رد مع اقتباسالمشاركة الأصلية كتبت بواسطة سلطان2020
موضوع جميل وتجربة رائعه وفعلا الزيوت التخليقيه الخفيفه اثبتت جودتها رغم ارتفاع سعرها
لاكن السياره تاخذ اربع ونص علبة مع السيفون وليسى اربع فقط
تجربتي مع زيت بترومين التخليقي a1 اللزوجة 5w30 وانطباعي عنه
السلام عليكم
كنت أغير زيت المكينة في الوكالة بترومين الترا 7 اللزوجة 15w40 يتغير كل 5 آلاف
ولكن تركت الوكالة لعدة أسباب منها :
1 - التكلفة العالية على زيت عادي وليس تخليقي حيث السعر 175 ريال زيت مع السيفون
2 - طول وقت الإنتظار لحتى يجيني الدور عشان الزحمة
3 - أكثر من مرة يغيرون لي الزيت زائد ولما أكلمهم يقولوا المشكلة من العداد مايحسب الكمية مظبوط
في الأخير ريحت راسي ورحت عند بترومين اكسبريس لانه مركز معتمد عشان سالفة الضمان
وقررت أجرب الزيوت التخليقية واخترت زيت بترومين الجديد والتي روجت له بترومين في الاعلانات
بترومين A1 اللزوجة 5W30 سعر العلبة الواحدة 45 ريال ( مبلغ مرتفع جدا )
مواصفات الزيت :
تخليقي بالكامل
API SN
ILSAC GF-5
ديكسوس Dexos وهو تصنيف حديث أفضل من مواصفات المعهد الأمريكي GF-5 API SN
الرسم العنكبوتي التالي يوضح الفروقات ( ديكسوس باللون الأخضر ، GF-5 بالأحمر ، GF-4 القديم بالأزرق )
المكينة أخذت اربع علب بالظبط مع السيفون يعني اللي بيغير الزيت ذا لمكينة اربع سرندل 2.4 يغير اربع علب فقط
التكلفة العامة 180 ريال + سيفون وكالة بسعر 19 ريال + 10 ريال اجور تركيب سيفون الوكالة = 209 ريال
الزيت خفيف مشيت عليه 10 الف كم في خلال شهرين في عز الصيف
سافرت بالسيارة 1250 كم رايح و 1250 كم جاي فيها نزول وطلوع عقبة
رحت مشوار 250 كم رايح و 250 كم جاي فيها طلوع ونزل عقبة
والباقي استخدام داخل المدينة
الملاحظات :
1 - صوت المكينة أهدأ من قبل
2 - صرفية البنزين نفسها ماتغيرت
3 - استمر الزيت الى ممشى 8 الف كم بدون نقص ثم لما عايرت الزيت لقيته ناقص نص علبة وكملت الناقص من علبة عندي
4 - غيرت الزيت بعد ممشى 10 الف كم واللزوجة ممتازة لم تتغير ولون الزيت بني ذهبي يعني لم يصل لونه للسواد القاتم
هذه ملاحظاتي وإذا فيه سؤال او استفسار نحن بالخدمة
بالنسبة للسعر المرتفع تقدر تشتري كرتون من الموزع مباشرة
الكرتون يحتوي على 12 علبة
السعر يتراوح مابين 250 الى 300 ريال للكرتون حسب المكاسرة
يعني يطلع تقريبا سعر العلبة مابين 21 و 25 ريال
وسلامتكم
موضوع جميل وتجربة رائعه وفعلا الزيوت التخليقيه الخفيفه اثبتت جودتها رغم ارتفاع سعرها
لاكن السياره تاخذ اربع ونص علبة مع السيفون وليسى اربع فقط
غيرت الزيت مرتين كلها مع السيفون
والمكينة أخذت أربع علب فقط والعيار فوق النقطة العلوية بشيء بسيط
سيارتي أكورد 2012
بعض جوالين الزيت 1 لتر وبعضها 900 ملي وشوي أعتقد هذا سبب الإختلاف والله أعلم
اختلاف
للمعلوميه 2012 4 علب واحد لتر و2010و2009و2008 اربع علب ونص
غير صحيح تاخذ 4 علب و200 ملم مع الفلتر (السيفون)4 سليندر
جميع الموديلات هاذي لاتفرق مكانيكيا
2008.2009.2009.2010.2011.2012
كلامك بالأحمر صحيح
لكن 4 علب فقط من زيت بترومين a1 مع السيفون تلاقي العيار أعلى من النقطة العلوية بقليل
الف شكر راح اتاكد من موضوع العلب لكي نفيد الشباب
الله يعطيك العافيه على الموضوع و التقرير والتجربه
أنا ما جربت زيت بترومين A1 .. لكن من مواصفاته باين و واضح أنه زيت ممتاز وعالي الجوده وأحدث وأفضل من زيت هوندا التخليقي بالكامل 5W30 اللي سعره 40 ريال
