه مشاكل
مع اني مالي شهرين مغيره ؟!
وبعد فائدة وضع المكيف على الحار بدون تشغيل المكيف والسياره ؟
( لان سيارتي فل يعني اكتروني والالكتروني ماتقدر تتحكم بدرجة الحراره لين تشغله )