الاكورد 2012 ما تشتغل وفيه صوت طقطقة اذا شغلتها

**جيتك من الشوق ضامي** · 17-10-2013, 05:34 PM

السلام عليكم ورحمه الله وبركاته
قبل اسبوعين سافرت على الاكورد وبالرجعه لاحضت فيه حنه خفيفه زيادة على حنه السيارة

وامس رجعت من مشوار بعيد
واليوم جيت اشغل الموتر ما يشتغل
واذا حطيته على السويتش الثالث يطلع طقطقة سريعه النور سليم والبوري سليم

انا اتوقع المشكله مالها دخل بالحنه ولا اتوقع البطارية فضت

انا مستمر مع صيانه الوكاله وملتزم معهم والحين ماشي 37500 كيلو

وش رايكم وش تتوقعون وش المشكله ووش السواه
اذا وديته الوكاله يشوفون وش المشكله ياخذون عليها فلوس ولا لا ؟؟

ماذا ترون ياقوم ؟

**أكــــــــــورد11** · 17-10-2013, 10:17 PM

وعليكم السلام ورحمة الله وبركاته
انا بتكلم لك من واقع مريت فيه البطاريه سواءا اصليه يابانيه اوكوري اوغيره ضمانها سنه
بعد السنه البطاريه خلاص مامنها فايده يبدأ الضعف بالتشغيل
لدرجه انا شريت بطاريه fb يابانيه وسعرها بال300ريال وتمت سنه بالضبط
عشان كذا مافرقت معاي وانا كسبان صرت اشتري ارخص بطاريه دام ان الضمان سنه واحده
عذرا على كثر الكلام ولكن حبيت اوضحلك
انتا تاكد من اصابع البطاريه تكون نظيفه وشد عليهم بالاول
وان شاء الله تضبط معاك
بالنسبه للحنه هذي فترتها بالشتاء غالبا تصدر الحنه اهم شي زيت الدركسون هوندا اصلي
ولاحظ على طرمبه الدركسون مايكون فيها تهريب اوتنديه لان في هالحاله اذا فيه تهريب اوتنديه تحتاج طقم اصلاح للطرمبه
وتاكد من مستوى الزيت بعلبه الدركسون بين الخطين الاعلى والاسفل اوالحد الاعلى مافيه مشكله ..
موفق يالغالي...