مشكله غريبه في الهوندا أكورد 2012 , الفزعه يا اخوان

[أبو عناااد]

بسم الله الرحمن الرحيم ..

السلام عليكم ورحمة الله وبركاته ..

أخواني أنا شريت لي هوندا أكورد قبل تقريباً سنه , والحمد لله أنا من النوع الهادي جدا في السواقه , وطبعاً سيارتي مامشت
كثير , وغير كذا تقدرون تقولون أنها سيارة بلد , يعني ماطلعت من جده كثير , يادوب راحت ثلاث مرات مسافه 100 كيلو عن جده
ورحت بها مره وحده القصيم , وهي ماشية الان عشرين ألف كيلو ..

طلعت لي قبل خمس أيام مشكله في السياره , واللي هي أن الدركسون ثقل علي فجأءه , ماهو ثقل زايد , لكن فيه ثقل
ينرفزك , وأحس أن السياره دعستها صارت مختلفه .. يعني البنزين أثقل والفرامل أثقل .. السياره بصفه عامه ثقلت شوي
وخصوصا الدركسون .. برضه قبل فتره كنت يوم أجي الدخل المفتاح أبي اشغل السياره قبل ماتشتغل تطلع لي صوت !! وبرضه الدركسون يعلق كثير
يعني لازم تكسر الدركسون يسار لين يفك مع السوتش .. طبعا المشكله ذي متكرره كثير ..

رحت للوكاله اللي بطريق المدينه مرتين وقالوا لي بعد الفحص سيارتك سليمه !!!!!!!؟

وطلع في السياره أكثر من شخص وقالو لي فعلاً السياره فيها ثقل شوي , واللي يقول لي ( بخاخات ) واللي يقول لي
( يمكن السيور ) واللي يقول لي ( البطاريه يبغالها تغيير ويكون الأمبير أقوى ) يعني والله أني تعبت كثير وسببت لي هالمشكله
ضغط كبييييير ..

فالفزعه يا أخوان في هالمشكله ؟ تكفون ؟ ووفقكم الله ..

[THE SILVER ACCORD]

وعليكم السلام ورحمة الله وبركاته

شيك على ضغط هواء الكفرات إذا كان أقل من 30 ممكن يسبب ثقل شوي بالدركسون

+

1) افتح الكبوت .
2) شف طرمبة الزيت هل عليها تهريب زيت ؟
3) شيّك على زيت الدركسون .. لازم تكون السياره بارده و على أرض مستويه ومستقيمه .. و لا تستخدم إلا زيت دركسون هوندا الأصلي
4) شيك على زيت المكينه .. لازم تكون السياره وبارده وعلى أرض مستويه ومستقيمه

بكتالوج سيارتي 2006 مكتوب عن زيت الدركسون :









قم بفحص مستوى الزيت عندما يكون المحرك بارداً .
يجب أن يكون مستوى الزيت بين المستوى الأعلى UPPER LEVEL و المستوى الأدنى LOWER LEVEL
إذا كان الزيت أقل من المستوى الأدنى LOWER LEVEL .. قم بزيادة الزيت حتى يصل الى المستوى الأعلى UPPER LEVEL

ومكتوب ملاحظه :
إن إدارة عجلة القياده بالكامل إلى اليسار أو اليمين وغلقها وتثبيتها على ذلك يمكن أن يتلف طلمبة المقود الآلي

ومكتوب ملاحظه أخرى :
لا تستخدم إلا زيت دركسون هوندا الأصلي ..
إذا استخدمت زيت قير أوتوماتيك أحمر أو الخ... راح يسبب مشاكل وممكن يسبب تلف بالدركسون


وهذي صور لزيت دركسون هوندا الأصلي :





سعر العلبه تقريبا حول 50 ريال
زيت الدركسون اللي عند الوكاله مصنوع في تايلاند
زيت الدركسون اللي عند محلات قطع الغيار يجيبونه من الإمارات جبل علي ومكتوب عليه مصنوع في سنغافوره

[أبو عناااد]

^ ماقصرت على المشاركه يابعدي ..

لكن تراني شيكت على الزيت وكان ممتاز , وبعد حق الشركه هو اللي وزنه لي , وبرضه الكفرات عندي وزنها ممتاز , كلها 35 من أول
ما أخذت السياره ولله الحمد ..

