حساسات الأوكسيجين o2

[بـَحـُور]

السلام عليكم
ياشباب .. عندي اكورد 2008
وصار لي مشكلة وهي ضعف قوة المكينة وأيضا تعطي سيفتي لما يوصل الضغط الى 3 بس اذا طفيت السيارة وشغلتها ترجع مزبوط
المهم فحصتها كمبيوتر طلع المشكلة من حساس الاوكسيجين والوكالة نصابين صراحة بـ 1400 ريال فطلبته من امريكا بـ 400 وركبته ولازالت المشكلة !
ياشباب .. هو كم عدد حساسات الاوكسيجين .؟ واحد لو اثنين ؟ ووين مكانهم بالضبط؟ (إن وُجـِد)
علشان اروح للتشاليح وأخذ من هناك بس الخوفة انهم مايعرفون وين مكانهم بالضبط .. فأتمنى تفيدوني
علما بأني غيرت حساس الاوكسيجين اللى يصير مكانه ورى المكينة بالضبط .

[أكــــــــــورد11]

وعليكم السلام
بالنسبه للحساسات ثلاث انواع:
1-حساس الاكسجين
2-حساس الوقود والهواء
3-حساس (stay sensor)
حساس الاكسجين رقم 8
حساس الوقود والهواء رقم 7
حساس (stay sensor)رقم9

[S c O r P i O n]

انت تقول فحصتها اكتب شنو اللي مكتوب في الفحص
ويمكن بدلت حساس ثاني
والمشكله فعلا من الحساس بس بمجرد تبديله يرجع كل شي طبيعي بس اذكر لنا اي حساس شنو مكتوب بورقه الفحص

[خفيف روح]

السلام عليكم
ياشباب .. عندي اكورد 2008
وصار لي مشكلة وهي ضعف قوة المكينة وأيضا تعطي سيفتي لما يوصل الضغط الى 3 بس اذا طفيت السيارة وشغلتها ترجع مزبوط
المهم فحصتها كمبيوتر طلع المشكلة من حساس الاوكسيجين والوكالة نصابين صراحة بـ 1400 ريال فطلبته من امريكا بـ 400 وركبته ولازالت المشكلة !
ياشباب .. هو كم عدد حساسات الاوكسيجين .؟ واحد لو اثنين ؟ ووين مكانهم بالضبط؟ (إن وُجـِد)
علشان اروح للتشاليح وأخذ من هناك بس الخوفة انهم مايعرفون وين مكانهم بالضبط .. فأتمنى تفيدوني
علما بأني غيرت حساس الاوكسيجين اللى يصير مكانه ورى المكينة بالضبط .

سلام عليكم لازم تروح الوكاله تسوي برمج
كمبيوتر عشان الكمبيوتر سياره يتعرف على الاحساس جديد

[S c O r P i O n]

لا مايحتاج برمجه
انا مركب حساس الاوكسجين قبل سنه تقريبا خذيته من التشليح وركبته عند سمكري على طول راحت علامه الشيك انجن
فقط تركيب وتركيبه بسيطه مثل الصاموله تفكها وتركب الحساس الحديد وتشيل الفيشه وتركب فيشه الحساس الجديد وانتهى

[بـَحـُور]

تم حل المشكلة الحمدلله , المشكلة ليست الحساس , وإنما من الكمبيوتر .. أخذته من التشليح بـ 1500 ريال حق موديل 2010
والآن السيارة تمام !
بس غريبة الكمبيوتر خرب معي مع ان استخدامي لها ممتاز ومحافظ , بس يمكن يكون فيه اخطاء بسبب انها اول دفعة .