اقتباس المشاركة الأصلية كتبت بواسطة dattchi مشاهدة المشاركة
السلام عليكم ورحمة الله وبركاته
أتمنى انكم متمتعين بصحة جيدة
أنا واجهتني مشكله من قبل أسبوع عي أشتغال لمبه abs + لمبة الدركسون
فجأه بدون أي مقدمات واقف عند أشاره واشتغلت
رحت فحصتها بمحلات فحص الكمبيوتر قل عند حساس المنظم abs
سألت عنها الاماكن المختصه بالهوندا بالخضرية محد عرف مكان القطعه وين
وكل واحد قام يفتي من راسه المهم فصلت البطارية ورجعت شبكتها ماتغير شي
خلوني أنجبر اروح للوكاله
المهم رحت للوكاله قالو لي الفحص الي عندك مانعترف فية والاكواد مو صحيحة
حنا بنحذف لك الخطا من كمبيوتر السيارة
ماندري بيرجع يشتغل أو لا
سألته عن السعر قال ب500 ريال
وقال أذا تبي تشخيص للمشكله 800 ريال
والله الاسعار مبالغ فيها وانا أشوف سيارتي ماشاء الله مافيها شي
بس قاهرتني اللمبات المشتغله
وعلى فكره سيارتي اكورد 2014 وماشية 126000
وانا طالع سالته عن صيانه شامله قالي سوها حق 130 وتكلفك 700
وماوضح لي انهم بتشمل هاللمبة والا لا
في هذة الحاله أحتاج توجيهكم لان هالشي مضايقني
عطوني حلول اسويها خصوصا ماعندي الخبرة الكافية ..

حساس abs عددهم 4 يجون حول الكفرات الاربعه . لو انت برياض كان دليتك على ورشه متخصصه هوندا
وشغلهم زي الوكاله . ويحدد لك اي واحد من الاربعه الحساسات عطلان .

ملاحظة حساس aps يعطل ايضا عند تغير رمان الهوب اذا تم تركيب الرمان بشكل غير دقيق