شفت اللي قلته لي كله وللأسف كله تمام ..

قبل شوي جيت من عند ميكانيكي شاطر , وجرب السياره وقال لي أن السياره عزمها ضعيف مره , والمفروض مايكون كذا , وبعد قال لي
أن فيه ثقل في الدركسون , بس يقول ما أقدر أقول لك وين المشكله فيه , ممكن تكون في علبة الدركسون !

مدري هل اذا فيه مشكله في علبة الدركسون بيثقل الدركسون شوي , والا راح تبان المشكله لحقين الشركه اللي كل
مارحت لهم يقولون سيارتك سليمه , ماشاء الله !!!!!

نبي مشاركاتكم ياشباب , والله صرت خايف من السياره , أخاف أنه يعلق معي او يصلب ؟

[THE SILVER ACCORD]

اذا ما عندك تهريب أو تندية زيت + اذا ما عندك أصوات غريبه أو مزعجه
أتوقع طبيعي أن دركسون الأكورد ثقيل شوووي .. عكس الفورد والماركيز دركسونها خفيف جدا ريشه لو تلفه بقوه تهج فيك السياره

وترى طبيعي يقفل الدركسون والسياره طافيه و بدون مفتاح

و نصيحه نزل هواء الكفرات إلى 30 .. ترى 35 الكفرات تكون قاسيه ومحجره تقل الراحه عندك وممكن تزيد الضغط على المساعدات
لأن من وظائف الكفرات أنها تمتص الإهتزازات والمطبات ؛ لكن اذا كان ضغط الهواء عالي جدا .. الكفر يكون قاسي و محجر
وأهم شيء تستخدم عيار أصلي .. لأن اللي عند البناشر خرطي ويعطيك قراءه غير صحيحه لضغط هواء الكفرات نكبه يوهق

أنا سمعت أن تعبئة الكفرات نيتروجين يخفف الدركسون + السياره يخليها اخف و انشط شوي
لأن حسب كلام البعض أن النيتروجين أخف مع الهواء العادي
.. لكن ما عمري جربت النيتروجين .. وسعر تعبئة نيتروجين 4 كفرات بـ 30 ريال والترصيص الاصق بـ 60 ريال والعادي بـ 40 ريال .. لكن الاصق أفضل
و أنتبه تزيد النيتروجين بهواء عادي .. ترى تخرب فائدته ويصير مثل الهواء العادي


أما بالنسبة لمشكلة العزم .. هل أنت تستخدم زيت ثقيل جدا 20w50 ؟ ترى له دور يقلل العزم شوي

أقصى لزوجه مكتوبه بالكتالوج 15w40 ولا جابوا طاري 20w50

ولا تستخدم إلا فلتر زيت ( سيفون ) أصلي من الوكاله


سيارتك ماشيه فقط 20 ألف كيلو وسواقتك هادئه .. اتوقع تحتاج تمرين أو تنظيف لفلتر الهواء أو يمكن بسبب نوع زيت المكينه

البواجي باقي فيها عمر كثير جدا جدا اتوقع عمرها 100 ألف أو أكثر .. لأن الأكورد2008 وفوق بواجيها أريديوم وغاليه شوي لكن معروفه الأريديوم عمرها طويل

الأكورد 2007 ونازل بواجيها ngk v-power تتغير كل 40 ألف كيلو .. لكن سعرها رخيص طقم بـ 60 ريال تقريبا

فلتر البنزين يتغير كل 80 ألف كيلو


نسيت أسألك وش نوع البنزين اللي تستخدمه ؟

اذا كنت تستخدم 91 .. اصبر الين تولع لمبة البنزين ثم عب فل 95

اذا كنت تستخدم 95 .. اصبر الين تولع لمبة البنزين ثم عب فل 91



حاول تمسك بها خط تمرنها شوي وتنظفها من الكربون ؛ بس بالتدريج

امسك بها خط


السيور = السياره جديده وتوها ماشيه 20 ألف فقط .. يعني السيور سليمه

البخاخات = السياره جديده وتوها ماشيه 20 ألف فقط .. ما أمداها تتوسخ البخاخات .. يعني اتوقع البخاخات عندك نظيفه وسليمه

[أبو عناااد]

هلا بك يالغالي ..

