الموضوع: استفسار ضروري

وعليكم السلام ورحمة الله وبركاته

ما أدري بكم ؛ لكن تراها سهله و تقدر تبرمجها بنفسك

فيه أكثر من طريقة للبرمجه



بترجمها لك .. يقولك

1) تأكد أن كل الأجهزه الإلكترونيه طافيه ؛ المكيف والمسجل والأنوار والخ...

2) سو Reset زي تصفير أو إعادة ضبط المصنع لكمبيوتر السياره بجهاز خاص honda diagnostic system = HDS ؛ لكن يكفي أنك تفصل البطاريه لمدة 5 أو 10 دقائق أو الخ... ثم تشبكها وتشد أسلاك البطاريه زين

3) أفتح السويتش وأنتظر لمدة ثانيتين ( أعتقد لو تزيد عادي للإحتياط جرب أحسب 3 ثواني والله أعلم .. أهم شيء ما يقل عن ثانيتين كاملتين )

4) شغل السياره وثبت الدعسه على 3000 RPM والقير على P أو N إلى أن تشتغل مروحة السياره أو توصل السياره لحرارة 90c

5) شل رجلك عن البنزين وخل السياره شغاله لمدة 5 دقائق .. لا تدعس بنزين أبد ولا تشغل المكيف

وإذا أشتغلت مروحة الراديتر خلال الـ 5 دقائق هذي ... أحسب 5 دقائق مره ثانيه

6) تأكد أن البرمجه تمت بواسطة جهاز honda diagnostic system = HDS ... ( ما يحتاج لأن ما عندنا الجهاز هذا )



أنا عن نفسي ما أسوي الطريقه هذي

صعبه أدعس للمكينه على 3000 RPM وهي بارده وتوها مشتغله والزيت ما أتوزع زين ؛ والزيت اللي انا استخدمه بالصيف ثقيل 20W50

يا أني أسويها والزيت متوزع .. يعني أكون مخليها قبل تشتغل لمدة دقيقه

أو

أني أسوي طريقة برمجه ثانيه ؛ نفس الطريقه الأصليه لكن بدون تثبيت الدعسه على 3000 RPM

تفصل البطاريه لمدة 5 دقايق أو حسب رغبتك
تشغل السياره لمدة 5 دقائق بدون دعس بنزين وبدون مكيف
تشغل المكيف وتخليها شغاله 5 أو 10 دقائق إضافية بدون دعس بنزين