ما أحد عنده معلومه على كثر المشاهدات للموضوع ؟
السلام عليكم و رحمه والله و بركاته..
و رمضان مبارك على الجميع ..
ندخل دايركت .. 😃
اولا : ارتفعت حرارة السيارة و رحت اشيك عند حقين الرديترات طلع الرديتر مضروب على قفاه ..
غيرت رديتر مع مروحه يمين و ضبط الوضع لمدة ثلاثه ايام ..و رجعت الحرارة ارتفعت .. < يا لهوي ..
رجعت لهم قالوا الراس راح فيها و المكينه بدأت تخلط مويه و زيت .. أخذتها و رحت ورشه و قال راس المكينة ضرب ولازم توضيب ..
جبت القطع التاليه ..
1. طقم وجيه ..
2. بلوف ..
3. بواجي ..
و بدأ الشغل لمدة اربعه ايام .. و لما رحت استلم السيارة و شغلتها طلع حالها ما يسر لا عدو و لا صديق ..
1. الدعسسسه ما تقبل ابدا كأني اسوق يارس ..
2. صوت السيارة مكتوم و العزم طايح بالارض ..
3. بالعادة الموتر يتفتف على و ضغط المكينة على 5 .. الان يتفتف على 3 و شوي شوي مو مثل المعدل الطبيعي ..
4. طلع حساس الحرارة مضروب ..
5. الكهرب مضروب .. و الانظمه الي بالطبلون كلها شغاله .. لمبة المكينة و لمبة مانع الانزلاق ..
6. الامبير حق الضغط يلعب مره ينزل يقرب للصفر و مره يطمر لرقم اثنين .. و اذا دعست ما ينزل تدريجي كالعادة .. لا ينزل تكه و يوقف ثم ينزل تكه و هكذا ..
رجعت لهم و سويت تنظيف لمنظم الهوا .. ثم فحصت كمبيوتر .. قال لي حساس الحرارة تعبان و التايمنق مو مضبوط و في مشكله بالكفر اليسار يمنع نظام الثبات انه يستقبل اوامر ..
رحت سويت برمجه .. قلت يمكن عشان القطع الجديدة و كذا عشان مره وحده ارتاح .. وبالاخير ما استفدت شي ..
رجعت البيت بالموتر .. و طفيته و رجعت اشغله قام يناتع و طفى ثم رجعت اشغله و ناتع شوي و اشتغل ..
فتحت الكبوت ز فكيت اصبع البطارية و رجعت شبكته. . ولا كأني سويت شي ..
فجأه فيه صوت طلع من المكينه و هي طافيه مثل كذا ( تسسسسسسسسسسسسسسسس ) تحسونه مثل التنسيم ..
و شوي بدأ يطلع صوت شي يقطر على شي حار مثل كذا ( تش تش تس تش) ..
جبت اللمبه و بديت اشيك .. اكتشفت ان فيه مويا خضراء تنقط تحت المكينه ..
الان يا احبابي الكرام .. افيدوني .. هل المكيانيكي لعن والدبن الموتر ..
و هل احتاج اغير حساسات بشكل عام .. لان فيه حساس فوق علبة الهواء فصلوه و الموتر ما طفى و لقيت زاخد يقول هذا بالذات اذا انفصل لازم يطفى الموتر ..
وش اسوي لي اسبوع ابي اسافر مو قادر اتحرك و لا اروخ و لا اجي ..
علما بأن تكلفة التصليح الى الان ..
3320 شغل الورشة .. من خرط و قطع ..
و 500 فحص كمبيوتر و برمجه ..
علما ان موتري هوندا اكورد 2009 سبيشل .. و صاير علي حادث وجه قبل اربع سنوات و كلفني 18000 ريال .. مع الاسف ..
و لكم جزيل الشكر ..
ما أحد عنده معلومه على كثر المشاهدات للموضوع ؟
وعليكم السلام ورحمة الله
اول شي شيك على الحساسات منظم الهوا ،،،،
واذا مالقيت شي ارجع للي سباك الي عدملك السيارة يصلح المشاكل او اشتكيه في شيخ الورش ويرجع كامل فلوس وشوفلك مكينة نظيفة والله يعوضك
عدم انتباهك للحراره سبب المشكله في تنسيم ثلاجة الماكينه واختلاط الماء مع الزيت وبالنسبه للمويه الخضراء طالعه من الثلاجه
وتنقط على القزوز من الخلف والظاهر ماقفلها تمام .
ارجع للميكانيكي وكلمه عن المشاكل يصلحها أو تشتري ماكينه من التشليح أوجديد .
أكورد 11 ..
الله يعطيك العافيه .. انا بس توقعت ان الدبه ما فيها مويه و عبيتها مشت كويس .. لكن اتضح ان الدنيا خربانه من الرديتر و غيرته بعد فوات الاوان ..
في ظنك .. لو يصلح لي الاشياء الي ما ركبت مضبوط .. بتمشي السيارة زي الاوادم و الا لا بد من تغيير المكينه ..
لاني ناوي اشتري مازدا اذا هذي ما عاد تنفع ..
Bodemmh ..
مشكور و ما قصرت .. عندي حساسين تعبانه الي هي حساس الحرارة و حساس الكفر اليسار ما يمسك مضبوط مع الفرامل ..
بس مدري وش خرب حق الكفر و المشكله في راس المكينه .. حسبي الله عليهم ..
الميكانيكي ما يعرف يشتغل وللاسف دمر مكينتك
تبين لي من الكلام الي قلته أن الورشة شغلها تعبان جداًَ وعدمو عليك المكينة والحل تروح أقرب تشليح وتدور لك مكينة نظيفة وعليها ضمان وتركبها وتمشي أمورك ونصيحة قبل ما تصلح سيارتك أسأل عن ورشة معروفة ومجربه وبالتوفيق
اوتشيها .. للاسف هذا هو الوضع ..
و اخ محيا .. اليوم مسكت فيها خط و تعطلت في الخاصرة و رجعت انا وياها سطحه ..
بس كم اسعار المكاين ؟
بالنسبة لأسعار المكاين تختلف حسب النظافة وحسب الموديل وأتوقع بتكون غاليه شوي وإذا كنت في الرياض عندك تشليح الحاير وعندك الصناعية القديمة أسأل فيها وإن شاء الله تحصل عندهم
اكورد 11 ..
الف شكر حبيبي .. بحاول فيها قدر المستطاع و اذا باءت محاولاتي بالفشل .. المازدا بتكون بديلتها ان شاء الله ..
مواقع النشر (المفضلة)