أبد ماعندي أي أصوات أو ازعاج , الا من الديكور الخلفي , وماعلينا منه ..

الدركسون أنا عارفه وعارف وزنته وفي الاصل هو متوازن , لكنه ثقل فجأءه علي والثقل ذا أنا ملاحظه بحكم ان السياره لها
سنه معي , يعني ما هو طبيعي أبداً , أكيد أن فيه مشكله ..

هواء الكفرات , إن شاء الله بعد العصر بنزله إلى 30 , لأن كلامك فيه جميل جداً ..

النيتروجين ماعمري سمعت فيه , وماودي أخاطر فيه في هالوقت ..

بصرآحه كلامك رائع في مسئلة الزيت , انا في تغيير زيت الألف غيرته من الوكاله لكن في الخمس الآف والعشر الآف والخمسة عشر غيرته
من البناشر وبصرآحه من يوم ماغيرته من الخمس الآف بديت الآحظ مشكلة العزم وان السياره بدأت تضعف , والزيت اللي أستعمله
هو كاسترول بس مدري كم ؟ لكن هو يمشي 5000 ,

مدري هل تنصحني بزيت معين ؟ وهل فيه مشكله لو غيرت الزيت الآن وهو توه ماشي 2000 ؟ وبصرآحه بديت أشك في الزيت ؟

والسيفون والله غيرته مرتين من البنشر ؟ ما أظن أنه الأصلي ؟

فلتر الهواء برضه مغيره ومشيك عليه ولقيته نظيف جداً , ولسى جديد بس برضه من البنشر ؟ مو من الوكاله ..

البنزين مثل ماهو مكتوب فالكتيب , 95 بدون رصاص أعتقد ؟

السيور حتى أنا مستبعدها ! والبخاخات يوم رحت للوكاله في مشكله الصوت اللي يطلع يوم اشغل السياره بعض الاحيان كأن المهندس قال لي
أنها بسيطه وتحتاج تنظيف بسيط فالبخاخ , وطبعاً مشكلة الصوت أختفت ..

حتى أنظم الأفكار اللي عندي واللي تكرمت ونصحتني بها , فبعد العصر إن شاء الله ..

- بنقص هواء الكفرات إلى 30
- بغير البنزين من 95 إلى 91 بعد ماتولع اللمبه
- بكره بمسك بها خط إن شاء الله للديره " 100 كيلو عن جده " ذهاب وإياب يعني 200 كيلو ..
- باقي بس مسئلة الزيت , وأبغاك ترد على سؤالي فيه هل يتأثر ولا أغيره بس ؟ ووش الزيت اللي تنصحني فيه ؟ وكم رقمه ؟


بارك الله فيك وجزاك الله خير ..

[THE SILVER ACCORD]

هلا بك يالغالي ..

أبد ماعندي أي أصوات أو ازعاج , الا من الديكور الخلفي , وماعلينا منه ..

الدركسون أنا عارفه وعارف وزنته وفي الاصل هو متوازن , لكنه ثقل فجأءه علي والثقل ذا أنا ملاحظه بحكم ان السياره لها
سنه معي , يعني ما هو طبيعي أبداً , أكيد أن فيه مشكله ..

هواء الكفرات , إن شاء الله بعد العصر بنزله إلى 30 , لأن كلامك فيه جميل جداً ..

النيتروجين ماعمري سمعت فيه , وماودي أخاطر فيه في هالوقت ..

بصرآحه كلامك رائع في مسئلة الزيت , انا في تغيير زيت الألف غيرته من الوكاله لكن في الخمس الآف والعشر الآف والخمسة عشر غيرته
من البناشر وبصرآحه من يوم ماغيرته من الخمس الآف بديت الآحظ مشكلة العزم وان السياره بدأت تضعف , والزيت اللي أستعمله
هو كاسترول بس مدري كم ؟ لكن هو يمشي 5000 ,

مدري هل تنصحني بزيت معين ؟ وهل فيه مشكله لو غيرت الزيت الآن وهو توه ماشي 2000 ؟ وبصرآحه بديت أشك في الزيت ؟

والسيفون والله غيرته مرتين من البنشر ؟ ما أظن أنه الأصلي ؟

فلتر الهواء برضه مغيره ومشيك عليه ولقيته نظيف جداً , ولسى جديد بس برضه من البنشر ؟ مو من الوكاله ..

