معي اكورد 2013 ستاندرد الان صارلها طالعة من الوكالة حول سنة و 3 أشهر و استخدامي لها مدة شهرين تقريبا .

- عزمها في الخط كونها 4 سلندر بـ 5 نمر للقير لأني أمسك خط كل اسبوع 400 رايح و 400 جاي , يعني لو قابلني هواء وعج على خط الشرقية السيارة تجمل والا تحن مكينتها ؟
ما جربت أمسك خط سفر فلا أعلم بصراحة .
- عزل الهواء في خط السفر كيف وضعه , وهل عالجوا مشكلة التنسيم أم لا زالت مستمرة في موديلات 2014 ؟
رحت قبل فترة بسيطة على الوكيل لصيانة 30 الف وكان جنبي واحد صيانة 10 الاف ويشتكي من تهريب الهواء فالغالب ان سيارته 2014 .
- رساوتها في الخط هل هو جيد أو جيد جداً أو ممتاز ؟
الرساوة لا تسأل عنها ماشاء الله ازهلها .
- العزل الأرضي مقارنة بالجيل السابق ؟
شخصيا استخدم كفرات كورية وليست كفرات الوكالة حقت برجستون و العزل الأرضي ممتاز جدا لأسباب :
فيه مادة عازلة (صلبة) تحت الكراسي على البودي .
فيه لبادات على فرش الأرض .
فيه مادة عازلة على البودي من الأسفل على الشاص تقدر تقول وهي مادة مثل الربل لكنها مدهونة دهان << هذا أفضل وصف لها .
- تماسك ديكوراتها كيف هل هو جيد أو جيد جداً أو ممتاز ؟
السيارة من الداخل للان ما سمعتلها صوت علما اني سقتها في البرد .
- بصراحة هل فيه أحد من الاخوان شراها وندم على شراءها لعيوب في السيارة أو لأي سبب آخر ؟
تقدر تشوف موضوعي في تحت اسمي للتجربة للسيارة وللان ما اقدر ازيد عليه كلام .