تعالو نسولف☺️

[Sem0]

السلام عليكم ورحمه الله وبركاته


كيفكم



كل عام وانت بخير
وينعاد عليكم اعوام كثيره
ويتقبل الله من الحجاج ويرجعهم الى اهلهم سالمين


المهم هذا موضوعي الثاني ويمكن الاخير ويمكممن لا😂
المهم انا بشتري اكورد 2012 V6
او |4 سلندر المهم بشتري مستخدمه بعرف وش مواصفاتها ووايش عيوبها
وهل الســv6ــته سلندر فيها عيوب فيها مشاكل لاني ابي السياره تمشي معي4 الى5 سنواتً فأايش تصحوني



المهم اتمنى تردو مو تعطوني سيفون زي الموضوع الاول

وششكككراا لكم

[Sem0]

طبعا الاربعه سلندر فٓـــِل كــامل وكم تتوقعو اسعارها
وكم اسعار القطع الاستهلاكيه لاني طالب جامعي
كانت عندي النترا 2013 كان الصيانه كل5 الف 300ريال وكل15 الف تزيد يقولو نغير كذا وكذا لين صيانه 45الف قال لي1500😔

[mido m]

والله على حسب معلوماتي ان بعض القطع الاستهلاكية للستة سلندر غالية شوي زي كراسي الماكينة ووووو
بالنسبة لي لو بشتري الاربعة احسن عشان السعر اقل
عيوب الموديل على ما اعتقد كان تهريب الدودة

[Sem0]

طيب انت مجرب من مديل08-12 كييف السياره حلوهه ولا لا
لحد يقول صوت الديكور وو وو الالنترا كنت اسوقها گاني اسوق شاص مديل88 يعني مايهم☺️
اول مره اسمع بكرسي المكينه😔 >>ماعنده خبرهه
وششكرا لكك خيو

[Sem0]

☺️تم السحب ع موضوعي😔

[أكــــــــــورد11]

السلام عليكم ورحمه الله وبركاته
كيفكم
كل عام وانت بخير
وينعاد عليكم اعوام كثيره
ويتقبل الله من الحجاج ويرجعهم الى اهلهم سالمين
المهم هذا موضوعي الثاني ويمكن الاخير ويمكممن لا😂
المهم انا بشتري اكورد 2012 V6
او |4 سلندر المهم بشتري مستخدمه بعرف وش مواصفاتها ووايش عيوبها
وهل الســv6ــته سلندر فيها عيوب فيها مشاكل لاني ابي السياره تمشي معي4 الى5 سنواتً فأايش تصحوني
المهم اتمنى تردو مو تعطوني سيفون زي الموضوع الاول
وششكككراا لكم

وعليكم السلام ورحمة الله وبركاته
الله يعطيك خيره ويكفيك شره مقدما
لكن بعطيك مواصفات الفل 4سلندر من 2008الى 2012 يكون فيه تصفيط المرايا ومكيف الكتروني منفصل للسائق والراكب ومكيف خلفي ومثبت سرعه..كرسي السائق كهربائي والراكب عادي والانوار عاديه للواطي والعالي وكشافات ...الخ من المواصفات نجي للمميزات
1-ثبات ورساوه ممتازه في الخطوط السريعه نظرا لوجود 6مقصات اربع امامي و2خلفي وميلان الكفر الخلفي زاويه بسيطه
2- الفحمات الاماميه غيرتها على 105 الف وصراحه استعجلت وباقي فيها اكثر من الربع
الفحمات الخلفيه استبدلتها عند 90الف بدون تصفير
3- زيت الماكينه بالرغم امشي عليه7800كلم وينقص نقص بسيط مايقارب 250الى 300ملليتر والزيت المستخدم كاسترول ماجناتيك 10w40
العيوب
1- طرمبه الدركسون صار له تنديه عند 100الف طبعا اشتريت طقم اصلاح 100ريال وشغل اليد 100 وعلبه زيت هوندا اصلي 35ريال والحمد لله تمام ومن احسن مايكون
2- قساوة المراتب ماراح تحس بالتعب الا لجلوسك مده من الزمن وانت مسافر وحلها موجود تشيل بلاستيكه خلف المرتبه للسائق والراكب وهي المسببه لالام الظهر
السياره صبوره واعتماديه فوق ماتتخيل ولاتنسى الكمبريسير كلتش يعني يعمر مده من الزمن حط القطعه وانساها
راح اذكر اسعار بعض القطع الاستهلاكيه من محل معتمد واصلي الوكاله والله على مأقوله شهيد
فلتر الهواء 100ريال
فلتر المكيف 140ريال
الفحمات الاماميه 200ريال
الفحمات الخلفيه 200ريال
فلتر البنزين اذكر سعره 200ريال الحين صار 240 ريال ويتغير كل 80الف
علبه زيت القير 35ريال وعلبه زيت الدركسون 35ريال
زيت القير ثلاث علب وربع كل 60الف اول مره بعدين كل 40الف.....الخ

