الموضوع: في احد جرب الدينسو

المشاركة الأصلية كتبت بواسطة حبة خال

مراحب

شباب مثل ما عارفين انا قبل اسبوعين ظرب عندي الكومبرسور وسألت عن حق الوكاله طلع غالي بـ 3800 (شق يشق راسهم :o) سيارتي اكورد 2003

المهم شفت كومبرسور ياباني اسمه دينسو وقال لي اللي يشتغل في الصناعيه انه مفصل للاكورد وهو ياباني وممتاز وسعره بـ 1700 ... تنصحوني فيه ولا لأ ؟؟

وهل في احد منكم جرب هالكومبرسور من قبل ؟؟؟؟ واللي جربوه ياليت يفيدونا هل تركيبه يحتاج توليف وتلحيم ولا على طول يركب تمام التمام ؟؟

تكفون شباب اي رد بسرعه ترى بمووووت حر كل يوم انا وزوجتي بدون مكيف (الرحمة)

ياولد!!! والله رحمتك يا حبة الخال!!! من جد ،شايف لك موضوع من زمان عن كمبرسور مكيف سياراتك ولحد الآن مكيف سيارتك مايشتغل !!! الله يعينك وييسر أمرك والله أقولها من كل قلبي،وبالنسبه لكبرسور دينسو فاطمئن شركة دينسو شركة كبيرة ومعروفة وكمبرسوراتها ممتازة وذات جودة وكثير من السيارات اليابانية فيها من وكالتها شد بلد كمبرسورات دينسو وبعض موديلات الهوندا بأنواعها نفس الشيء وتويوتا بعد وخاصة كورولا ،ومن ناحية يركب أو يحتاج توليف فأتوقع توقع شبه مؤكد بأنك لو قلت للي في الصناعية موديل سياراتك بيجيب موديل الكمبرسور اللي يناسبه بالتمام فك وركب بس وارحم نفسك وأنا اخوك وتحرك ورح جيب الكمبرسور وركبه والله الحر مايرحم ،وإذا ركبته وضبط بشرني تكفي ،الله ييسر أمرك
بالنسبه لكبرسور سيارتك القديم وش مشكلته ؟ونصيحه خذه معك وحطه في مستودع البيت ولاتتركه للمحل أو الورشة ترى تلقى عطله بس البكره والكويل ويغيرونها ويضبط ويبيعونه ب700 ريال أنت أولى بها

اخوي اصلا كمبرسر الاكورد من دينسو واغلب قطع الاكورد الكهربائيه من هالشركه

يعطيكم العافيه شباب وتسلمو ....

يعني يالغالي تهقى ان ممكن الخراب من البكره (تخيل الكويل كان عندي خربااان من 3 سنين ولا غيرته)

وتخيل كل ما جمعت فلوووس يطلع لي ضرف طارئ واظطر اني اكنسل تغيير الكومبرسور ... والله العيشه صعبة والراتب ما يغطي بس الحمد لله على النعمة والصحة

المشاركة الأصلية كتبت بواسطة حبة خال

يعطيكم العافيه شباب وتسلمو ....

يعني يالغالي تهقى ان ممكن الخراب من البكره (تخيل الكويل كان عندي خربااان من 3 سنين ولا غيرته)

وتخيل كل ما جمعت فلوووس يطلع لي ضرف طارئ واظطر اني اكنسل تغيير الكومبرسور ... والله العيشه صعبة والراتب ما يغطي بس الحمد لله على النعمة والصحة

أبغى أسألك قبل لايتعطل الكمبرسور كنت تسمع صوت حديده تدور صوت زي وووو بالزبط زي ماتسحب حديده على الأرض ؟ لو كذا حيكون البكرة خربانة وتحتاج تغيير ، وبالنسبه للكويل هو قطعة كهربائية دائرية بعد البكرة ولها سلك طالع منها، ولو كان قبل عطل الكمبرسور شميت ريحه حرق طالعه من المكيف يعني الكويل خربان ،عموماً الكمبرسور 3 أجزاء بكرة +كويل+كمبرسور ووكالة هوندا والموزعين ببيعوا الثلاث أجزاء تبع كمبرسور هوندا الأصلي مفرقين ،ولو كان كمبرسور دينسو اللي أنت شفته كله كامل ب1700 وياباني أصلي خذه أفضل لك لأن حتى لو كمبرسورك القديم بس خربان البكرة أو الكويل أو واحد منهم سعره غالي ولابيستاهل تشتري جديد وتركبه على كمبرسور قديم ،أشور عليك بالكلام اللي مكتوب بالأحمر أفضل وأوفر لك في فلوسك ووقتك ووجهدك ،لكن إن شاء الله الكمبرسور اللي قلته يكون كامل بسعر 1700 ريال وأقصد بكامل يعني بكرة +كويل+كمبرسور وأرجع أقول لو ركبت الكمبرسور الجديد شيل القديم وحطه عندك ولاتتركه للورشة يستفيد منه

يعطيك الف الف عافيه على معلوماتك يالغالي

رحت وشريت الكومبرسور دينسو وركبه لي ونظف الرديتر والمكيف ظبط بس مو باااااارد مره مثل اول :o .... قال لي راعي الورشة يمكن يحتاج تغيير البلف

شرايك بكلام راعي الورشة ؟؟؟ يعني لو غيرت البلف بيصير المكيف بارد ؟

ادري اني ازعجتك بس ماشاء الله عليك ردودك مريحة ومفيدة