البنزين مثل ماهو مكتوب فالكتيب , 95 بدون رصاص أعتقد ؟

السيور حتى أنا مستبعدها ! والبخاخات يوم رحت للوكاله في مشكله الصوت اللي يطلع يوم اشغل السياره بعض الاحيان كأن المهندس قال لي
أنها بسيطه وتحتاج تنظيف بسيط فالبخاخ , وطبعاً مشكلة الصوت أختفت ..

حتى أنظم الأفكار اللي عندي واللي تكرمت ونصحتني بها , فبعد العصر إن شاء الله ..

- بنقص هواء الكفرات إلى 30
- بغير البنزين من 95 إلى 91 بعد ماتولع اللمبه
- بكره بمسك بها خط إن شاء الله للديره " 100 كيلو عن جده " ذهاب وإياب يعني 200 كيلو ..
- باقي بس مسئلة الزيت , وأبغاك ترد على سؤالي فيه هل يتأثر ولا أغيره بس ؟ ووش الزيت اللي تنصحني فيه ؟ وكم رقمه ؟


بارك الله فيك وجزاك الله خير ..

آمين وياك : )

أجل مشكلتك من الزيت + فلتر الزيت ( السيفون ) + يمكن فلتر الهواء + يمكن البنشري زايد الزيت فوق الماكس max ... يا أخي حرام عليك تشتري فلتر الهواء والزيت من البنشر أغلب اللي عندهم تقليد مغشوش ويبيعه بسعر غالي أو قريب من الأصلي أو ممكن حتى أغلى من الأصلي .. والله ما ودي أقطع رزقهم لكن الشر يعم والخير يخص .. يا كثر غشهم ونصبهم

اذا بغيت تشتري فلاتر خذها من الوكاله أصليه وأطلب خصم منهم 20% أو على الأقل 15% ... و قارن الأسعار بمحلات قطع الغيار ... وخذ اللي سعره أفضل

فلتر الزيت ( السيفون ) سعره 19.20 ريال بالوكاله ؛ وعند بعض محلات قطع الغيار بـ 20 ريال

وكالة هوندا عندها زيتين للمكينه :

الزيت الأول هو زيت هوندا تخليقي صناعي بالكامل 5w30 بس مشكلته غالي العلبه تقريبا بـ 40 ريال !!
الزيت الثاني بترومين الترا سفن 15w40

طبعا أغلب البناشر عندهم 10w30 و 20w50 ؛ وبعضهم تلقى عندهم موبيل xhp لزوجته 15w40

شكل الوكاله سابقا كانوا يعبون لك زيت هوندا تخليقي صناعي بالكامل 5w30 .. والبنشري شكله عبى لك 20w50 زيت عادي

الزيت كل ما كان أثقل ( لزوجته أعلى ؛ رقمه أعلى ) يقل عزم المكينه لكن "ممكن" تكون حمايته ممتازه في الصيف " إذا كان الزيت مناسب لسيارتك " لكن بالشتاء ما يتوزع الزيت بسرعه عند التحميه

طيب كيف تعرف لزوجة ورقم الزيت المناسب .. من كتالوج السياره
والزيت يثقل بالبروده ويسيح ويخف بالحراره

زيت ثقيل أو لزوجته عاليه = طبقة زيت سميكه
زيت خفيف أو لزوجته منخفضه = طبقة زيت رقيقه

الزيوت كثيره انواع وأشكال ( زيت عادي - نصف تخليقي صناعي أو تقنيه زيت تخليقي صناعي - زيت تخليقي صناعي بالكامل ) ومن شركات مختلفه وبأسعار مختلفه والخ... يعني بصراحه زيت المكينه يحير الواحد

البنزين في السعوديه كله خالي من الرصاص لكن الفرق نسبة ورقم الأوكتان 91 و 95
إذا مكتوب بالكتالوج بنزين 95 .. أستمر على 95