[أكــــــــــورد11]

اضافه على ماذكر صرفيه البنزين ممتازه توصل الى 650كلم والمؤشر على الربع ماشاء الله
وهذي الفحمات الاماميه بناءا على ماذكرت بالرد ماشاء الله

[mido m]

2- الفحمات الاماميه غيرتها على 105 الف وصراحه استعجلت وباقي فيها اكثر من الربع
الفحمات الخلفيه استبدلتها عند 90الف بدون تصفير

انا متفق معاك بكل ما تكلمت فيه عدا موضوع الفحمات !!!!
انا مغيرها بعد 37 الف كيلو بس وانعدمت معي الهوبات بعد ,,,,كيف كملت معك لل 100 الف ؟؟؟

[Sem0]

اكـٓــٓــــًـــورد11
ششكرا لك ماقصرت كفيت ووفيت
طبعا المقاعد ماتهم لاني ماسافر كثثير بسنه مره
بعدين متعود ع مقاعد الهايلكس والشاص والكروولا مافيها اي راحه

[أكــــــــــورد11]

انا متفق معاك بكل ما تكلمت فيه عدا موضوع الفحمات !!!!
انا مغيرها بعد 37 الف كيلو بس وانعدمت معي الهوبات بعد ,,,,كيف كملت معك لل 100 الف ؟؟؟

كم موديل سيارتك ! اذا من 2007 وتحت الفحمات تختلف
اذا من موديل 2008 وفوق الفحمات مليانه نحاس وواضح وهذا يطول عمر الفحمات
وعلى فكره لما امسك بريك مره متوسطه ومره خفيف ونادر امسك بقووه

[أكــــــــــورد11]

اكـٓــٓــــًـــورد11
ششكرا لك ماقصرت كفيت ووفيت
طبعا المقاعد ماتهم لاني ماسافر كثثير بسنه مره
بعدين متعود ع مقاعد الهايلكس والشاص والكروولا مافيها اي راحه

العفو هذا واجبنا ومبروك مقدماا

[Sem0]

الله يبارك فيك
بحثت عن اكورد 2012 v6. مافي طبعا مو انا بحثت خالي عنده خبره بسيارات فكلم صاحب معرض مدري ايش وبحث عن اكورد 6 سلندر مافيييي
المهم قال لي حصل اكورد 2012 4سلندر لكن مو فل جلد. انا ماسألته هل فل مخمل او اسبشل الزبده ابغا اعرف الفرق بين الاكورد اسبشل والفل مخمل

[أكــــــــــورد11]

مواصفات السبيشل
جنوط وفتحه بدون حساسات خلفيه ولايوجد فيها كشافات
المكيف يكون فرار مو الكتروني بدون تخشيبه للطبلون
مواصفات الفل مخمل
جنوط وفتحه ومكيف الكتروني منفصل للسائق والراكب وتخشيبه للطبلون وكشافات وتصفيط للمرايات الجانبيه
كرسي السائق كهربائي وفيه خاصيه تسخين المقاعد ولايوجد حساسات خلفيه تجميع امريكي
ويكون فيها ست ايرباقات
ال2011 الفل فيها حساسات خلفيه وبدون تسخين لانه من اليابان وفيه ايرباقين للسائق والراكب فقط

[Sem0]

ششكراً لك اخوي اكورد 11
بسألك الفل مخمل يجي القير جلد والطاره

[أكــــــــــورد11]

ششكراً لك اخوي اكورد 11
بسألك الفل مخمل يجي القير جلد والطاره

لاشكر على واجب
نعم عصا القير والطاره يجي جلد بالفل مخمل