صوت طقه في الريوس ولا في القير لا حطيته على d

[Rakan hamadd]

السلام عليكم ورحمة الله وبركاته

بما هذي اول مشاركه لي وحبيت اوضح للاعضاء مشكلة الصوت

اول شي انا معي هوندا اكورد 2013 وطلعلي صوت في القير صار له شهر ومخليه على حاله
بعدها رحت للورش (وحسبي الله عليهم) شيكت على السياره وسويت كشف كمبيوتر 4 مرات
واشكلهم قالوا جربوكس السياره على وشك
والثاني يقول التروس حق التعشيق

والصدمه اني روحت لورشه صغيره عند بيتي
قلي خلي السياره عندي وتعال بعد ساعه واطلع لك الخراب وجيته بعد ساعه مثل ما قال وطلع البلى
من (رمان العكس) مو العكس كامل انتبهوا العكس كامل توصل قيمته 3000 اما الرمان اخذته ب 800
القطعه تجيك كامله الرمان مع مع الحديده اللي يركب فيها وبعد ما غيرتها يشهد علي الله كأني مطلعها من الوكاله

واسف على الاطاله كان ودي ارفق صور الرمان بس ما اعرف 😩

[turke]

السلام عليكم عندي نفس المشكله ممكن تتواصل معاي واتس اب
0535233176

[الشيخ ليجند]

الله يجزاك خير
على الافاده والله يبارك لك في سيارتك

[الشيخ ليجند]

نسيت اسألك العكس اليمين او اليسار
والرمان الداخلي او الخارجي

[ابوكريم]

توضيح للفائده للجميع



- اولا الرمان الداخلية ماتنباع لحالها ابدا سواء عند الوكيل او المحلات .

- العكس الداخلي فعلا يسبب احيانا اذا خرب الرمان طقه واحيانا ضجيج بالمحرك
واحيانا تحس السيارة ما تندفع بسلاسة وهذه كله بسبب سوء التشحيم لان الرمان
تتعرض لحراراه مرتفعه واذا الشحم تقليد يذوب او مايقاوم الحراره وتبداء الرمان تتاكل

احرص عند اصلاح العكوس على ان تكون الجلده الخارجية اصلي والشحم
اصلي ومقاوم للحراره العالية وايضا مقاوم للماء .

ملاحظه العكوس الداخليه اليمين واليسار هي المرتبطة بالجير
اما الغكس الخارجي اليمين واليسار ماله اي علاقه .

بنسبة لافضل شحم من خلال بحثي هو هذا .
مميزات الشحم هذا .
-يدوم أربع مرات أطول من الشحم العادي.
-مقاوم للماء تقريبا .
- مقاوم لدرجة الحاراره العالية
-يتجاوز مواصفات oem

[اكورد16]

السلام عليكم ورحمة الله وبركاته
كيف حالكم ي شباب
انا عندي اكورد 16 v6 في مشكلة عندي صوت غريب زي فضاوة القير او طقة غريبة قدام لمن اكون على سرعة بين ال30 و ال40 كع رفع رجلي عن الدواسة يطلع الصوت مع التهدئة ولمن ادعس دعسة خفيفة يطلع الصوت زلمن اهدي عند مطب والسيارة على وشك توقف يطلع الصوت مع اني رحت للوكالة ماطلعوها وشيكو على الكراسي طلعت سليمة الرجو الرد منكم ي شباب

[الشيخ ليجند]

موجود الشحم بالسعودية او من الخارج