رد مع اقتباسالله يعافيك اخوي
انا الان ماباقي شي واكمل 1000 كيلو جديد الموتر
وش الفحص اللي يسونه اذا رحت لهم
تسلم يالغلا مقدما
الصيانة الدورية في وكالة عبدالله هاشم - الرياض
أنا معي أكورد فل كامل موديل 2007
أخواني الأعضاء بالامس رحت الوكالة ابي اسوي فحص ال25000 كيلو
وقلي مهندس الاستقبال انه موبضروري أني أجي كل خمسة الاف وأسوي فحص
وأن هذا مايلغي الضمان ( طبعا هو شاف الدفتر حقي كل 5الاف كيلو مختوم)
قلتله ما احد علمني وقلي ركز على فحص 10 و20 و40 الف لأنها المهمة
وكل خمسة الاف بس تعال غير زيت.
فحبيت أضيف المعلومة للأعضاء للفائدة
وترى ياشباب الفحص في الوكالة جدا مهم ومن غير المحبذ أن الواحد يتجاهل الفحص نهائي.
كل مرة أسوي الفحص أحس بفرق بعد ما أطلع.
ويمكن حتى استمر كل 5000 أروح لهم واسوي فحص.
الله يعافيك اخوي
انا الان ماباقي شي واكمل 1000 كيلو جديد الموتر
وش الفحص اللي يسونه اذا رحت لهم
تسلم يالغلا مقدما
تسلم يا الغالي على المعلومه
يعطيك الف عافيه
..
....
شكرا لردود الأخوة الأعضاء
أخوي حائل بالنسبة لفحص 1000 كم فهو فحص مهم جدا
ويفضل أن لا تتأخر فيه أكثر عن 1300 كم - معلومة من مهندس الوكالة-
والسبب لأن الزيت الموجود في السيارة وهي جديدة فقط يمشيك 1000 كم
ويجب تغييره بعدها وهو زيت خاص غير الزيت الذي يتم تعبأته لاحقا
أجور الفحص:
مجانية لكن يجب دفع قيمة الزيت والفلتر وقيمتها الاجمالية 90 ريال
الفحوصات التي يقومون بها:
-تغيير الزيت والفلتر.
- التأكد من مياه الرديتر
-تشييك كل الزيوت
-نظرة عامة لأسفل السيارة وبشكل سريع وذلك بعد رفعها للأعلى.
-يقومون بسؤالك هل عندك أي مشاكل وذلك من أجل فحصها بدقة في حال كان هناك مشكلة لديك.
-ويوصلون السيارة بالكمبيوتر ويحدثون السوفتوير حقها.
-يتفقد العجلات الأربعة.
-غسيل السيارة
فقط هذي الأمور التي يقومون بها
انا كانت سيارتي ماشيه 35000
وطلبت ادخلها فحص 20000 لانه اخر صيانه كانت 15000
والله انا معي اكورد اسوي لها كل 10 الاف كيلو وبنسبة للخمسة بس تغير زيت يعني اول شي 1000 وبعدين 5000وبعدين 10000 وبعدين 20000 بس 15000 بس تغير زيت وكذا كل خمس هذا نظام الوكالة كل 10000 صاينة
تصحيح للمعلومه اخوي
صيانه الـ 1000 كيلو مجانيه ما اخذو على ولا ريال
..
....
