الموضوع: يا اصحاب الاكورد 2013 وش طلع معكم بعد التجربه!!!!؟؟؟

المشاركة الأصلية كتبت بواسطة byYASSER

أنا معاي أكورد 13 الحمـد للـه مرتاح فيهـا وما ندمت إني اشتريتها الفئـة اللي معاي ex-l الي هي اربعـة سلندر مع النافقيشن وتجي بكاميرا خلفيـة .. وحساسات خلفيـة

وما أنصحك تاخذ الفئات اللي أقـل منها لأنهم مشلحينها وحالتها حالـة يا تاخذ الفئـة الي معاي أو اللي أعلى منها ..

بالنسبـة لسلبيات السيارة اللي لاحظتـه

1- تنسيم هواء بسيط جدا عند زجاج السائق ما تحس فيـه ( بالنسبـة لي ما يهمني )

2- صوت هواء عند تشغيل المكيف ( هذا مزعج شوي )

3- صوت فرط بالجرابكس عنـد سرعة 30 كيلوا متـر .. ( سألت الأعضاء هنا بالمنتدى يقولون طبيعي )

4- ما فيـه حساسات أمامية

..

أما الإجابيات فهي ماشاء الله كثيرة والسيارة تشتاهل كل ريال تدفعـه فيهـا ..

إذا ما تقدر على الفئـة اللي مع النافقيشن أنصحك بالمازدا 6 الفل كامل رخيصـة وممتازة جدا ..

اخوي كيف عزل السيارة؟؟؟ ماتكلمت عنه

بالنسبـة لي أشوفـه ممتاز من ناحيـة المطبات وعيون القط والأصوات الخارجية يعني ناعمـة ..

لأن كان عندي فورد أخذها مستعملـه حالـتها حالـة قاسيـة بالمطبات ، مطب صغير كاني طايح بحفرة !!

عشان كذا ممكن أشوف إن الأكورد ممتازة من ناحية العزل ..

وعليكم السلام ورحمة الله وبركاته.
اخوي نصيحة لوجة الله اذا يهمك العزل الارضي والجانبي ابتعد عن الاكورد
جدا مزعجة اسمع صوت الهواء من سرعة 60 لدرجة اللي معي يحسب ان النافذه مفتوحة
طبعا قاسية في الحفر والمطبات يمكن للكفرات ونظام التعليق دور في هذا الشي الله واعلم!
اذا ماتهمك الاشياء اللي ذكرتها اشتري الاكورد والله يباركلك.
دمت بود

السيارة مقارنة ب2012 افضل من كل النواحي نتكلم عن الشكل الخارجي الجديدة انوار ليد قدام ورى الواجهه والخلفية اجمل اضافة خطوط النيكل ودمجها مع اللون اسود خورافي
الداخلية انا اقول افضل داخلية نزلت للاكورذ وافضل من السيارات اللي في فئتها
لفت نظري جودة المواد الداخلية افضل من القديمة..
يوجد مكيف ورى لكل الفئات
المراتب افضل واريح من القديم
توفير للبنزين افضل
السيارة بشكل عام ممتازة وراسية وشكل تعجبك
العيوب:
العزل الارضي خاصة بالشوارع الخشنة سيئ جدا ونفس الموديل القديم
عزل ا لاصوات الخارجية سيئ
فيها قساوة مع الجفر وعيون القطط ماهي طبيعية مادري من الكفرات او نوع نظام التعليق صراحة عانيت منها
الموتر يستاهل القيمة بس ونصيحتي اذا قدرت على ال لافلون 2012 لاتردد حتى لو مستعملة سيارة لينة وهادية وست سرندل انا لو حصلتها قبل احذتها بس نقصتني المادة

استخير انت والله يوفقك

انا شريت هوندا كورد 2012 فل ابوشن صراحه نطام العزل فيها مااعجبني تسمع صوت الخط اسفل السيارة وكل مااسئل احد يقول عادى كل الهوندات كذا نظام عزل الصوت سئي واقتنعت باالامر الواقع والحين لها معي شهر فيه ناس قالو غير الكفرات لئن كفرات ميشلان قاسيه

1-

تنسيم هواء بسيط جدا عند زجاج السائق ما تحس فيـه ( بالنسبـة لي ما يهمني ) +1

2-

صوت هواء عند تشغيل المكيف ( هذا مزعج شوي ) +1

3-

صوت فرط بالجرابكس عنـد سرعة 30 كيلوا متـر .. -1

4-

قاسية زيادة عن اللزوم بس في نفس الوقت تحسها ناعمه

5-

صوت الحجر والأتربـة يضرب من تحت ( مزعج نوعا مـا ) وما لاحظتـه الا بعد فترة .. -1

..


السيار ة تغير جذري كامل وممتاز وماندمت على كل ريال دفعته فيها

بما انك قلت اللي جربوا السياره
آنـآ جربتها من الوكاله
السياره رآآآآآآآآئعه
ملاحضاتي
الداخليه افضل بمراحل عن اكورد 2012 والجوده افضل
بالنسه للعزل ما اتيحت لي الفرصه اجربها على سرعه 100 وفوق
بالنسه للقساوه فأنا اشوفها عل حسب السيارات اللي سقتها
الكابرس الافضل
الثاني الاكورد 2013 وgs350 2007 وأشوف الاكورد احسن
الثالثه كامري 2011
الفورد 2008 الاسوء
العزم خرافي .. انت والكابرس جنب بعض لين 180 ^_*
واشوفها تستاهل سعرها وان شاء الله ربي يرزقني وحده

شكرا لتجاربكم الجميلة والله يعطيكم العافية واتمنى من جميع من جرب السيارة يعطينا رايه ولا يبخل علينا


السيارة جميلة بس الي خرب سمعتها المفحطين الله لا يوفقهم لا دنيا ولا اخره

اخوي انا معي اكورد 13 فل مخمل


سلبيات السياره : تنسيم بالقزاز من جهة السائق والنور الواطي نازل مره غيره مالاحظت شي

ايجابيات السياره كثيره : منها الشكل الخارجي والداخلي واستهلاك الوقود والعزم


بالتوفيق

المشاركة الأصلية كتبت بواسطة اكورد الشمال

اخوي انا معي اكورد 13 فل مخمل


سلبيات السياره : تنسيم بالقزاز من جهة السائق والنور الواطي نازل مره غيره مالاحظت شي

ايجابيات السياره كثيره : منها الشكل الخارجي والداخلي واستهلاك الوقود والعزم


بالتوفيق

اخوي بخمسة الريال ترفعه عند حقين تلميع الانوار انا رفعته ولا احلى منه الحين ولا يبي له اي شي.

المشاركة الأصلية كتبت بواسطة راعي ال ACCORD

اخوي بخمسة الريال ترفعه عند حقين تلميع الانوار انا رفعته ولا احلى منه الحين ولا يبي له اي شي.

يعطيك العافيه ابي اشوف محل يرفعه

السلام عليكم

شباب عندي استفسار، بخصوص فئة السبيشل، هي يجي فيها حساسات؟
وهل جميع الفئات ما يجي فيها حساسات أمامية؟ لأن غريبة الأكورد بهالشيء!