عفس عليكك الدنيا
الله يسهلها عليك ماعني خبره ب هالشيط
السلام عليكم ورحمة الله
ياشباب انا رحت محل قطع غيار وشريت منه علبة تنظيف البخاخات اللي تصبه في التانكي مع البنزين
المهم شريته واليوم عبيته في التانكي ومشيت وفجأه طفت السياره واجلس ربع ساعه وتشتغل وتجلس دقيقه وتطفى وتفتفه وعلى هذا الحال
ويوم استفسرت عن العلبه اللي صبيتها في التانكي طلعت غراء حق رديتر ومكينه وليس منظف بخاخ
وش الحل والدبره وش اسوي وش انظف
وبخصوص المحل اللي باعني العلبه هذي انا ناوي اقتل اليمني بس بعد مااصلح السياره علشان افحط على راسه بالكفر واعلمه وشو تنظيف البخاخ
وهذي صورة العلبه جعله يشرق بها
image
عفس عليكك الدنيا
الله يسهلها عليك ماعني خبره ب هالشيط
ودها اقرب ورشه لك وخلها يشوفها
وعليكم السلام ورحمة الله وبركاته
اول حاجه تسويها وياليت تلحق قبل ماينعدم عليك الطرمبه تفك الجرم كامل بما فيها الطرمبه وفلتر البنزين
وتشتري فلتر بنزين جديد وتنظف الشخال الخاص للطرمبه
طبعا اذا التفتفه موجوده تنظف البخاخات وان شاء الله تتيسر امورك
باذن الله باتواصل مع الورشة ولعلها برمجه مثل ماقلتوا
سيتم الاضافة في الموضوع فور معرفة المشكلة وحلها لتعم الفائدة
المشكلة انه سائل اتوقع بيدمر نظام البنزين عندك
عموما الفلتر بيتغير وهذا اكيد وافتح العلبة حقت الطرمبة وشيك عليها شي او لا
مجرى البنزين تاكد انه ماهو مسدود
بعده يجي البخاخ بيبين معك اذا شيكت مجرى البنزين والفلتر والطرمبة اذا فيهم شي
مواقع النشر (المفضلة)