الاحسن انك تشتري مكينة لان المكاين الجديدة صعب خرطها لانها مصنوعة من اللامنيوم
السلام عليكم يااخوان
معي اكورد 2008 انشق الكارتير وانا ماشي ، وطلع صوت بالمكينه بعد ماشريت كارتير قالو مخبطه مكينتك
اي افضل توضيب او شراء وكم يكلف التوضيب والشراء علما اني ببيعها بعد ماطابت نفسي منه ...
الاحسن انك تشتري مكينة لان المكاين الجديدة صعب خرطها لانها مصنوعة من اللامنيوم
خذ مكينه وانا اخوك افضل اكيد ,,, لان المكاين الجديده الالمنيوم ويصعب توضيبها حتى لو وضبها لك بعد 6 شهور تطلع المشاكل ( كربون ,حراره ترتفع ) وتخبط مرة ثاني
شف اذا انت من سكان الرياض مالك الا الصناعية القديمه مخرج 17 رح هناك في ورش متخصصه ببيع قطع غيار هوندا مستعمله ( مكاين ,, جير بوكس) وتركبها عندهم ويعطونك ضمان ع المكينه 6 شهور
أنا موتري نفس موترك وخبط مع امطار الرياض الاخيره واخذت مكينه 2010 وزي الحلاوه معي الحين حتى ما بالغ افضل من مكينتي القديمه
ولا اوصيك بفترة الضمان تعطي الموتر كذا مشواااار يحبه قلبك يعني 200 كيلو كذا ,, دز لسدير ولا حول سدير كذا وشف فيه (( تهريب زيت ,, حرارة ))
سيارتي موديلها 2008 ومركب عليها مكينه 2009 اخر دفعه يعني تقدر تقول 2010 ,, أسعارهم تتراوح من 8000 الى 12 الف على حسب النظافة
أنا المكينه الي ركبتها كلفتني 8000 مع الرجيع والتركيب كلفني 500 ريال مع صيانه ( زيت وسيفون) وضمان 6 شهور .
واحد من الشباب ركب مكينه 2011 كلفته 12 الف بس مكينه تقدر تقول كرررت وتستاهل قيمتها ماشيه 20 الف كيلو وكالة .
بس شف لاتنسى وانا اخوووك نصيييحه اذا جيت تركب المكينه قلهم غيرو لي كل الصوف (( صوفه المكينه الصدر والداخلية وصوفة القيير )) عشان لا سمح الله مايجيك تهريب بسبب الصوفه وتضطر تفك المكينه والقير مره ثانية وتغييرها ,, الصوفه سعرها رخيص بحدود 70 ريال بس المشكله فك المكينه والقير بس راح يكلفك 800 الى 1000
الله يعينك
مواقع النشر (المفضلة)