أنا كنت ناوي أروح لهم لكن بعد تقريرك ترددت
أشكرك،،'
أنا رحت اليوم لفرع وكالة هوندا بالدمام في أول يوم من الفحص المجاني في اليوم السبت 16 رجب 1437هـ، الموافق 23 أبريل 2016،ودخلت الوكالة الساعة 7:45 صباحاً والفحص مع بداية الدوام في الوكالة الساعة 7:30 صباحاً، وكان قدامي سيارات قليلة وقعدنا في الطابور تقريباً ساعة وعشر دقائق في انتظار الدخول لورشة الفحص، وكان الطابور مقسم لثلاثة مسارات،وبعد ذلك وقفنا أمام الخيمة لتعبئة ورقة الفحص، ثم دخلت السيارة لورشة الفحص ومدة الفحص تقريباً عشر دقائق،فحص اللمبات والبوري والمكيف ورفع السيارة وفحصها من أسفل،وفتح الكبوت وفحص ظاهري،وبعدها أخذ العامل السيارة للمواقف وسلم ورقة الفحص للاستعلامات وكان معه أوراق كثيرة للفاحصين،على أساس الترتيب، وكان فيه فقط مهندسين أو ثلاثة للإستقبال لكن بطيئين جداً جداً في مقابلة الفاحصين،ولذلك انتظرنا أكثر من ساعة وبعدها بدأ تذمر الناس (الساعة 10:15) وفيه ناس ومنهم أنا أخذوا اوراقهم من الشخص في الاستعلامات وأخذوا منه ورقة خروج للسيارة من البوابة وطلب ايميلهم على أساس بيرسل لهم تفاصيل الفحص والتكلفة،وهو اللي طلب من الناس ذلك، على أساس يخفف من الزحمة،لأن مقاعد الانتظار امتلأت والسيارة المفحوصة ملأت المواقف والله الخدمة سيئة جداً جداً وأول مرة أشوف مستواها بهذا الهبوط تأخير غير طبيعي وأنا جاي بدري من البداية ولا قابلت لا أنا ولا غيري مهندس الاستقبال !!! نصيحة فكر كثيراً قبل الذهاب هناك أو يمكن في الأيام الجاية يتعدلون
أنا كنت ناوي أروح لهم لكن بعد تقريرك ترددت
أشكرك،،'
الله يجزاك خير اخويكان ودي اعرف اوقات عملهم وعرفتها من عندك. ما أكذب عليك انا ما افوت هذا الفحص لمعرفة الحالة الصحية للسيارة حتى لو يومي كله بيضيعز بكره بجرب ان شاء الله ما يكون زحمة ويكون جميع المهندسين متواجدين
انا فحصت بوكاله خريص وطلع عندي تهريب بسيط بصوفه العكس يسار موتري اكورد2014
نظراً لأن الوكالة كشتوا فيني ولا أرسلوا لي على الإيميل-مثل ما وعدوني-أول يوم في الفحص المجاني أنا وعدد من المراجعين،فذهبت لهم وقابلت المهندس وسعّرت القطع بنفسي من قسم قطع الغيار ،لذلك أي واحد يروح للفحص المجاني في وكالة هوندا في أي مدينة بالمملكة ويقولون له رح وعطنا إيميلك بنرسل لك التكلفة والتفاصيل لا يصدق،واسأل مجرب ولاتسأل طبيب،في الأساس من أول ما قالوا لي كذا كنت حاس بس كنت تعبان وزهقان قلت أسمع كلامهم وامشي انتظر يرسلون لي لأني جاي من بداية دوامهم الصباحي وحتى أذان الظهر ولا قابلت مهندس الاستقبال من سوء التنظيم مع إني من أوائل من فحص سيارته !!!!!
مواقع النشر (المفضلة)