القييير !!!!
بسم الله الرحمن الرحيم
وكل عام وانتم بخير
شريت اكورد 2008 خليجية ماشية 175 الف .
فاحبيت اغير زيت القير فلما رحت للوكالة قالولي اذا خرب القير مانتحمل المسؤلية !!! ؟؟؟
وش النظام هل زيت القير مايتغير والا ايش بالضبط ؟؟؟؟
السالفه يا طويل العمر ان الزيت لو ما قد تغير قبل كذا ممكن يضرب القير
بس انسب حل لتغير زيت القير
انك تغيره على دفعات الطريقة تروح عند بنشر وتسحب نص علبه وتعبي نص علبه جديده وتمشي عليه 1000 ببعد كذا تغير علبة وتمشي 1000 والمره الثالثة علبتين وتمشي 5000
بعدين تغير الزيت كامل
انشالله تكون وصلتك الفكره
المشاركة الأصلية كتبت بواسطة ابو عبدالعزيز التميمي
وانت بالف خير
افضل طريقه استفسار برقم هيكل السياره من وكيلها وبتعرف اذا صاحبها منتظم بتغيير زيت القير بالوكاله
زيت القير والفلتر الخارجي يتغير كل 40 أو كل 60 ألف
ولازم وضروري جدا تستخدم زيت هوندا الأصلي تلقاه بالوكاله
بس أنت سيارتك توك شاريها و ماشيه 175 ألف ؛ و لا ندري اذا راعي سيارتك الأول منتظم بتغيير الزيت أو لا ...
اذا مشيت كثير على الزيت وحرقته بدون تغيير ... ممكن اذا غيرته يخبط القير أو يصير فيه ونه خفيفه ( بكل السيارات مو بس الأكورد )
أنا قرأت بكتالوج أنجليزي حملته من أحد المواقع الإنجليزيه .. أن الأكورد 2008 إلى 2010
عند تغيير الزيت .. تاخذ علبتين ونصف ( 2.5 لتر )
عند فك القير و التوضيب .. تاخذ 6 علب ونصف ( 6.5 لتر )
.. عاد ما أدري تأكد من كتالوج سيارتك لأن ممكن تختلف عن اللي بالخارج ..
وأتوقع كمية الزيت لا تشمل تغيير الفلتر الخارجي .. يعني اذا غيرت الفلتر الخارجي ( ممكن - احتمال ) اتوقع تحتاج تزيد ربع علبه
.. وتلقى بالكتالوج طريقة معايرة الزيت .. سوّ نفس اللي يقولك الكتالوج بالضبط
وترى ضروري ولازم تغير الزيت وسيارتك على أرض مستويه ومستقيمه تماماً
وأيضا عند معايرة الزيت لازم تكون على أرض مستويه ومستقيمه تماما وفيه طريقه لمعايرة الزيت تلقاها بالكتالوج
ملاحظه :
الزيت اذا كان ناقص بشكل كبير = تآكل شديد
الزيت اذا كان زائد عن الحد الأعلى max بالعيار = ممكن تنفقع صوف القير ويصير يهرب زيت
طبعا الشيء هذا يصير بكل السيارات مو بس الأكورد
بالتوفيق ان شاء الله
طيب فيه احد جرب هالطريقة ونجحت ؟؟؟؟
المشكله انها خليجية ولا ادري هي من الكويت والا قطر والا الامارات !!
رحت للوكالة الي بحي الريان بالرياض وقالو لي انها خليجية ولاقد مرت علينا !
طيب لو اخلية واتابعه اذا نقص زدته بس ؟؟؟
كل الي ما سبق لهم تغيرت زيت يتبعو هل طريقة
ما ينفع تخليه لان القير ما راح يطول او بلاصح ما راح يعطيك عمره الافتراضي
يا رجّال ترى كمية الزيت اللي داخل القير 6.5 لتر ( 6 علب ونصف )
وعند التغيير ما يطلع كل الزيت .. يطلع فقط 2.5 لتر ( علبتين ونصف )
يعني 38% من كمية الزيت اللي داخل القير
واذا بتغير الفلتر يمكن تحتاج تزيد الزيت شووووي كميه بسيطه يعني ممكن ربع علبه أو أقل
( عاير الزيت وتأكد قبل تزيده .. لأن يمكن ما يحتاج .. أهم شيء لا يتعدى الـ MAX بالعيار وإلا ممكن تنفقع صوف القير وتصير تهرب زيت بسبب الزيت الزائد )
وهذا شكل الفلتر الخارجي حق القير الأربعه سلندر ( الفلتر الداخلي ما يتغير الا مع التوضيب )
وأذكر سعر الفلتر الخارجي الأصلي بحدود 95 ريال وسعر علبة الزيت الأصلي ATF-Z1 من الوكاله بحدود 42 ريال إذا ماني غلطان
عند التغيير و التركيب أنتبه لا تعكسه وتجيب العيد ؛ ركبه بمثل إتجاه الفلتر السابق
وهذا مكان الفلتر قريب من عيار زيت القير
و إذا طلع ونه أو حنه .. فهو بسبب إهمال تغيير الزيت والفلتر
ومالك إلا تتأقلم معها
وتفائل بالخير ممكن يكون راعيها الأول محافظ على تغيير زيت القير والفلتر
إذا أستمريت بعدم تغيير زيت القير والفلتر .. راح يقل عمره الإفتراضي
اسحب عيار الزيت وامسحه بمنديل نظيف
و شف لونه وريحته
هل لونه بني او مائل للسواد و ريحته محروق ؟
تقدر تغير الفلتر وتغير الزيت بالتدريج .. يعني تشفط علبه وتعبي علبة زيت جديد .. و تمشي عليها لمدة اسبوع
ثم
تشفط علبه وتعبي زيت جديد .. و تمشي عليها لمدة اسبوع
طريقة فحص مستوى الزيت ( كيف تعاير زيت القير ) :
1 * لازم وضروري جدا السياره تكون واقفه على أرض مستويه ومستقيمه بدون أي ميلان *
2) شغّل السياره وسخنّها إلى أن تصل الحراره الطبيعيه وتشتغل المراوح .. طف السياره
3) أسحب العيار وأمسحه بمنديل أو قطعة قماش نظيفه ثم دخله بمكانه .
4) أسحب العيار ودقق بكمية الزيت .
لازم الزيت ما يتعدى الخط العلوي بالعيار
اذا الزيت ناقص عن الحد المناسب أو زائد عن الحد المناسب .. ممكن يسبب مشاكل بالقير أو التعشيقات
زيت ناقص = تآكل
زيت زائد عن الحد الأعلى = تنفقع صوف القير ويصير يهرب وينقص زيت
وتأكد من الطريقه من كتالوج سيارتك .. لأني غير متأكد من الطريقه 100%
ضوابط المشاركة
رد مع اقتباس
مواقع النشر (المفضلة)