وعليكم السلام ورحمة الله وبركاته
مساك الله بالنور والسرور
لازم وضروري تركب بلف حراره أصلي ؛ لأنه مهم جدا وينظم ويثبت حراره السياره ويخلي التحميه أسرع ويحافظ على المكينه
التفتفه الخفيفه وضعف العزم .. يمكن بسبب إزالة بلف الحراره ( لأن الحراره تكون نازله ولا توصل الحراره الطبيعيه ) .. أو يمكن بسبب إرتفاع الحراره
بلف الحراره تقدر تشتريه من الوكاله أو من أحد محلات قطع غيار هوندا
الوكاله = أحيانا تكون أرخص وأحيانا تكون أغلى بكثير من محلات قطع الغيار
محلات قطع الغيار = أحيانا أرخص بكثير من الوكاله وأحيانا نفس السعر وأحيانا أغلى شوي من الوكاله
وبعض القطع النادره أحيانا ما تلقاها إلا بالوكاله
أنت قارن الأسعار و اشتر من اللي سعره أرخص .. خصوصا لو بتاخذ قطع غيار كثير لأنك بتوفر كثير
اذا بتشتري من الوكاله :
رح للوكاله وقلهم موديل سيارتك وكم سلندر وكل شيء .. وأطلب منهم خصم 20% وحاول فيه و إذا رفض قله 15%
ترى الخصم موجود بكل وكالات السيارات ( هوندا - هونداي - ميتسوبيشي - تويوتا - الخ... ) يعني مو بس هوندا .. بعض موظفين قطع الغيار يخصم لك وبعضهم ما يخصم لك إلا اذا قلت له .. والموظف له صلاحيه يقدر يخصم لك 20% أو 15% أو 10%
إذا بتشتري من أحد محلات قطع غيار هوندا :
قله موديل سيارتك و كم سلندر و كل شيء .. وتأكد أن القطع أصليه .. وكاسره بالسعر
و أنصحك تشيك على ماء الراديتر بين فتره وفتره للاحتياط اذا نقص تزيده ؛ والمفروض أن يوم أرتفعت حرارة سيارتك ما تمشي عليها و تشيلها بسطحه
وأنصحك تغير ماء الراديتر .. وتعبي ماء راديتر جديد أصلي مع ماء مقطر ؛ عشان تحمي ( الراديتر وطرمبة الماء و مجاري الماء بالمكينه والبلف والكوع والخ... ) من الصدأ والتآكل
ماء راديتر تويوتا الجالون سعره 40 ريال من احد موزعين قطع غيار تويوتا + كرتون ماء مقطر أصلي ( 12 حبه ) من محلات الجمله بـ 9 ريال !
وإذا ماء الراديتر عندك يتبخر كثير و أنت ما عندك تهريب .. غيّر غطاء الراديتر الأصلي سعره تقريبا 55 ريال
واذا ماني غلطان هذا شكل بلف حرارة سيارتك 2002
وشف مكان البلف .. رقم 5
وهذا شكل بلف الأكورد 2003-2007 الأربعه سلندر
لا تحرمني من دعائك
رد مع اقتباس
مواقع النشر (المفضلة)