اقتباس المشاركة الأصلية كتبت بواسطة alfrhan مشاهدة المشاركة
السادة أعضاء هذ المنتدى الجميل كم استفسار سريع وعاجلة جدا:
1- السيارة عندي طلع فيها أصوات بعد مطر الرياض اليومين الماضية ومنها إذا كنت واقف ورجعت ريوس مع لفة الدركسون كأن فيه حاجة تنمط مأدري هو يبغى لها أو شي
2- أبيكم تدلوني على محل فحص كمبيوتر كويس في الرياض علشان يشوف الخرابات اللي فيها وأصلحها.
3- أبيكم تدلوني على ورشة ممتازة في الرياض علشان الإصلاحات لو طلعت لا سمح الله.
4- ي إخوان أنا عندي ريموت السيارة خرب وماعاد طاع يشتغل أفيدوني كيف أصلحه.
لا تستعجل

قبل تتخسر أصبر كم يوم تنشف السياره من الماء .. يمكن تضبط

إذا ما ظبطت شيك عليها عند ورشه ممتازه ويفيدونك أهل الرياض

وإذا بغيت تشتري قطع من الوكاله أطلب منهم خصم 20% أو 15% .. وإذا بتشتري من محلات قطع الغيار كاسرهم لأن أسعارهم غير محدده وبدون كمبيوتر يعني العامل هو اللي يعطيك السعر ويكتب لك فاتوره

أما بالنسبه للريموت حله سهل .. بطارية ريموت سيارتك تحتاج تغيير .. الحين حنا حول ندخل سنة 2014 وسيارتك موديلها 2007 .. يعني بطارية الريموت لها 7 سنوات كثر خيرها تحتاج تغيير

وتغييرها سهل .. أهم شيء تحتاج مفك أصلي ممتاز و بحجم مناسب عشان ما تخرب مسمار الريموت .. و يفضل بطاريه أصليه من الوكاله وأطلب منهم خصم 20% أو 15% .. لأن البطاريه الأصليه أضمن وأفضل من البطاريه الصينيه أم 5 ريال .. لكن كلها تؤدي الغرض

أنا سبق أني غيرتها بنفسي

مفك أصلي وممتاز وبحجم مناسب + بطارية ريموت رقمها CR1616 بـ 5 ريال من محلات الزينه مكتوب عليها بانوسونيك ومصنوعه في أندونيسيا لكن هم يقولون أنها صينيه .. أنا ما ركبت بطاريه أصليه للريموت لأن كان كمبيوتر الوكاله خربان والمصري عطاني سعر تخمين من راسه يقول 45 أو 40 ريال ولا يقدر يتأكد من السعر لأن الكمبيوتر خربان حقهم

بطارية الشد بلد بانوسونيك يابانيه ؛ أما اللي عند الوكاله بانوسونيك اندونيسيه ؛ واللي عند محلات الزينه بـ 5 ريال مكتوب عليها بانوسونيك اندونيسيه لكن يقولون للأمانه صينيه

شف موضوعي
تغيير بطارية ريموت الأكورد 2006


وهذي فيديوهات على اليوتيوب فيها شرح كامل لطريقة تغيير بطارية الريموت

https://www.youtube.com/results?q=ho...SA&sa=N&tab=w1


بالتوفيق إن شاء الله