اخوي متى غيرت زيت قير
انا معاي اكورد 2012
ولا عندي مشاكل فيها غير اصوات ديكور فقط ماشيه 80 اللي معاي
السلام عليكم ورحمة الله وبركاته ...
اخواني حبيت استشيركم في كم شغله عندي في الاكورد 2012 لاني مقتنع بمقولة اسأل مجرب ولا تسأل طبيب وان شاء الله استفيد من ارآئكم ...
الاكورد تبعي موديل 2012 ماشي عليها 87 الف والحمد الله الامور طيبه بشكل عام وما اعاني من مشاكل كثيرة .. الا ثلاث مشاكل تقريبا ...
الاولى .. من فتره سمعت صوت طقطقة خفيفة مع المطبات في الجانب الايمن من مقدمة السيارة ومع الفحص قالو لي ان عندي تهريب زيت في المساعد ولازم تغير الاثنين مع العلم اني مع المطبات احس باهتزاز خفيف في السيارة ما كان موجود سابقا مع اني ما ني مقتنع لان صدرية الاكورد معروفة بالقوة فما هو افضل حل اغيرها او امشي عليها مثل ما قال لي اغلب الناس ...
الثانية .. تعبتني صراحة ومليت منها وهي الارتجاج مع البريك وخرطت الهوبات ورجعت المشكلة بعد شهرين تقريبا واعتقد اغلب اللي عندهم اكورد يعانون منها فما هو الحل ...
الثالثة .. في شي غريب عندي الا وهو اذا شغلت السيارة ومشيت فيها احس باهتزاز مع صوت خفيف في دواسة البنزيل مع الغيار الثاني او الثالث ويصير لمره وحدة بس يعني اذا لازم اطفي السيارة واشغلها من جديد عشان يصير هالشي مرة ثانية وما هو دائما احيانا و احيانا .. مشكلة غريبة وانا متخوف صراحة ان القير فيه مشكلة مع العلم ان ممشى السيارة طبيعي وتبديلاته ايضا طبيعية ...
وشكرا للجميع مقدا ....
اخوي متى غيرت زيت قير
انا معاي اكورد 2012
ولا عندي مشاكل فيها غير اصوات ديكور فقط ماشيه 80 اللي معاي
اخي العزيز انا مازلت مداوم على صيانة السيارة في الوكالة وتغيير الزيت يكون في وقته دائما ... اي كل 5000 كيلو اغير الزيت في الوكالة
عليكم السلام ورحمة الله وبركاته
الله يعطيك من خيرها ويكفيك شرها
1-اذا فيه تهريب خفيف ومثل ماتفضلت تشعر بالمطبات على خفيف عادي يمشيك واذا بتعرف انها قاربت على النهايه بيكون المطب قوي وبوقتها تقدر تغيره.
المساعدات حاجه استهلاكيه تتضرر مع كثر المطبات والحفر القويه .
2-مشكله الهوبات الاغلب يعاني منهابأغلب السيارات وحلها تشتري هوبات رياضيه ولاتحس بالارتجاج الا مع الفرمله المفاجأه لهوبات الوكالة.لكن اذا الفحمات ممتازه لاتخرط الهوب الا عند انتهاء الفحمات .
3- الصوت اللي تسمعه طبيعي وهذا نظام الabs للفرامل المانعه للانغلاق تصير في وضع التشغيل on وتجيك عند سرعه 30 بالتمام.
السلام عليكم و رحمة الله
انا كان عندي ارتجاج مع دعسة الفرامل و غيرت قماشات ( فحمات الفرامل ) الى نوع سيراميك و اختفت الرجة نهائيا بدون خرط الهوبات و لكن مشكلة الفحمات اللي ركبتها انها تسود بالجنظ ولكن في نوع اخر امريكي ممتاز
وان شاء الله اجربة بعد هذي ..
يعني تنصحون الواحد يركب هوبات رياضيه
فحمات سراميك
مواقع النشر (المفضلة)