زيت بترومين A1 = تخليقي بالكامل + ديكسوس dexos مرخص ومعتمد من GM + و API SN + و ILSAC GF-5 + اذا بتشتريه بالكرتون سعره معقول جدا وأرخص بكثير من البناشر وبترومين اكسبرس والخ... + إذا بتشتريه من البناشر أو بترومين اكسبرس اتوقع سعر العلبه 40 أو 45 ريال
زيت هوندا = تخليقي بالكامل + ( API SM و GF-4 .. أقدم من .. API SN و GF-5 ) + سعر العلبه 40 ريال من الوكاله
أنا حاليا أستخدم زيت بترومين العادي 10W30 و إن شاء الله قريباً بشتري كرتون زيت بترومين A1 من محلات الجمله .. وراح أغير الزيت والفلتر كل 7500 كيلومتر للإحتياط لأن الزيت خفيف 5W30 .. وأنصحكم بسيفون الوكاله أصلي ومضمون ورخيص 19.20 ريال
بالرابط والقائمه هذي راح تلقى زيت بترومين A1 معتمد ومرخص له من شركة GM لأنها هي مالكة تقنية ديكسوس dexos :
http://www.gmdexos.com/licensedbrand...sedbrands.html
أما بالنسبه لكمية زيت الأكورد من 2003 إلى 2007 .. من كتالوج السياره :
( بدون تغيير السيفون ) = 4 لتر زيت .. يعني 4 علب أم لتر واحد
( مع تغيير السيفون ) =4.2لتر زيت .. يعني أربع علب أم لتر واحد + ربع علبه عشان السيفون الجديد
أنا عندي كتب إلكترونيه إنجليزيه عن الأكورد فيها معلومات كثيره وتفصيليه + وزنيات + حتى وزن البلوف والخ...
وسدحت لكم صور منها
هذي صوره من كتاب الكتروني عندي خاص بصيانة الأكورد 2003-2007
أما الأكورد 2008 وفوق ... عندي كتاب إنجليزي الكتروني لها ولقيت مكتوب :
الأربعه سلندر :
2008 و 2009 .. تاخذ زيت مثل الموديلات السابقه ( 4 لتر زيت بدون تغيير السيفون ؛ 4.2 لتر مع تغيير السيفون )
2010 ( واتوقع يمكن حتى الموديلات اللي فوق 2010 ) .. تاخذ ( 3.8 لتر زيت بدون تغيير السيفون .. و 4 لتر زيت مع تغيير السيفون )
والسته سلندر V6 2008-2010 :
4 لتر بدون تغيير السيفون
4.3 لتر مع تغيير السيفون
عاد المعلومات هذي جبتها من كتب إلكترونيه إنجليزيه ( كاتلوجات ) .. أرجو أنكم تتأكدون بأنفسكم قبل تاخذون كلامي عن كمية الزيت 2008-2009 .. و 2010-2012
اللي ما يعرف وش معنى سيفون = فلتر زيت المكينه Oil Filter
زيادة الزيت عن الحد الأعلى MAX .. يؤثر و يضر ويعدم صوف مكينة أي سياره .. ويخليها تندي أو تهرب زيت
واللي أعرفه أن الصوف رخيصه لكن شغل يد تغييرها غالي لأنها تحتاج شغل كثير حسب كلام بعض الناس
والنقص الشديد بزيت المكينه يسبب تآكل شديد بسبب قلة التزييت
التعديل الأخير تم بواسطة THE SILVER ACCORD ; 27-09-2013 الساعة 04:59 AM
فيه نقاط مهمه ولكن البعض يغفل عنها :
1) تفريغ الزيت بالكامل لآخر قطرة زيت .. طبعا السياره تكون واقفه على أرض مستويه ومستقيمه تماما
2) إستخدام "محقان نظيف" عند تعبئة الزيت الجديد ( بعض البناشر محقان الزيت عندهم يكون وسخ وفيه غبار .. وعند التعبئه يدخل للمكينه ويؤثر عليها وعلى الزيت نفسه )
يفضل تشتري محقان خاص بك وتخليه لسيارتك
3) إستخدام فلتر زيت ( سيفون ) أصلي خذه بنفسك من الوكاله بسعر 19.20 ريال ... أصلي + مضمون + أرخص
4) تنظيف المكان المحيط بفتحة تعبئة الزيت .. قبل فتحها .. عشان ما يطيح الغبار والتراب داخل المكينه
5) كمية الزيت المناسبه وعدم تجاوز الحد الأقصى max بعيار الزيت
أنا أحيانا أغفل وأنسى النقطه الثانيه والرابعه
ضوابط المشاركة
مواقع النشر (المفضلة)