اقتباس المشاركة الأصلية كتبت بواسطة THE SILVER ACCORD مشاهدة المشاركة

ما شاء الله تبارك الله
الله يعطيك العافيه على التقرير الرائع والمتعوب عليه

أحب أضيف بعض الملاحظات للفائده :
الأكورد من 2006 وفوق .. الثروتل بودي الكتروني
2005 ونازل .. الثروتل عادي

الثروتل بودي حق سيارتك عادي وليس إلكتروني

الثروتل بودي العادي تقدر تشيك على وزنيته وتشده اذا مرتخي .. لأن فيه صيخ أو سلك حديد مربوط بدعسة البنزين ومربوط بالثروتل بودي العادي

اذا كان السلك أو الصيخ ( التسميه تختلف لكن كلها شيء واحد ) مرتخي :
1) الـ RPM يكون نازل بشكل ملحوظ
2) فزّة السياره تكون أضعف

لكن لازم ما يكون مشدود بقوه وإلا راح يسبب ارتفاع بالـ RPM وما أدري اذا يسبب مشاكل أو لا
توزنه من جهة الثروتل بودي فيه صواميل تشده وترخيها
شف الفيديو هذا مفيد ومهم جدا .. شرح بالتفصيل


الثروتل بودي الإلكتروني .. على ما أظن فيه حساس عند دعسة البنزين
إذا ضغطته يعطي إشاره لكمبيوتر السياره يخلي الثروتل بودي يفتح حسب دعستك
الإلكتروني .. يعتمد على البرمجه بشكل كبير

بعض الناس يقولون أن الثروتل بودي العادي أحسن وبعضهم يقول الإلكتروني أحسن


بالنسبة لتنظيف البخاخات :

انصحك تروح لوكالة ميتسوبيشي وتاخذ منهم محلول تنظيف بخاخات أصلي مصنوع في اليابان MADE IN JAPAN
سعر الحبه بـ 38 ريال





اذا ولعت لمبة البنزين رح لمحطة وطف السياره .. وصب المحلول ثم عب فل بنزين 95

ويفضل وليس ضروري .. أنك تمسك بها خط أو تدعس لها بالدائري شوي ..

لكن بالوقت الحالي أشوف مالها داعي .. لأن المشكله ساهر تلقاهم تحت الشجر ومتخبين بأماكن صعب تشوفهم .. وبالليل تحت الشجر ويطفون الأنوار

يعني شيل من راسك فكرة انك تسرع إلا اذا بتغطي اللوحه ورقم الشاصي اللي بطبلون السياره وإلا بتجيك مخالفات بالهبل ولا تنسى انك اذا ما سددتها خلال 30 يوم راح تندبل قيمة المخالفات

شف الدائره جهة اليسار



اذا تغطي اللوحات بس .. بدون تغطية رقم الشاصي
راح تجيك مخالفه لأن كاميرا ساهر دقيقه ويقدرون يعطونك مخالفه من خلال رقم الشاصي يعرفون الإستماره واللوحه والخ...

أما إذا تغطي اللوحات + رقم الشاصي = ما تجيك مخالفات

بس لو شافك أحد المرور السري .. الله يعينك حجز السياره و غرامه اذا ماني غلطان 5 آلاف ريال



أنا برأيي لا تسرع وريح راسك من وجع الراس .. ويكفي أنك تفرفر بالدائري على سرعه 120



حياك الله يا الغالي

وشاكر لك على المعلومات المفيدة

وبخصوص المحلول اللي من متسوبيشي أنا جربته قبل سنتين وما لاحظت أي فرق و سمعت إنه منظف للتانكي فقط و الله أعلم