يعطيك العافية على الموضوع
انا نفس الكلام قالي المهندس في جده فرع المدينه يقول اي صيانه فيها خمسة تغير زيت والي بها عشرة فحص كامل
يعني
5000 15000 25000 35000 45000 الخ زيت فقط
10000 20000 30000 40000 50000 الخ فحص كامل وزيت
ويعطيككم العافيه
اختلف معك تماماوترى ياشباب الفحص في الوكالة جدا مهم
الصيانة الدورية اعتبرهـ سرقة في وضح النهار من الوكالة للعميل ( هذا رأيي )
والاختلاف لا يفسد محبتنا يا عزيزي
أخوي أبو سارا الوكالة تعتني بالسيارة أكثر من أي ورشة
يكفي أن العاملين فيها حافظين سيارتك صامولة صامولة وبرغي برغي
ومستحيل يخطأوا بأي شي...والتربيط اللي يسونه بكل فحص
يحافظ على الاجزاء والقطع الديناميكية والتي تتأثر بحركة السيارة
واللي لازم تتربط كل فترة بسبب كثرة حفر ومطبات شوارعنا
اللي تؤدي الى انحلال هذي البراغي والصواميل مما يتطلب شدها وربطها باستمرار.
بالاضافة الى تنظيف الهوبات ( الديسكات) والذي يتم في الوكالة بشكل دوري وحرفي جدا والتي تعمل على زيادة عمر الديسك وتحسين أداءه بعد كل صيانة.
صدقني كل مرة أغادر الوكالة بعد الصيانة الدورية ألاحظ فرق على المطبات وعلى السرعة
وشكرا
التعديل الأخير تم بواسطة mjenbaz ; 21-11-2007 الساعة 02:37 AM
اخذ فلوس على الفاضي ..... اخوي ودي سيارتك للفحص كل عشرين الف ولا تصرف فلوس يضحكون عليك على الفاضي .....وغير الزيت كل 5000 كلم ..
انا أودي السيارة الوكالة كل 10,000 كيلو وكل 5,000 أغير زيت وفلتر فقط
وللعلم كتيب الصيانة للأكورد 2006 موجود فيه لكل 10,000 كيلو صيانة بعكس كتيب الأكورد 2007 لكل 5,000 كيلو صيانه
الحين السيارة ماشية 52,000 كيلو >>> يعني بمعدل 3 صيانات ونص بالسنه >>> وشلون اسوي النص صيانه :d
بالنسبة لي اني ادخل السيارة الوكالة بالسنه 3 مرات بحيث يهتمون هم بكل شيء من تغيير الزيوت والفحص وباختصاص واريح راسي احسن من ان كل شوي اشيل هم متى اغير زيت القير واروح الصناعيه اغير فحمات وغير كذا امر قطع الغيار اخذ قحمات مثلا
اللي ماهو مقتنع بصيانة الوكالة او يبي ياخذها على فترات متباعده اقترح انه يسوي صيانة كل 40,000 كيلو
لانه حسب مااخبرني مهندس الصيانة بانك اذا جيتهم وانت ماشي 60,000 الف مثلا وانت ماسويت صيانة 40,000 فهم بيسوونلك صيانة 40,000
للمعلوميه
كل الصيانات بـ 350 ريال الا صيانة 40,000 تكلف 550 ريال >>> غير قطع الغيار الاستهلاكيه
الاخطبوط كان هنا
يعطيك الف عافيه على الموضوع ......... بصراحه مره مهم ..... تقبل تحياتي .....
السلام عليكم
والله يا اخواني انا من اشد المعجبين بصيانة الوكالة و سيارتي 2005 سيفيك ما عمري سويتها خارج الوكالة حتى تغيير الزيوت
لكني اخر مرة سويت صيانة ال100 الف و كلفتني 2200 ريال تقريبا و لما جاء البرد وجدت نقط زيت تحت السيارة كل صباح و كانت السيارة قطعت 5200 كيلو بعد الصيانة الاخيرة و ذهبت للوكالة فقال المهندس انها بسيطة و غالبا يجب تغيير ربل الوجه علما انهم غيروها عند ال 100 الف يعني مشكلة منهم هم و لكنهم نكروها و قال لازم ادفع 150 اجور كشف التهريب + قيمة الاصلاح + قيمة القطع وانا متاكد من محافظتي على السيارة و لكن ايش اسوي
وهذه حالة الوكالة
وشكرا
ضوابط المشاركة
مواقع النشر (المفضلة)