زيت القير يتغير على 60 والا 100 الف ؟؟
السلام عليكم
سيارتي أكورد 2012 ممشاها قريب من 60 الف
طبعا حسب جدول صيانة عبدالله هاشم يتم تغيير زيت القير أول مرة على 60 الف
ولكن في كتالوج الأكورد يقول يتم تغيير زيت القير عند 100 الف عند الاستخدام الشاق وعند 120 الف عند الاستخدام العادي
مارأيكم هل أغير زيت القير أم الأحسن أمشي على كلام الشركة الأم ؟
علما إنه عيار الزيت ولونه وريحته ليس بها أي تغيير
وبالنسبة لفلتر القير الخارجي هل أغيره والا أتركه حتى 100 الف ؟
وعليكم السلام ورحمة الله وبركاته
تغييرزيت القير كل 60 الف اول مره وبعد كذا كل 40 الف للمحافظه على القير والسلاسه في التعشيق
الفلتر الخارجي كل 100الف من اختيارك لان صره زيت القير مغناطيس تطمن من هالناحيه ..
تنويه:
فلتر البنزين كل 80 الف
البواجي لاتغيره على 100الف عمرها طويل اكثر من كذا وتوصل الى 200الف
وعليكم السلام
انا سيارتي قير عادي لكن لو أنا مكانك بغيّر زيت القير الأوتوماتيك كل 40 ألف كيلومتر مع فلتر القير الخارجي < تعتبر محافظ جدا جدا على القير
ونصيحه خلك من البدايه محافظ على قير سيارتك عشان تطيل عمر القير لأطول فتره ممكنه وبأقل مشاكل ممكنه
الحين غيّر زيت القير والفلتر الخارجي بالوكاله ... ثم غيّره بعدين كل 40 ألف كيلومتر مع الفلتر الخارجي
أو على الأقل غيّر فلتر القير الخارجي كل 80 ألف كيلومتر
الفلتر الخارجي يصفي وينقي زيت القير من الشوائب والخ... و يساعد على تقليل الشوائب في الفلتر الداخلي ( ما يتغير إلا عند التوضيب )
تحافظ على القير وزيت القير والفلتر = تعشيقات ناعمه وسلسه + عمر طوووويل + ولا يكون فيه ونه أو حنه
ملاحظه :
زيت قير ودركسون الهوندا .. الوكاله يجيبونه من تايلاند
زيت قير ودركسون الهوندا .. محلات قطع الغيار يجيبونه من الإمارات جبل علي وأعتقد مصنوع في سنغافوره اذا ماني غلطان
إذا نفس السعر خذه من الوكاله أضمن وأفضل
ضوابط المشاركة
رد مع اقتباس
مواقع النشر (المفضلة)