كم سعر تغير زيت المكينه في الوكاله +سعر تغير زيت القير السيارة موديل 2012ماشيه 35000

[دايم العز36]

وابي اشيك تشيك كامل على السيارة كم ياخذون فلوس ومتى دوام الوكاله باالرياض الرجو الرد والسلام

[سلطان2020]

اذا كانت سيارتك أكورد 2012 اربع سرندل

سعر تغيير زيت المكينة مع السيفون في الوكالة 175 ريال ( زيت بترومين العادي اللي يتغير كل 5 الف كم )
سعر تغيير زيت القير بدون الفلتر 223 ريال تقريبا ( يتغير عند 60 الف كم .. يعني بدري عليك مو الحين تغيره )
دوام صيانة الوكالة من 7 صباحا الى 7 مساء يوميا ماعدا يوم الجمعة اجازة

سيارتك جديدة ومافيها الا العافية ليش بتسوي صيانة عامة !!! انا سيارتي ماشية 83 الف ومافكرت ابدا اسوي لها صيانة لانها جديدة ومافيها مشاكل ظاهرة لي
اللهم فلتر الهواء اذا ماغيرته غيره الحين لانه يتغير كل 30 الف وسعره بعد الخصم تقريبا 95 ريال وتركبه بنفسك

[دايم العز36]

مشكور اخ سلطان ع الرد انا سيارتي 4 سلندر وفعلا ماغيرت فلتر الهواء وان شاالله اغبرة لئني شفته لازق فيه شوائب كثيرة

[دايم العز36]

اخ سلطان ابي مشورتك مستقبلا لئني اليوم شريت زيت هوندا الاصلي من قطع الغيار العلبه ب30 ريال 5علب والسيفون الاصلي ب20وغيرت الزيت عند محل تغيير زيوت وخذ على 20 ريال يعني اجمالي 190ريال وفيه ناس قالو لي غير زيت جيتي فوكس بس مااقتنعت من كلامهم

[سلطان2020]

اخ سلطان ابي مشورتك مستقبلا لئني اليوم شريت زيت هوندا الاصلي من قطع الغيار العلبه ب30 ريال 5علب والسيفون الاصلي ب20وغيرت الزيت عند محل تغيير زيوت وخذ على 20 ريال يعني اجمالي 190ريال وفيه ناس قالو لي غير زيت جيتي فوكس بس مااقتنعت من كلامهم

تقصد زيت هوندا التخليقي 5w30 اللي يتغير كل 10 الف كم ؟
ممتاز خلك عليه او على اي زيت بلزوجة 5w30 أنا أستخدم نفس اللزوجة بس زيت بترومين a1 وأغيره كل 10 الف كم ومرتاح معاه
بما إنك شريت 5 علب فأكيد انك استخدمت 4 علب ونصف مع السيفون
ترى المكينة حقها 4 علب فقط مع السيفون اذا كانت كل علبة 1 لتر ولو تعاير زيت سيارتك في الصباح تلاقي الزيت متعدي النقطة العلوية في العيار

[محامي تويوتا ~]

غير زيت مكينه في بنشري عند هندي على 15 ريال شغل يد حق تغير زيت فقط وانت تجيب معك علب زيت وسيفون من وكاله اما تغير زيت قير ماتغيرها الا بعد 70 الف كيلو اذا سوقتك هاديه ولا حق مقومات ولا سرعه غير على 70 الف لان وكتالوج تويوتا يقول تغير زيت في حاله وحده اذا سرعه عاليه اكثر من ساعتين تتغير في اسرع فحص او تغير يعني نقول خمسين الف واذا انت هادي خله على سبعين الف افضل لك وتغير في وكاله لان فيه فلتر خارجي تغيره مع زيت قير اهم شي تغير فلتر لانه تتجمع شوائب اتمنى افدتك

[محامي تويوتا ~]

فلتر هواء تتغير كل 70 الف مع تغير زيت قير افضل بس اهم شي كل تغير زيت تنظفها

[سلطان2020]

فلتر هواء تتغير كل 70 الف مع تغير زيت قير افضل بس اهم شي كل تغير زيت تنظفها

حسب كتلوج الاكورد ينصح بتغيير فلتر الهواء كل 30 الف

[محامي تويوتا ~]

حسب كتلوج الاكورد ينصح بتغيير فلتر الهواء كل 30 الف

ثلاثين الف قليل وفلتر باقي نظيف على الاقل تغير يكون مع تغير زيت قير ثلاثين الف اللي ماينظف فلتر مع كل تغير زيت مكينه هذا اللي يخربه على طول لازم كل تغير تنظفه ويعطيك كم كيلو زياده علشان تغيرها وهو باقي نظيف
ولا تخلي العامل بنشري يمسك فلتر بيده لان يده كله زيت وتتوسخ فلتر عني انا اطلع فلتر ونظفه بنفسي ويكون يدي نظيف ومعي فوطه وانظف مدخل فلتر بنفسي وبعده اركب فلتر ويكون نظيف افضل من يمسكه عامل بيده وفيه زيت علشان م تتوسخ بسرعه

[أكــــــــــورد11]

ماقصر اخونا سلطان افادك لكن ارى الوكاله اسعارهم مبالغه فيها..
بالنسبه لزيت الماكينه انصحك تشتري جمله بيكون ارخص وزيت القير ثلاث علب فقط اول مره كل 60 الف والتغييره الثانيه كل 40 الف ..الخ
الفلتر الخارجي للقير كل 100الف وتسويها عند بنشري فاهم بشغله ..
#الفلتر الزيت والجاف له مميزات وعيوب:
1- الفلتر الزيتي اكثر حمايه للمحرك ويمسك الغبار اكثر من الفلتر الجاف
2- عمر الفلتر الزيتي اقل من الفلتر الجاف
3- الفلتر الزيتي اساسا مايتنظف بالهواء لان الغبارعالق بالزيت وبالتالي عمره قصير وبمجرد مايوصل عند 30الف الفلتر يكون مثل الكرتون وراح يكون العزم ضعيف ..
استخدم فلتر afe زيتي ضمانه مليون ميل وبامكانك تنظيفه متى ماتطلب ذلك..

[سلطان2020]

الأخ أكورد 2012
مارأيك بفلتر K&N العادي اللي يركب مكان فلتر الوكالة بدون تعديل حيث اني استخدمه ؟ هو ام

فلتر afe ؟

[أكــــــــــورد11]

الأخ أكورد 2012
مارأيك بفلتر K&N العادي اللي يركب مكان فلتر الوكالة بدون تعديل حيث اني استخدمه ؟ هو ام

فلتر afe ؟

فلتر afe نوعين : زيتي وجاف وميزته في تصميمه دخول هواءاكثر من الفلتر العادي والعزم ملحوظ بشكل بسيط
ايضا فلتر k&n انواع :زيتي وجاف وتصميم الفلتر مشابه لفلتر الوكاله..

[دايم العز36]

يااخوان انا شريت فلتر الهواء اليوم من محل قطع غيار هوند ب125ريال يقولي ارتفع سعرة مدري لوكان غشني يقولون كان سعرة 95ريال

[سلطان2020]

قبل 10 ايام مسعرها من الوكالة سعره بعد التخفيض 95 ريال