640 ماهي هينة, كم تمشي بواجي الهوندا؟
السلام عليكم ورحمته الله وبركااته
صبحكم الله بالخير ..
نبداء بالموضوع قبل اسبوعين من الان مريت وكاله عبدالله هاشم فرع القصيم بريده المهم بغيت كذا غرض لسيارتي هوندا اكورد سالته عن اسعار البواجي ،،وصرااحه صدمني يوم قال 680ريال المهم اللتفت يمين ويسار صرااحه مبلغ خيالي يعني البوجي الواحد فوق 170ريال الي حصل اخذت رقم البواجي الي هو 12290r40a01
مشيت من عنده وصلت البيت وخش لموقع ebay وحصلته ب45دولار يعني 173ريال سعر جميع البواجي و البوجي الواحد45ريال وشفت فرق كبييير واكلني قلبي سعر جداا رخييص المهم خشيت موقع امازون ورحت لشركه ngkعشان بتاكد هل السعر صحيح ولاء لقيت انه صحيح سعر البوجي الواحد ب44ريال،،وبكذا ارتحت لقيت البائع الي في ebay يشحن مباشر الى السعوديه اما شركه ngk الي بامزون مايشحنون الا الي بمريكا فقط ويلزمك عنوان بريد امريكي،،المهم اخذ من البائع الي في ebay ويشحن لسعوديه ب12دولار قرابه45ريال..المهم حولت الفلوس الي فيزتي واتوكل على الله واشتريها مع سعر الشحن كااامل التكاليف 220ريال ،،،،وصل لعنيزه يوم الاربعاء الي قبل ثلاث ايام بعد ماخذت قرابه 9ايام من جيتها من امريكا ووصلتني عن طريق البريد السعودي ورحت اخذتها الصبااح اخذتلي نومه يوم صحيت باليل واقرب السياره ال اللمبه الي بالحوش واركب الواجي واحلى مايكون ووفرت على نفسي 460 ريال ولا ياخذونها هالحرميه..
وهاذا رابط البواجي
4 x NGK OE Laser Iridium Spark Plug Set OES for Accord CR V TSX 2 4L 2007 12 | eBay
وطبعا عنده خطاء يوم كاتب من 2007 المقصد 2008 الى 2012 بس وفيه شيء يسهل عليك تحت بتحصل جدول لسيارات الي يركب عليها البواجي موديل السياره و make شركه وtrim موصفاتها xl جنط اسود exنص فل اعتقد و exlفل كامل طبعا هالبواجي لل4سلندر فقط
الي اعرفه ان مكاين الاكورد 2008 و 2009 و2010 و2011و 2012زي بعض يوم جربت في الموقع لقيتها تركب على 2008 الى 2012بس ماتركب على 2010 اعتقد انه مخرف هههههههههه
اما هاذا رقم المكينه مكاين الاكورد ال4سلند 11s اما ال6سلند بدون s
Manufacturer Part Number:
ILZKR7B-11S
هاذا رقم القطعه بالوكاله
Interchange Part Number:
12290-R40-A01
طبعا كل هالكلام موجود في الرابط والي خلاني اتاكد انها تركب على سيارتي
وحبيت انقل لكم هالتجربه البسيطه وان شاءالله انها تفيد الي بيغيرون بواجي سياراتهم
وسلام عليكم
640 ماهي هينة, كم تمشي بواجي الهوندا؟
الاكورد الي من موديل 2008 وطالع تمشي الى 100الف لنه ليزر اما 2007 وتحت 40الف وسعر الاربع بواجي 40ريال فقط
تجربة موفقة ... بارك الله فيك
عطنا رابط المموقع الي شيت منه
وهل هو عربي والاانجليزي
وهل ظروري بطاقه فيزا او اسدد عن طريق حسابي في البنك
وعليكم السلام ورحمة الله وبركاته
الله يعطيك العافيه على الافادة وتجربه رائعه
حاليا ماشي على البواجي 160الف والى الان تمام مافيها تقطيع وبتوصل 200الف باذن الله ...
سعر بواجي الاكورد اريديوم ngk سعرها في الوكالة بعد التخفيض حدود 570 ريال
وفي محلاق قطع هوندا نفسها ب 320 ريال
مواقع النشر (المفضلة)