اسعار الصيانة والضمان

[جيتك من الشوق ضامي]

السلام عليكم
صيانة سيارتي الهوندا 2012 القادمة 40000
وانا مليت من غلاء الصيانة واحس انه بلا فايدة
لانه طلع عندي صوت حنه خفيفه بالمكينة قبل فترة ويروح ويرجع
وعندي صوت زنة خفيفة بالقير ويروح يرجع
وعندي صوت بالديكور من يوم طلعتها من الوكالة وقالوا يحتاج شطرطون معين وراح نطلبة من الرياض وكل ما اجيهم قالوا ما وصل جلست 6 شهور وانا على هالحاله وتركته صرت احط بطاقة صراف قديمة بالديكور ويروح الصوت

ابي نصيحتكم شباب اكمل مع صيانة الوكالة عشان الضمان اللي ما استفدت منه شي بوكالة هوندا بحائل ولا لا ؟

[الوافي ؟]

مشكلة صيانه 40000 مكلفة شوي عملتها عندهم تغيير زيت مع سيفون وفك الاقمشة اذا تستحق التغيير تغير او ينظفها ويركبها مره ثانية يشيك على هواء الكفر فقط

اما بالنسبة للحنه ماقد سمعتها عندي بالسيارة لكن عندي طقة في القير عند الوقوف من n الى p لكن في الشركة يقول طبيعي بس ماادري

كل عشرين الف صيانه للاقمشة اما كل خمسة الالاف زيت
بصراحة لما تغير عندهم زيت 180 ريال في الخارج تسوي 200 ريال لذلك تفرق 20 ريال

[سلطان2020]

ياخوي ايش اللي يجبرك على الصيانة ؟
خايف لايروح الضمان ؟ تطمن السيارة تحت الضمان حتى لو سحبت على الصيانة
والوكالة ماعندهم الا التصريف مايجون الا لما تشتكيهم لوزارة التجارة

أنا آخر صيانة سويتها عندهم 40 الف
تخيل قالوا لي الفحمات الخلفية مخلصة تحتاج تغيير والتغيير على حسابي لانه قطعة استهلاكية قلت لهم لاتغيرونها
والله ماخلصت الا وانا ماشي 80 الف
بعدها سحبت عليهم وماعاد جيتهم الا لما غيرت زيت قير فقط