العدادات تفصل والكيف م يبرد ...:/ تكفون ي عزوتي ..

**صممت** · 20-08-2013, 06:10 PM

السلام عليكم ورحمة الله وبركاته ..
شخبارك عساكم تمممام ..

تكفون ي عزوتي الفزعه ...

الطبلون يفصل .. ،
او ب الاصح ، العدادات الي ب الطبلون ..

سيارتي هوندا اكورد 2005 .. تومآتيك ..
/
اذا كآنت السياره مطوله طافيه يعني ، طفيتها الفجر واشغلها العصر ..
عدادات الطبلون م يشتغل .. واللمبه حقت الغيارات الي الي ب الطبلون هي [ p - R - N - D ]
م تشتغل ، اصبر ربع ساعه ، 10 دقايق .. وتشتفل واذا اشتغلت لمبة تغيير القير الي ب الطبلون يرجع العدادات تشتغل ، حقت الحراره والهواء والسرعه ، والمكين يبرد
وعداد البنزين شغال ع طول ، /
لكن اذا كآنت طافيه والعدادات م تشتغل ، المكيف م يبرد نهائي ،

وش الحل ، خصوصآ ب ديره م فيها فحص ل السياره ،

**S c O r P i O n** · 20-08-2013, 08:29 PM

افحص كمبيوتر السياره عند اي محل فقط الكمبيوتر
وتظهرلك المشكله باذن الله
وجرب تفصل البطاريه لمده ربع ساعه ورجعها

**صممت** · 21-08-2013, 03:39 AM

المشكله هذي من زمان
وسويت كل الي قلتلي عليه ولا طلع شي
والى الان مستمره

**أكــــــــــورد11** · 21-08-2013, 12:49 PM

وعليكم السلام ورحمة الله وبركاته
الشغله تحتاج لكهربائي فاهم واظن عندك تهريب كهرب
الافضل فحص كهرباء بالوكاله

**THE SILVER ACCORD** · 22-08-2013, 12:34 PM

وعليكم السلام ورحمة الله وبركاته

صراحه مشكلتك غريبه لكن أذكر واحد كان يطفى عنده الطبلون والمسجل ثم يشتغل
وكان السبب أسلاك البطاريه مرتخيه وغير مشدوده

جرّب فك أسلاك البطاريه ونظفّها مع أصابع البطاريه بـ ( ماء و بيكربونات الصوديوم و فرشة اسنان قديمه )

تلقى بيكربونات الصوديوم عند بنده وسعره 1.5 ريال

أفضل منظف لأصابع البطاريه بيكربونات الصوديوم ^ وحتى الكتالوج ينصح فيه

وترى بيكربونات الصوديوم يختلف عن باكينج بودر .. الباكينج بودر ما ينفع

وبعد التنظيف ركبّها و شدّها زين ؛ و شيّك على الفيوزات

هل سبق أنك عدّلت أو لعبت بالكهرباء ؟ إضافات أو إكسسوارات أو شاشه أو الخ... ؟

اذا كنت مشتريها مستعمله يمكن اللي قبلك جارح الأسلاك أو شيء

أبدأ من الأسهل والأرخص إلى الأصعب والأغلى

الله يعينك